The RatPack (of SHER's/Ghazals):Ghazals

sashe75

Guest

ajab apanaa haal hotaa jo visaal-e-yaar hotaa
DaaG Dehlvi

ajab apanaa haal hotaa jo visaal-e-yaar hotaa
kabhii jaan sadaqe hotii kabhii dil nisaar hotaa

na mazaa hai dushmanii me.n na hai lutf dostii me.n
koii Gair Gair hotaa koii yaar yaar hotaa

ye mazaa thaa dillagii kaa ke baraabar aag lagatii
na tumhe.n qaraar hotaa na hame.n qaraar hotaa

tere waade par sitamagar abhii aur sabr karate
agar apanii zindagii kaa hame.n aitabaar hotaa


	Logged

Similar Poetry and Posts (Note: Find replies to above post after the related posts and poetry)
	good ghazals by mudassirali in Songs & Lyrics
	Ghalib Sher's by Friend_4uall in Shayri-E-Dard
	The RatPack (of Sher's) by sashe75 in Mazahiya Shayri(Funny Shayari)
	Ghazals..........Have a look !!! by Friend_4uall in Ghazals
	Raj Rattan: Ghazals... by rajrattan31 in Tarruf Yoindia Sae : Give your Introduction

sashe75

Guest

The RatPack (of SHER's/Ghazals)

«Reply #1 on: November 02, 2005, 08:21:10 PM »

Hasrat Jaipuri

ham raato.n ko uTh uTh ke jin ke liye rote hai.n
vo Gair kii baaho.n me.n aaraam se sote hai.n

ham ashk judaa_ii ke girane hii nahii.n dete
bechain sii palao.n me.n motii se pirote hai.n

hotaa chalaa aayaa hai bedard zamaane me.n
sachchaa_ii kii raaho.n me.n kaa.NTe sabhii bote.n hai.n

a.ndaz-e-sitam un kaa dekhe to ko_ii "Hasrat"
milane ko to milate hai.n nashtar se chubhote hai.n


	Logged

sashe75

Guest

The RatPack (of SHER's/Ghazals)

«Reply #2 on: November 02, 2005, 08:26:05 PM »

Jaun Eliya

dil ne vafaa ke naam par kaar-e-jafaa nahii.n kiyaa
Khud ko halaak kar liyaa Khud ko fidaa nahii.n kiyaa

kaise kahe.n ke tujh ko bhii hamase hai vaastaa ko_ii
tuune to hamase aaj tak ko_ii gilaa nahii.n kiyaa

tuu bhii kisii ke baab me.n ahad-shikan ho Gaaliban
mai.n ne bhii ek shaKhs kaa qarz adaa nahii.n kiyaa

jo bhii ho tum pe mautariz us ko yahii javaab do
aap bahot shariif hai.n aap ne kyaa nahii.n kiyaa

jis ko bhii sheKh-o-shaah ne hukm-e-Khudaa diyaa qaraar
hamane nahii.n kiyaa vo kaam haa.N baa-Khudaa nahii.n kiyaa

nisbat-e-ilm hai bahot haakim-e-vaqt ko aziiz
us ne to kaar-e-jehl bhii be-ulaamaa nahii.n kiyaa


	Logged

Pages: [1]

Yoindia ShayariAdab > Shayri ( Poetry ) or Shayari > Ghazals > Topic: The RatPack (of SHER's/Ghazals)