Unka wo Shamme.n Bujha dene ka Armaa.n, Haaye Haaye!!:Ghazals

vipul kumar

Guest

Rukh pe afsha.n Nikhat-e-zulf-e-Nigara.n, Haaye Haaye!
Haaye k wo Lamhaa-e-Diidar-e-Jaana.N, Haaye Haaye!!

Yaa.n k ik arz-e-Tamanna Bhi Giraani-e-Kohsaar,
Aur Wahan Sou Nisbate.n, Sou Rabt-e-Pechaa.n, Haaye Haaye!!

[Giraani-e-Kohsaar=heavy like mountains ; Nisbat=Relations/Friendship]

Wo Hijaab Me aaye to rahe iztirab-e-Dil-o-Jigar,
Be_Naqaab Jo aaye to uftaad-e-iimaa.n, Haaye Haaye!!

[Iztirab=Restlessness; uftaad= Problem]

Baarishe.n Yu.n bhi To Dil par Qahar sa Dhaa deti hai.n,
Uspe ik Bheegi hui ye Shaam-e-Hijra.n, Haaye Haaye!!

Ham to Shaam-e-wasl Unko Dekhna Chaahte the par,
Unka wo Shamme.n Bujha dene ka Armaa.n, Haaye Haaye!!

Ab Muqaddar me Rasad Hai Khana_viiraani-e-Dil,
Wo Magar Khwab-e-Tarab ka Tar_Gulista.n, Haaye Haaye!!

[rasad=Written ; Tarab=happiness; Tar=Fresh]

Yaad Hai wo Muflisaan-e-Shauq, wo Kam_Zarf Dil,
Shahar-e-aasooda ke wo ahl-e-Gariiba.n, Haaye Haaye!!

[aasooda=Rich]

Main k Apne Kaif se Toota Hua, BiKhra Hua,
Tum k Mast-e-Baada-e-Jalvaa-e-Yaara.n, Haaye Haaye!!

Kya tumhe kahiye wafaa_juu us se badhkar koun ho,
uske wo Qaul-o-karaar-o-ahad-o-paimaa.n, Haaye Haaye!!

Le abhi Kuchh Dam tu bhi ae Mahshar-e-aavargi,
Shahar-e-JaaNa me ho chuke Ham to Pashemaa.n, Haaye Haaye!!

YaaRa Baad-e-ishq yaa.n sab Hasrate.n Touba hui,
Hai waha.n ab bhi koyi ummiid-o-imkaa.n, Haaye Haaye!!


	Logged

Similar Poetry and Posts (Note: Find replies to above post after the related posts and poetry)
	HAAYE KAISE...... ??? by Jiya in Shayri for Khumar -e- Ishq
	Sheela Ki Jawani Haaye.....AnAAm by ANAAM in Shayri for Khumar -e- Ishq
	Haaye!!! Tune ye kya kar diya……Sahal by sahal in Shayri for Khumar -e- Ishq « 1 2 All »
	-----/// Haaye re haaye qaatil ///----- Hriday by ~Hriday~ in Miscellaneous Shayri « 1 2 All »
	HAAYE HAAYE (4-Liner)... "MohaN" by surindarn in Shairy-e-Dost (Friendship Poetry)

nirala

Guest

Re: Unka wo Shamme.n Bujha dene ka Armaa.n, Haaye Haaye!!

«Reply #1 on: June 08, 2011, 02:25:33 AM »

wah sirji…
kya dilkash ghazal laye hain…
jaada to nahi par jitna smjha…
aur jis sur me padha to bas maza aa gaya…
thanx dear…
apne ghazal yahan post karte rahiye
be happy


	Logged

Imdad

Guest

Re: Unka wo Shamme.n Bujha dene ka Armaa.n, Haaye Haaye!!

«Reply #2 on: June 08, 2011, 04:49:37 PM »

wah vipul ji wah.
Bahut achha likha hai.
Beech ke kuch lines to bahut hi gazab ke the


	Logged

vipul kumar

Guest

Re: Unka wo Shamme.n Bujha dene ka Armaa.n, Haaye Haaye!!

«Reply #3 on: June 09, 2011, 03:20:07 AM »

Quote from: nirala on June 08, 2011, 02:25:33 AM

wah sirji…
kya dilkash ghazal laye hain…
jaada to nahi par jitna smjha…
aur jis sur me padha to bas maza aa gaya…
thanx dear…
apne ghazal yahan post karte rahiye
be happy

Shukriya Nirala ji.....


	Logged

vipul kumar

Guest

Re: Unka wo Shamme.n Bujha dene ka Armaa.n, Haaye Haaye!!

«Reply #4 on: June 09, 2011, 03:21:06 AM »

Quote from: Imdad on June 08, 2011, 04:49:37 PM

wah vipul ji wah.
Bahut achha likha hai.
Beech ke kuch lines to bahut hi gazab ke the

Housla_Afzai ke liye Shukriya Imdad ji.
Sath dete Rahiye. Khush rahiye.


	Logged

vipul kumar

Guest

Re: Unka wo Shamme.n Bujha dene ka Armaa.n, Haaye Haaye!!

«Reply #5 on: June 11, 2011, 04:24:39 AM »


	Logged

Pages: [1]

Yoindia ShayariAdab > Shayri ( Poetry ) or Shayari > Ghazals > Topic: Unka wo Shamme.n Bujha dene ka Armaa.n, Haaye Haaye!!