Only for Jagjeet Gazhals:Ghazals

mili_genie

Guest

Hi all of u there is only jagjeet gazhals here plz placed it
this gazhal i like very much

dosti jab kisi se kee jaaye
dushmano ki bhi raaye lee jaaye

maut ka zahar hai fizaoN meiN
ab kahan ja kay saans lee jaaye

bas isee soNch meiN hooN dooba hua
ye nadi kaise paar kee jaaye

mere maazi ke zakhm bharne lage
aaj phir koi bhool kee jaaye

botlayeN khol ke to pee barsoN
aaj dil khol ke bhee pee jaaye


	Logged

Similar Poetry and Posts (Note: Find replies to above post after the related posts and poetry)
	few lines sung by jagjeet by vb in Share:Miscellaneous Shayari

mili_genie

Guest

Only for Jagjeet Gazhals

«Reply #1 on: September 02, 2005, 11:35:58 AM »

apne hoThoN par sajaana chaahta hooN
aa tuJhe maiN gun-gunaana chaahta hooN

koi aaNsoo tere daaman par girakar
boond ko moti banaana chaahta hooN

thak gaya maiN karte-karte yaad tuJhko
ab tuJhe maiN yaad aana chaahta hooN

chaa raha hai saari basti meiN andhera
roshni ko ghar jalaana chaahta hooN

aakhri hichki tere zaanO pe aaye
maut ko bhi shaayarana chaahta hooN


	Logged

HumTum

Guest

Only for Jagjeet Gazhals

«Reply #2 on: September 02, 2005, 11:37:13 AM »

Nice Mili n welcum ....

apane haathon ki lakiron main basaale mujhko
main hoon tera, to nasib apana bana le mujhko..

mujhse tu puchane aayaaa hai wafaa ke maani
yeh teri sadaa-dili maar na daale mujhko...

main samandar bhi honn, moti bhi hoon, gotaazan bhi
koi bhi naam meraa,,, leke,,, bula le mujhko ..

tune dekhaa nahin aaine se aage kuchh bhi
khudaparasti main kahin tu na ganvaale mujhko..

kal ki baat aur hai main ab saa rahoon yaa na rahoon
jitanaa ji chaahe teraa,, aaj sataale mujhko..

khud ko main baant na daaloon kahin daaman-daaman
kar diyaa tuune agar mere havaale mujhko..

main jo kaantaa hoon to chal mujh se bachaakar daaman
main hoon gar phuul to joode main sajaale mujhko...

main khule dar ke kisi ghar kaa hoon saamaan pyaare
tu dabe paanv kabhi aake churaale mujhko...

tark-e-ulfat ki qasam bhi koi hoti hai qasam
tu kabhi yaad to kar bhoolane-vaale mujhko...

baadaa phir baadaa hai main zahar bhi pi jaaoon "Qateel"
shart ye hai koi baahon main sambhale mujhko...

Shayar hai janab "Qateel Shifai"

HumTum


	Logged

mili_genie

Guest

Only for Jagjeet Gazhals

«Reply #3 on: September 02, 2005, 11:38:52 AM »

apna gham bhool gaye, teri jafa bhool gaye
hum to har baat mohabbat ke siwa bhool gaye

hum akele hi nahiN pyaar ke diwaane sanam
aap bhi nazreN jhookaaneN ki adaa bhool gaye

ab to socha hai ke daaman hi tera thaamenge
haath jab humne uthaaye hain dua bhool gaye

shuKr samjho ya ise apnee shikaayat samJho
tumne wo dard diya hai ke dawa bhool gaye


