Suno Yaaron

abhi thodi si chandani me na ruko yaaron
jhukate aasman  ko  chune bado  yaaron

kapdo me mere daag padne do yaaron
kafan me mujhe  saaf  tum rakho yaaron

machal raha hain khoon qatra qatra
meri zindagi meri jubani suno yaaron

thamane  wala  hain ab tufaan ka safar
zindagi ko naya raah-bar dhundo yaaron

waqt ka parinda na sunta kisika  
milo kahi to dil khol ke milo yaaron

sajayi hain mahfil yaado ki taaro me
ab tum mujh ko na jagawo yaaron

band ankho ke andar basi ek duniya
unki band aankho se  bhi dekho yaaron

karo yaad apna khilkhilata aangan
baccho ke saath bacche banke khelo yaaron

log deewana samjate to samjane do
apne aap se bhi baat karo yaaron

'Aman'  kaha milega ab tumhe raho meiN
thodi der tanhayi ko gale  lagalo yaaron

 

  :