Mere toote hue kaase me ik nazar kar de......

Meri qismat ko moula nemato.n se tar kar de.....
Mere toote hue kaase me ik nazar kar de......
[Kaasa=Vessel]

Tu sunta aaya hai shaaho.n ki duaye.n Hardam,
Ab ik nimaaz-e-Muflis me bhi asar kar de......

Ya to Har shay ko ek dil bana de ya fir,
Har ik dhadakte hue dil ko Patthar kar de......

Manzil-e-ishq se Fir tanha lout aaya hu,
Meri Rusvaaia.n mera haasil-e-safar kar de.....

Wo Koun hoga siwaa-e-Aashiq jo Umr saari,
Nigaah-e-Yaar ki Taskiin me basar kar de.....

Mujhe aadat nahi Phulo.n me paanv rakhne ki,
Majmaa-e-khaar ko ab meri rah_Guzar kar de.......
[Majmaa=Crowd/Group]

Ab to aadat hai meri Jaan ab nahi chou.nku.nga,
Fir se ik waar siine pe palatkar Kar de.....

Koun pahchaanega warna main tera aashiq hu,
Mere Wajood ko Zakhmo se Tar_Ba_Tar kar de......

Kahin aisa na ho Teri ye Khoobi-e-Mahfil,
Abke barbaad mera Arz-e-Hunar kar de.....

Dua-e-Ishq me YaaRa ghazab ka Jaadu hai,
Jo har ik zarra-e-Mohtaaj ko gauhar kar de.....!!



For All My Poems Please visit, Safhaa-e-dil.blogspot.com

Hum_Dum sahab. Shayad aap is sher ke baare me baat kar rahe hai...

Ya to Har shay ko ek dil bana de ya fir,
Har ik dhadakte hue dil ko Patthar kar de......

It is a Philosophical sher. the meaning is supplicated to God.
"Ya to har ik sakht chiiz ko dil jaisa narm bana aur Jazbaat se bhar de. ya fir Har narm dil ko Patthar sa sakht kar de taaki wo Baaki pattharo.n ka saamna kar sake....

Hope its ok now.
Abhi bhi agar aapko sahi na alage to maafi chahunga ek 'meaningless' sher likhe ke liye...

Nahi Janaab Mera Matlab Is Sher Se Tha


Tu Sunta Aaya Hai Shaaho.n Ki Duaye.n Hardam
  Ab Ik Nimaaz-e-Muslis Me Bhi Asar Kar De