	Logged

HumTum

Guest

Only for Jagjeet Gazhals

«Reply #4 on: September 02, 2005, 11:40:44 AM »

chupake chupake raat din aa.Nsuu bahanaa yaad hai
ham ko ab tak aashiqii kaa vo zamaanaa yaad hai

baahazaaraa.N iztiraab-o-sad-hazaaraa.N ishtiyaaq
tujhase vo pahale pahal dil kaa lagaanaa yaad hai

tujhase milate hii vo bebaak ho jaanaa meraa
aur teraa daato.n me.n vo you.Ngalii dabaanaa yaad hai

khii.nch lenaa vo meraa parde kaa konaa daffaatan
aur dupaTTe se teraa vo muu.Nh chhupaanaa yaad hai

jaan kar sotaa tujhe vo qasa-e-paabosii meraa
aur teraa Thukaraa ke sar vo muskuraanaa yaad hai

tujh ko jab ta.nhaa kabhii paanaa to az_raahe-lihaaz
hal-e-dil baato.n hii baato.n me.n jataanaa yaad hai

jab sivaa mere tumhaaraa koii diivaanaa na thaa
sach kaho kyaa tum ko bhii vo kaarKhaanaa yaad hai

Gair kii nazaro.n se bachakar sab kii marzii ke Khilaaf
vo teraa chorii chhipe raato.n ko aanaa yaad hai

aa gaya gar vasl kii shab bhii kahii.n zikr-e-firaaq
vo teraa ro ro ke mujhako bhii rulaanaa yaad hai

do-pahar kii dhuup me.n mere bulaane ke liye
vo teraa kothe pe na.nge paao.n aanaa yaad hai

dekhanaa mujhako jo bargashtaa to sau sau naaz se
jab manaa lenaa to phir Khud ruuTh jaanaa yaad hai

chori chori ham se tum aa kar mile the jis jagah
muddate.n guzarii.n par ab tak wo thikaanaa yaad hai

beruKhii ke saath sunaanaa dard-e-dil kii dastaa.N
aur teraa hatho.n me.n vo ka.ngan ghumaanaa yaad hai

vaqt-e-ruKhsat alvidaa kaa lafz kahane ke liye
vo tere sukhe labo.n kaa thar-tharaanaa yaad hai

baavajuud-e-iddaa-e-ittaqaa 'Hasrat' mujhe
aaj tak ahad-e-havas kaa ye fasaanaa yaad hai

janab! "Hasrat Mohani"


	Logged

mili_genie

Guest

Only for Jagjeet Gazhals

«Reply #5 on: September 02, 2005, 11:41:12 AM »

thax lot hum tum ji n what i m saying i m new in that forum i m just saying

Raatein gumnaam hoti hai,
Din kisike naam hota hai,
Hum zindagi kuch is tarah jeete hai,
Ki har lamha doston ke naam hota hai !


	Logged

HumTum

Guest

Only for Jagjeet Gazhals

«Reply #6 on: September 02, 2005, 11:44:09 AM »

nice Mili .....

aa.Nkh se duur na ho dil se utar jaayegaa
vaqt kaa kyaa hai guzarataa hai guzar jaayegaa

itanaa maanuus na ho Khilvat-e-Gam se apanii
tuu kabhii Khud ko bhii dekhegaa to Dar jaayegaa

tum sar-e-raah-e-vafaa dekhate rah jaaoge
aur vo baam-e-rafaaqat se utar jaayegaa

zindagii terii ataa hai to ye jaanevaalaa
terii baKhshiish terii dahaliiz pe dhar jaayegaa

Duubate Duubate kashtii to ochhaalaa de duu.N
mai.n nahii.n ko_ii to saahil pe utar jaayegaa

zabt laazim hai magar dukh hai qayaamat kaa 'Faraz'
zaalim ab ke bhii na royegaa to mar jaayegaa


	Logged

mili_genie

Guest

Only for Jagjeet Gazhals

«Reply #7 on: September 02, 2005, 11:45:12 AM »

aankh ko jaam samajh baitha tha anjaane mein
saaqiya hosh kahan tha tere diwaane mein

jaane kis baat ki unko hai shikaayat mujhse
naam tak jinka nahin hai mere afsaane mein

dil ke tukdon se teri yaad ki khushboo na gayee
hue main baaqi hai toote huye paimaanon mein

dil-e-barbad mein umeed ka aalam kya hai
timtimathi huyee ik shamma hai veeraane mein


	Logged

HumTum

Guest

Only for Jagjeet Gazhals

«Reply #8 on: September 02, 2005, 11:45:47 AM »

Quote from: "mili_genie"

Gud one ....

dostoon se hi har lamha jawaan hota hai
mere hone ka naam o nishaan hota hai
gar na ho koi doast to phir HumTum
bahri mehfil mein bhi sab kuch anjaan hota hai !!


