wo mery pas hai kya pas bulaoN us ko

wo mery pas hai kya pas bulaoN us ko
dil meiN rehta hai, kahaN dhuNdny jaoN us ko

aaj phir pehli mulaqaat se aaghaz kruN,
aaj phir door se hi dekh k aoN us ko

qaid ker luN usy aankhoN k nihaN khanoN meiN,
chahta huN k kisi se na milaoN us ko

usy duniya ki nigahoN se karuN maiN mehsoos
wo wahaN ho, k jahaN dekh na paoN us ko

chalna chahy to rakhy paaoN mery seeny per,
baiThna chahy to aankhoN pe biThaoN us ko

wo mujhy itna subuk, itna subuk lagta hai,
kabhi gir ja'ay to palkoN se uThaoN us ko

yaad se us ki nahiN khaali koi bhi lamha
phir bhi darta huN kahiN bhool na jaoN us ko,


its one of my fav ghazal