Amavasya ki Woh Raat...(Horror Story) :Inspirational Stories and real life Incidences.

asif biswas

Guest

Dosto sabko mera aadab salaam aur namaste aaj meri 2017 ki pehli peshkash aap sabke saamne rubaru hone jaa rahi hai...meri nayi dilchasp kahani hamesha ki tarah meri chuninda horrors mein se ek aapke saamne main prastut kar raha hoo....ye kahani is varsh ki meri pehli kahani hogi jo main yoindia mein post karne jaa raha hoo...yun toh yoindia se ek dil ka rishta jud chuka hai main janta hoo yaha popularity mile na mile par ye sach hai ki mujhe yahi se pehchaan mili 2010 se shuru hua ye safar aise naayab kisso ko byaanat karte huye famous ho jayega mera maine kabhi socha nahi tha aur ye sab yoindia aur mere kaabil readers ki wajaho se jinka main tehdil se shurkiyada karta hoo...horror stories meri yahi se shurwat huyi aur aaj horror genre aisi meri famous hai...ki agar aap google pe mere naam ko type bhi karke dekho toh sath stories bhi nazar aayega jo mere liye bahut hi naseebo wali baat hai ki itne writers hai par shayad hi kucho ke naam se ooski kahani jaani jaati ho ye toh naseeb ki hi baat hai...main dua karta hoo ye forum ye site aisi hi chalte rahe main personally yoindia admins ko dhannnay waad dena chahunga ki oonhone meri lekh ko kaabil maana aur mujhe apne is jagah mein choti si sharan di toh dosto shuru hone jaa rahi hai meri agli peshkash my another horror story amavasya ki woh raat

This story is a fictional story...no relations with any kind of reality...only writing in entertaining purpose...the concept,plot whatever relates to the story is completely written by the fantasy of mind...i strictly not giving any permission to copy this story and paste somewhere...as already this kind of acts had been done by some theifs ye kahani mehez ek kaalpanik katha hai..kirdar jagah aur kisi bhi cheez ka zikar is kahani mein jo kiya gaya hai oose sirf kahani ke maadhyam se dekhe na ki reality soche...umeed karta hoo aapke positive feedbacks milenge aur aasha hai ye peshkash bhi aapko pasand aayegi...meri story agar aapko xp pe dikhe superaashif ke taraf se toh samjhiyega ki ye meri hi peshkash hai koi copy nahi...

AMAVASYA KI WOH RAAT...


	Logged

Similar Poetry and Posts (Note: Find replies to above post after the related posts and poetry)
	.....Real Horror Story..... by sweet_raabii in SMS , mobile & JOKES
	Tehkhaana (Horror story) by asif biswas in General Stories
	Raj mahal (horror story) by asif biswas in General Stories
	pretjaal (horror story) by raj1111 in General Stories
	Khaamosh Raatein - {Horror Story} by asif biswas in General Stories

asif biswas

Guest

Re: Amavasya ki Woh Raat...(Horror Story)

«Reply #1 on: October 02, 2017, 01:30:07 PM »

Amavasya ki woh raat thi...chand ekdum kaale saayo mein jaise aasman mein kahi chup gaya tha..ooski fiki roshni dheere dheere andhkar mein tabdil ho gayi....aur charo taraf andhere ka saaya parh gaya...kahi koi jaanwar ro raha tha...hawao se paid jaise jhul rahe they...ho ho karti hawao ka shorr is kadar barh gaya ki aisa laga na jaane kitni hi roohein ek saath cheekh rahi ho...

Oos patli si sadak par apni headlights ki roshni ko faikte huye ujala kiye...woh shadi shuda joda apne mein jaise baatein kar raha tha...gaadi ke bheetar bahar ki khaamoshi bilkul nahi oonko dono ko sunaai de rahi thi...bas gaadi ke chalne ki awaaz hi woh dono sun paa rahe they...apne mein dube hassi mazaak karte jaise na jaane apne kal ko liye kitne sapne sanjo rahe they..nahi jante they ki wohh kis waqt aur kis raaste se guzar rahe they?...agar oonhein ye zara sa bhi ilam hota toh oonke chehre pe khushi nahi maatam ka khauff ka...chehre pe samaite huye hote...

