Begum Akhtar And Ghazals

duur hai manzil raahe.n mushkil aalam hai tanhaa_ii kaa
Shakeel Badayuni


duur hai manzil raahe.n mushkil aalam hai tanhaa_ii kaa
aaj mujhe ehasaas huaa hai apanii shikastaa-paa_ii kaa

[shikastaa_paa_ii = infirmness of the legs]

dekh ke mujh ko duniyaaavaale kahane lage hai.n diivaanaa
aaj vahaa.N hai ishq jahaa.N kuchh Khauf nahii.n rusvaa_ii kaa

chho.D de.n rasm-e-Khud_nigaarii ko to.D de.n apanaa iimaa.N
Khatm kiye detaa hai zaalim ruup terii anga.Daa_ii kaa

mai.n ne ziyaaye.n husn ko baKhshii.n us kaa to ko_ii zikr nahii.n
lekin ghar ghar me.n charchaa hai aaj terii raanaa_ii kaa

[ziyaaye.n = splendour; raanaa_ii = radiance]

ahl-e-havas ab pachhataataa hai Duub ke bahar-e-Gam me.n 'Shakeel'
pahale na thaa in bechaaro.n ko andaazaa gaharaa_ii kaa

[bahar = sea]

vo jo ham me.n tum me.n qaraar thaa tumhe.n yaad ho ke na yaad ho
Momin Khan Momin


vo jo ham me.n tum me.n qaraar thaa tumhe.n yaad ho ke na yaad ho
vahii vaadaa yaani nibaah kaa tumhe.n yaad ho ke na yaad ho

vo naye gile vo shikaayate.n vo maze maze kii hikaayate.n
vo har ek baat pe ruuThanaa tumhe.n yaad ho ke na yaad ho

kabhii ham me.n tum me.n bhii chaah thi kabhii ham me.n tum me.n bhii raah thii
kabhii ham bhii tum bhii the aashnaa tumhe.n yaad ho ke na yaad ho

jise aap ginate the aashnaa jise aap kahate the baa-vafaa
mai.n vahii huu.N 'Momin'-e-mubtalaa tumhe.n yaad ho ke na yaad ho

Very wonderful sharings