	Logged

HumTum

Guest

Only for Jagjeet Gazhals

«Reply #9 on: September 02, 2005, 11:46:38 AM »

phir usii raah_guzar par shaayad
ham kabhii mil sake.n magar shaayad

jaan pahachaan se kyaa hogaa
phir bhi ai dost Gaur kar shaayad

muntazir jin ke ham rahe tum ho
mil gaye aur ham_safar shaayad

jo bhii bichha.De hai.n kab mile hai.n 'Faraz'
phir bhii tuu intazaar kar shaayad


	Logged

HumTum

Guest

Only for Jagjeet Gazhals

«Reply #10 on: September 02, 2005, 11:47:03 AM »

saaqiyaa ik nazar jaam se pahale pahale
ham ko jaanaa hai kahii.n shaam se pahale pahale

Khush huaa ai dil ke muhabbat to nibhaa dii tuune
log uja.D jaate hai.n anjaam se pahale pahale

ab tere zikr pe ham baat badal dete hai.n
kitanii raGabat thii tere naam se pahale pahale

saamane umr pa.Dii hai shab-e-tanhaa_ii kii
vo mujhe chho.D gayaa shaam se pahale pahale


	Logged

mili_genie

Guest

Only for Jagjeet Gazhals

«Reply #11 on: September 02, 2005, 11:47:44 AM »

Quote from: "HumTum"

Quote from: "mili_genie"

Gud one ....

dostoon se hi har lamha jawaan hota hai
mere hone ka naam o nishaan hota hai
gar na ho koi doast to phir HumTum
bahri mehfil mein bhi sab kuch anjaan hota hai !!

Once again thax humtum ji

Dost ek saahil hai tufaano ke liye,
Dost ek aaina hai armaano ke liye,
Dost ek mehfil hai anjaano ke liye,
Dosti ek khawaahish hai aap jaise dost ko paane ke liye !!


	Logged

HumTum

Guest

Only for Jagjeet Gazhals

«Reply #12 on: September 02, 2005, 11:50:48 AM »

Pleasure Mili !!!!

kha hai koi jagah hum jaseey dewano ke liye
mehfil to sajti hai shamaa o parwane ke liye
dosti niba ke dekhi adaam jaat se bahot
ab to bas wajood hai mera mehkhane ke liye !!!


	Logged

mili_genie

Guest

Only for Jagjeet Gazhals

«Reply #13 on: September 02, 2005, 11:51:26 AM »

bus ke dushwaar hai har kaam ka aasaaN hona
aadmee ko bhee muyassar naheeN insaaN hona

kee mere qatl ke baad usne jafa se tauba
haay us zood_pashemaaN ka pashemaaN hona

haif us chaar girah kapDe ki qismat 'GHalib'
jis ki qismat meiN ho aashiq ka girebaaN hona


	Logged

HumTum

Guest

Only for Jagjeet Gazhals

«Reply #14 on: September 02, 2005, 11:52:40 AM »

qurbato.n me.n bhii judaa_ii ke zamaane maa.Nge
dil vo bemehar ki rone ke bahaane maa.Nge

apanaa ye haal ke jii haar chuke luT bhii chuke
aur muhabbat vahii andaaz puraane maa.Nge

ham na hote to kisii aur ke charche hote
khalqat-e-shahar to kahane ko fasaane maa.Nge

dil kisii haal pe maane hii nahii.n jaan-e-'Faraz'
mil gaye tum bhii to kyaa aur na jaane maa.Nge


	Logged

Pages: [1] 2 3 4 5 ... 7

Yoindia ShayariAdab > Shayri ( Poetry ) or Shayari > Ghazals > Topic: Only for Jagjeet Gazhals