meri zeest ka hai ye kissa purana

Meri zeest ka hai ye qissa
purana,
Tumhein yad karna, nahin
bhool pana,

Teri sadgi ne banaya tha
bismil,
Tere bholepan ne kiya tha
deewana,

Mere paas aa ke tera
muskurana,
Nazar se guzar kar, jigar mein
samana,

 Ye ghazlein, kitabein, ye
yaron ki mehfil,
Tujhe bhool pane ka hain ik
bahana,

Na sun na kabhi bhi mere dil
ke nale,
Akele mein meri ghazal
gungunana,

Nazar mein hai tujhse
bichhadne ka alam,
Wo ro-ro ke tera mujhe bhi
rulana,

Muhabbat ki khatir, zamane se
ladna,
Zamane ki khatir, muhabbat
bhulana,

Hua kya hai 'Sagar', hamein
bhi batao,
Zamane se milna, na mehfil
mein aana.

Sagar akbarabadi

ghajal pasand krne ke liye thanx....

waah kyaa baat hai, thanks for sharing.

Bahut umda