waqt kay saath na badlay to wo mausam nahiN hota

waqt  kay  saath  na  badlay  to  wo  mausam  nahin  hota
samandar  ko  kissi  kay  doobnay  ka  ghum  nahin  hota

jo  bin-awaaz  aatay  hain  wahi  toofaan  laatay  hain
garajnay  waalon  mein  to  brasnay  ka  dum  nahin  hota

tumhaari  muskuraahat  hi  ailaan-e-jang-bandi  hai
ishq  mein  jeet  ka  koyi  doosra  parcham  nahin  hota

lutaa  do  ishq  ki  daulat  ,chhupaa  rakhi  hai  jo  dil  mein
kabhi  taqseem  say  bhi  yeh  khazaana  kum  nahin  hota

kuchh  aisay  dard  hain  jo  ta-umr  hi  saath  rehtay  hain
waqt  kay  paas  bhi  har  zakhm  ka  marham  nahiN  hota

zamaanay  beet  jaatay  hain  dilon  ko  paas  laanay  mein
alagh honay ka bhi to faisla yak-dum nahin hota

ghazal  kehnay  ki  khatir  aur  bhi  laakhon  massayil  hain
faqat  mehboob  ki  zulfon  ka  paich-o-khum  nahin  hota !

very nice!!