Manzil ki Talaash...

Mujhe ye gam aur ye khusi dono raas hai,
Chalne ki aadat hai aur manzil ki talaash hai.

Raah me jitne mile sab apne hain sab khaas hai,
Meri zindagi choti sahi par tukde sabke paas hai.

Jab bhi laga tutne sabne sameta hai mujhko,
uljha uljhno me jab jab, sabne lapeta hai mujhko,
kabhi sang hase to kabhi sang roye bhi hain,
bahut se apne mile to kuch apne khoye bhi hain.

Jaanta hu zindgi hai kuch khona to kuch pana bhi hai,
safar lamba hai zindgi ka aur door tak jana bhi hai.
Par na jaane kyu aaj meri ankhe kuch nam si lagti hain,
zindagi poori to hai lekin fir bhi kuch kam si lagti hai.

Sabki rooh sabka pyar sabki wafa mere dil ke paas hai,
mujhe ye gam aur khusi dono raas hai,
Chalne ki aadat hai aur Manzil ki Talaash hai

Not Mine
by Arvind Bhardwaj

shukria for sharing.