TUMHAARE DIL PE HUMEIN IKHTIYAAR HAI K NAHIN:Ghazals

waquif ansari

Guest

Aik Online Tarahi Mushaira jo k 28-04-2012 ko FACEBOOK (Janab Tauqeer Zaidi Saheb k “MUHABBAT” Group) meiN hua jiska Misra Tarah (Jhuki jhuki si nazar beqaraar hai k nahiN) Kaifi Azmi ki mashhoor-o-maaroof ghazal se diya gaya tha, isi misre-tarah par ye Tarahi Ghazal aap sabhi k roo-ba-roo rakhna chaahta hooN, apni aara se zaroor nawaziyega:

GuloN ke bhes meiN parwardah Khaar hai k nahiN
Bashar ki shakl meiN parwardigaar hai k nahiN

Nazar udaas, faza sogawaar hai k nahiN
Har aik chehra yahaN ishtehaar hai k nahiN

Kuchh uska dekh looN qaulo-qaraar hai k nahiN
Ye kaise kah dooN mujhe aitebaar hai k nahiN

Chahaar samt fughaaN, izteraar hai k nahiN
Jidhar bhi dekheN ghume-rozgaar hai k nahiN

Qareeb ho k bhi woh sharmsaar hai k nahiN
“Jhuki jhuki si nazar beqaraar hai k nahiN”

HaTa ke chehre se zulfeN dikhaao teere-nazar
Ye kaise kah dooN k rukhsaare-yaar hai k nahiN

Qareeb aao kuchh itna k ye pata to chale
Tumhaare dil pe humeiN ikhtiyaar hai k nahiN

Hum un ke aane se pahle hi jaan lete haiN
Hawa ke dosh pe booye-khumaar hai k nahiN

Nigaahe-naaz se yooN poochh baiThe wo mujh se
Ki beqaraar ko sabro-qaraar hai k nahiN

BatayeN Aib to dekheN zaroor aap apne
GharoN meiN sheesha-e-izzo-weqaar hai k nahiN

Nazar utha ke zara dekhiye chaman meiN janaab
KhizaaN ka chaaroN Taraf iqtedaar hai k nahiN

Ghareebi, bebasi, bechaargi ke Aalam meiN
Halaak hota hua kaashtkaar hai k nahiN

Ghareeb khoon ugalte hi ja rahe haiN magar
Surooro-kaif meiN sarmaayadaar hai k nahiN

Lahu lahu meiN nahaaya huwa hai lauho-qalam
Aroozo-fun meiN bayaaN Khaaksaar hai k nahiN

Sabhi zabaanoN se yakta hai munfarid lehja
Zabaane-Urdu yahaN taajdaar hai k nahiN

Bujhe bujhe se nazar aate ho humeiN WAQUIF
Dil apna dekh to lo shahryaar hai k nahiN

(WAQUIF ANSARI)
30-04-2012


	Logged

Similar Poetry and Posts (Note: Find replies to above post after the related posts and poetry)
	Khud par mera ikhtiyaar nahin ! by Rishi in Shayri for Khumar -e- Ishq
	Aansoo bahaane nahin aate humein ...!!! by Delicate_Doll in Shayri-E-Dard « 1 2 ... 5 6 »
	ZINDAGI NAHIN HUMEIN TUM SE PYAARI by redwhitegang in Shayri for Khumar -e- Ishq
	Aye waqt tu lout ke aaja dil pe mere tab ikhtiyaar na tha.. by heartbeat in Shayeri for Dard -e- Bewafai
	Hum tumhaare hein tumhaare hein by mazHur in Miscellaneous Shayri

sksaini4

Ustaad ae Shayari

Rau: 853

Offline

Gender: Male

Waqt Bitaya:
112 days, 8 hours and 51 minutes.
Posts: 36414
Member Since: Apr 2011

Re: TUMHAARE DIL PE HUMEIN IKHTIYAAR HAI K NAHIN

«Reply #1 on: April 30, 2012, 11:56:00 AM »


	Logged

amit_prakash_meet

Guest

Re: TUMHAARE DIL PE HUMEIN IKHTIYAAR HAI K NAHIN

«Reply #2 on: April 30, 2012, 11:59:36 AM »


	Logged

himanshuIITR

Guest

Re: TUMHAARE DIL PE HUMEIN IKHTIYAAR HAI K NAHIN

«Reply #3 on: April 30, 2012, 12:16:16 PM »


	Logged

waquif ansari

Guest

Re: TUMHAARE DIL PE HUMEIN IKHTIYAAR HAI K NAHIN

«Reply #4 on: April 30, 2012, 12:24:42 PM »

Bahut bahut shukriya janab sksaini saheb........

