Zehr Ugalti he musalsal ye Zaban e Wayiz ....mazHur

غزل
میرا کلام نو بہ نو

مرغ بریاں سے ھے  عزت و شان واعظ
بلغمی لگتا ہے۔۔۔۔۔۔۔۔۔۔ انداز بیان واعظ

دختر رز  سے محبت کو چھپا رکھتا ھے
کھینچنی چاہیئے  گدی سے زبان واعظ

آج رندان بلا نوش کو اچھی سوجھی
خالی کروا لیا آخر کو   مکان واعظ

موسم گل میں بھلا کام کیا کوے کا  
کایئں کایئں سا ہی لگتا ھے بیان واعظ

 کب شریعت کے صحیح علم سے  وہ واقف ھے
اسکی اپنی ہی طریقت  ھے  نشان واعظ

دور رندوں کا بھلا لوٹ کے آئے گا بھی؟  
زہر اگلتی ھے مسلسل یہ  زبان واعظ

خود ہی مر جائے گا اک دن وہ برین ہیمرج سے
کب تلک ۔۔۔۔۔۔۔۔غلغلہ و شور  بیان واعظ

ایک الو سر دیوار مکاں بیٹھا ھے
اب تو ڈھنے کو ھے جلدی ہی  مکان واعظ

 موسم گل کا اثر ہو نہ سکا کرگس پر
 سونی سونی سی پڑی ھے جو دوکان واعظ

اس کی قربانی اگر ہوتی  حلال و واجب
کاٹ  ہی ڈالتے۔۔۔۔۔۔۔۔ مردود زبان واعظ

ہم تو ہیں اہل جنوں جان ہتھیلی پہ لئے  
 ہم سے ٹکر نہ کبھی لیجیئو اے جان واعظ
مظہر بٹ