Tujhay Dheekhnay kay baad !!

Kaisay sukoon paaon tujhay dheekhnay kay baad
Ab kiya ghazal sunaaon, tujhay dheekhnay kay baad

Awaaz day rahee hay meri zindagee mujhay
Main jaon ya na jaon, tujhay dheekhnay kay baad

Teri nigha-e mast nay makhmoor kar diya
Ab kiya may-kaday ko jaon, tujhay dheekhnay kay baad

KAabay ka ehtraam bhee, meri nazar main hay
Sar kis taraf jhukaaon, tujhay dheekhnay kay baad

Meray liay to TU, ghazal kee tarhan say hay
Ab kis ko gungunaaon, tujhay dheekhnay kay baad

Mat pooch inteha meray deeda-r e shauq kee
Tujh ko na dheekh paaon, tujhay dheekhnay kay baad

Kaisay sukoon paaon tujhay dheekhnay kay baad........