Shaam, gar, beet rahee hai to beet jaaney do!:Ghazals

abdbundeli

Guest

Shaam, gar, beet rahee hai to beet jaaney do!
Jaam, gar, reet rahaa hai to reet jaaney do!!

Fikra ham kyon kareyn: jaaree hai raat kaa aanaa;
In naqaabon ki jagah, wo naqaab aaney do!

Noujawaan saaqiyah paabandiyon ko kyon maaney?
Jaam-e-kousar na sahee, aor kuchh pilaaney do!

Wo jo aayengey to khud hogaa andheyraa roushan;
Lamhon ki deyr hai, syaahee ko zulm dhhaaney do!

Jald ho jaayegaa parchhaainyon kaa dour dafaa:
Chaand gaayab hai, sitaaron pai abra chhaaney do!

Tumhain qasam hai, jaraa aur qareeb aa jaaou;
Sadaa-e-dil ko qaraabat mein gungunaaney do!

Nigaah-e-gair pai beynooriyon kaa hai pardah;
Labon ko hamnawaa jismon mein muskuraaney do!

Baad-e-mashriq mein ghul chalee hai naseem-e-kousar;
Rooh ko sharbat-e-firdous mein nahaaney do!

Lo suno, hain huye khaamosh parindey saarey;
Ab to khaamosh hawaaoun ko, 'abd', gaaney do!

- abd bundeli


	Logged

Similar Poetry and Posts (Note: Find replies to above post after the related posts and poetry)
	BEET GAY SAB, by muneeb in Shayri-E-Dard
	zmaany beet jaty hain by aankhain in Miscellaneous Shayri
	Kitne Din Beet Gaye !!! by gujaratikanudo in Shayri for Dard -e- Judai
	sawan beet gaia hai by fairykhan in Shayri for Khumar -e- Ishq
	Jo Beet Gaya So Beet Gaya....(Adab) by drpandey in Shairi - E - Zindagi