Un nazaaroun ko deykhtey hain: thithak jaatey hain!!:Ghazals

abdbundeli

Guest

Chaand taaroun ko deykhtey hain: thithak jaatey hain!
Un nazaaroun ko deykhtey hain: thithak jaatey hain!!

Dahashatee dour hai: mazloomiyat key pahloo mein,
Gam key maaroun ko deykhtey hain: thithak jaatey hain!

Mout hi mout, qatl-o-khoon key thikaanoun mein,
Ham bahaaroun ko deykhtey hain: thithak jaatey hain!

Zulm hai zulm: parhaa hai zabaan par taalaa:
Un ishaaroun ko deykhtey hain: thithak jaatey hain!

Aashiyaan aag mein, sholoun mein tifl deykh ghirey;
Phir, sharaaroun ko deykhtey hain: thithak jaatey hain!

Dafn kar aaye hain zindah, kayee layaliyoun ko:
Sharmsaaroun ko deykhtey hain: thithak jaatey hain!

Taalib-e-ilm pal rahey yateemkhaanoun mein:
Un bichaaroun ko deykhtey hain: thithak jaatey hain!

Ujaarhtey jo roz, khud hi, hazaaroun gharbaar:
Gamgusaaroun ko deykhtey hain: thithak jaatey hain!

Khaak-e-insaan naheen, maiyatoun-murdoun sey bharey,
Un kinaaroun ko deykhtey hain: thithak jaatey hain!

Kyaa kareyn, dair-o-haram mein bhi jinhain thour naheen?
Rab key pyaaroun ko deykhtey hain: thithak jaatey hain!

Wo jo kahtey they, jo kaheyn wo, wahee hai yiimaan:
Un kee haaroun ko deykhtey hain: thithak jaatey hain!

Jinkaa kahnaa thaa, “Jiyogey to, magar, ham jaisey!”
Un key yaaroun ko deykhtey hain: thithak jaatey hain!

Dushmanaan-e-watan, khoonkhaar aadmee: ae ‘abd’,
Itney saaroun ko deykhtey hain: thithak jaatey hain!!

- abd bundeli


	Logged

Similar Poetry and Posts (Note: Find replies to above post after the related posts and poetry)
	Dhoop mein Achchhey Bhaley Naqsh Bigad jaatey hain..... by sharmaarunkumar in Ghazals
	Roo-b-roo hotey hi, ho jaatey hain chup! by abdbundeli in Shayri for Khumar -e- Ishq
	Khwaab-sey aatey hain; jaatey hain haqeeqat ban kar! by abdbundeli in Ghazals
	Daaman ko kyaa huaa hai, ki, aa deykhtey hain log? by abdbundeli in Ghazals
	Ham liye jaa rahey hain: aap diye jaatey hain? by abdbundeli in Ghazals

Talat

Guest

Re: Un nazaaroun ko deykhtey hain: thithak jaatey hain!!

«Reply #1 on: June 21, 2009, 01:36:54 PM »

Babu Ji, aapki ye ghazal dil ko hila kar chali gayi......"Thithak jaate hain".....Haqiqat ko batata, bohot hi asardaar kalaam !!


	Logged

abdbundeli

Guest

Re: Un nazaaroun ko deykhtey hain: thithak jaatey hain!!

«Reply #2 on: June 21, 2009, 01:53:44 PM »

Quote from: Celmira on June 21, 2009, 01:36:54 PM

Babu Ji, aapki ye ghazal dil ko hila kar chali gayi......"Thithak jaate hain".....Haqiqat ko batata, bohot hi asardaar kalaam !!

Shukriyah, aap ko achchhaa lagaa! Mujhey khushee huyee bitia Celmira!
- abd bundeli


	Logged

deepika_divya

Guest

Re: Un nazaaroun ko deykhtey hain: thithak jaatey hain!!

«Reply #3 on: June 21, 2009, 03:43:56 PM »

Bahoot hi Khoob Subanallah bahoot hi Khoob Likha hai aapne.


	Logged

abdbundeli

Guest

Re: Un nazaaroun ko deykhtey hain: thithak jaatey hain!!

«Reply #4 on: June 22, 2009, 04:47:56 AM »

Quote from: Sophi on June 21, 2009, 03:43:56 PM

Bahoot hi Khoob Subanallah bahoot hi Khoob Likha hai aapne.

Thanks a lot, Sophi ji!
- abd bundeli


	Logged

Pooja

Guest

Re: Un nazaaroun ko deykhtey hain: thithak jaatey hain!!

«Reply #5 on: June 29, 2009, 01:10:43 AM »

hamesha ki tarah bahoot khoob Abd ji


	Logged

abdbundeli

Guest

Re: Un nazaaroun ko deykhtey hain: thithak jaatey hain!!

«Reply #6 on: June 29, 2009, 06:22:26 AM »

Quote from: Pooja on June 29, 2009, 01:10:43 AM

hamesha ki tarah bahoot khoob Abd ji

Shukriyah, aap ko achchhaa lagaa; mujhey khushee huyee Pooja ji!
- abd bundeli


	Logged

Pages: [1]

Yoindia ShayariAdab > Shayri ( Poetry ) or Shayari > Ghazals > Topic: Un nazaaroun ko deykhtey hain: thithak jaatey hain!!