Quote from: sksaini4 on April 30, 2012, 11:56:00 AM


	Logged

masoom shahjada

Guest

Re: TUMHAARE DIL PE HUMEIN IKHTIYAAR HAI K NAHIN

«Reply #5 on: April 30, 2012, 12:30:59 PM »

Waah waah


	Logged

waquif ansari

Guest

Re: TUMHAARE DIL PE HUMEIN IKHTIYAAR HAI K NAHIN

«Reply #6 on: May 01, 2012, 10:43:22 AM »

Dear amit prakash meet saheb, thanks for your clappings.

(waquif ansari)

Quote from: amit_prakash_meet on April 30, 2012, 11:59:36 AM


	Logged

F.H.SIDDIQUI

Guest

Re: TUMHAARE DIL PE HUMEIN IKHTIYAAR HAI K NAHIN

«Reply #7 on: May 01, 2012, 07:02:20 PM »

Waquif bhai , AOA . Muazrat khwaah hoon ki aapki ye ghazal der se parhne ko mili . Aap ki kami Yoindia Shayariadab per mahoos hoti hai . Khair aaj parh kar bahut musarrat ho rahi hai .... Ghazal ki kya tareef karoon . Thheek usi meiyaar ki hai jiski aap se ummeed ki jaati hai. Meri taraf se bahut bahut mubarak baad aur daad qubool kijye . Ummeed karta hoon , aur darkhwast bhi , ki aap abb Bazm mein aate raheinge . Duago, Hasan


	Logged

Quateel Ahmad

Guest

Re: TUMHAARE DIL PE HUMEIN IKHTIYAAR HAI K NAHIN

«Reply #8 on: May 01, 2012, 08:29:00 PM »

Waquif Ansari sahab, bahot shukriya,,,,aap ne itni achi ghazal pesh ki! Padh kar mazaa aa gaya. Mubarakbad!


	Logged

waquif ansari

Guest

Re: TUMHAARE DIL PE HUMEIN IKHTIYAAR HAI K NAHIN

«Reply #9 on: May 03, 2012, 07:31:11 AM »

himanshuIITR ji, aapka bahut bahut shukriya janab is daad o tehseen k liye. Khush rahen aabaad rahen.

(waquif ansari)

Quote from: himanshuIITR on April 30, 2012, 12:16:16 PM


	Logged

waquif ansari

Guest

Re: TUMHAARE DIL PE HUMEIN IKHTIYAAR HAI K NAHIN

«Reply #10 on: May 07, 2012, 08:27:59 AM »

Taakheer k liye ma.azrat chaahta hooN. Aapne is ghazal ki tareef ki is ke liye aapka shukriya ada karna apna farz samajhta hoon.

(waquif ansari)

Quote from: himanshuIITR on April 30, 2012, 12:16:16 PM


	Logged

waquif ansari

Guest

Re: TUMHAARE DIL PE HUMEIN IKHTIYAAR HAI K NAHIN

«Reply #11 on: May 08, 2012, 04:13:12 AM »

janab masoom shahjada sahab, aapka bahut bahut shukriya k khaaksaar ko apni muhabbatoN se aap ne nawaza. Aap se isi tarah ki tawaqqo aaindah bhi karta hooN.

(waquif ansari)

Quote from: masoom shahjada on April 30, 2012, 12:30:59 PM

Waah waah


	Logged

waquif ansari

Guest

Re: TUMHAARE DIL PE HUMEIN IKHTIYAAR HAI K NAHIN

«Reply #12 on: May 17, 2012, 11:03:27 AM »

Thank you very much masoom shahjada saheb for your comments.

(waquif ansari)

Quote from: masoom shahjada on April 30, 2012, 12:30:59 PM

Waah waah


	Logged

Pages: [1]

Yoindia ShayariAdab > Shayri ( Poetry ) or Shayari > Ghazals > Topic: TUMHAARE DIL PE HUMEIN IKHTIYAAR HAI K NAHIN