"uff ho ranjiv kya kar rahe ho?"....bhar haath chudi pehni apne aanchal ko theek karte huye oos aurat ne apne pati ranjiv se kaha jo gaadi drive kar raha tha...

ranjiv : kya hua sapna? itna ukta kaahe rahi ho?

sapna : arre kam se kam kuch toh savr karo raasta lamba hai kya yahi shuru ho jaoge?

ranjiv : hahaha dekho sapna darling aaj hamari shaadi huyi hai...aur sheher abhi dur hai...hamari gaadi oos purane gathi se guzar rahi hai...jaha dur dur tak sannate aur junglo ki siwaah kuch nahi...

sapna : uff mujhe toh sunke hi darr lagta hai

ranjiv : hahaha highway raaste aise hi hote hai pagli isliye keh raha hoo shaant ekdum shaant hahahaha

dono bekhabar hassi mazaak kar rahe they..oonki gaadi oos andhere raste mein guzar rahi thi.....jaise jaise gaadi oos khandar ki taraf aane lagi toh jaise woh jhulte paid teher gaye...ek tez hawa ka jhonka saaye ki tarah sukhe patto ko udaaste huye raaste mein jaise aa gaya

"ufff ye kya itna tez tufaan wohh bhi aisi amavasya ki raat ho uff kuch dikh nahi raha isshshhh uff"........."arre sambhaal ke ranjiv"......"haann koshish kar raha hoo ye ekdum se dhul kaise aa gaya kuch dikh nahi raha"..........ranjiv ki gaadi ka balance bigad gaya aur woh idhar udhar ghumti huyi...raaste se utarke ubbad khabad sadak pe jaise utar gayi...isse ranjiv ko ahesas hua ki ooska tyre punctured ho gaya...

"oh shit oh shit".......ranjiv ne seat belt utaari...sapna ne ranjiv ki taraf dekha

sapna : kya hua?

ranjiv : bas hona kya tha? lagta hai tyre punctured ho gaya...wait i will check (ranjiv gaadi ka fatak khole bahar aaya)

apne sherwani ke dupatte se apne chehre pe lag rahi dhul ko oosne pocha...oosne aas paas dekha gup andhera khaamoosh waadi...aur dhul jaisi woh tufaan bhi jaise mit gayi thi..."kamaal hai"...eka ek oosne hairat se kaha

ranjiv ne jhukkar dekha toh ooske aage waale tyre buri tarike phat gaye they..."oh shit"...."kya hua?".....chann chann karti payel ka shorr hua aur aur apna ghaagra dono haatho se thoda upar samaite sapna dulhan ke hi veshbusha mein bahar ooske paas aayi...

sapna : ye kya?

ranjiv : jis cheez ka darr tha ab wohi hua

eka ek sapna ke chehre pe pareshani bhare bhaav aaye..ranjiv ne ekdum se suna kahi dur koi jungli janwar ro raha tha....khaamosh raat aas paas mehez jungle...aur ek patla sa rasta jo na jaane kitne dur jaa raha tha...sapna ne kasske ranjiv ke baazu ko pakad rakha tha...

ranjiv : sapna darrne ki koi baat nahi arre baba maine kaha na yaha aas paas koi nahi rehta aur yahi toh chinta ka sabab hai ki ab koi garage koi help bhi nahi mil payega ruko (ranjiv ne apne pyjame se oos mobile ko nikaala..lekin pareshani ke bhaav aur gehre ho gaye

sapna : kya hua?

ranjiv : network kharab

sapna : ab ? (sapna ne khauff se kaha aur theek oosi pal dono sehem uthe kyunki jab oonki nazarein uthi toh oon paido ki tehniyo par chamgadro ka giroh baitha hua tha)

sapna ne kasske ranjiv ko pakad liya...ranjiv muskuraya "chalo is bahane tum mere paas toh aayi hahaha warna mujhe pure raaste bhar intezar karna hota"........"lekin ranjiv ab hum kya karenge?"......"dekho aas pas ko toh guzarta bhi mehsus nahi hota...ek kaam karte hai aaj raat yahi nikaal dete hai"........"pagal ho gaye ho kya?"......"dekh rahi ho kahi koi vikalp dikh raha hai..yaha teherne ke siwaah koi chara nahi"........"is vyavan jungle mein na jaane kaun kaun se janwar honge aur upar se amavasya ki raat hai"........ranjiv sirf hasaa

ranjiv : amavasya ki raat hai toh kya?

sapna : maa se suna hai ki ye raat kafi darawani hoti hai hamare gaon ka manna hai ki pret aatmaye is din aur bhi taqatwar ho jati hai aur aas paas bhatakti hai koi na koi anhoni zarur ghatti hai

ranjiv : dekho sapna ek toh mujhe koi zariya nahi mil raha ki hum yaha kaise tehre? pura time raste mein toh nahi kaant sakte na...aur upar se ghana jungle suna hai ki dur dur tak is ghati ke siwaah kuch nahi

sapna : ab?

ranjiv kashmakash mein ghira hi hua tha ki itne mein oosne dekha ki dur ek purana sa khandar tha...ranjiv ko dikha nahi kyunki ooski nigaah apni daayi or dur oos khandar pe guzari nahi thi...ek toh andhera bahut tha...ranjiv ne waapis gaadi se torch laaya...aur sapna ke chehre pe maara..sapna ne nazaro pe haath rakha aur ranjiv ko jhaara

sapna : kya kar rahe ho? (sanjiv ne apni mazaak ke liye maanfi maangte huye muskuraya)

ranjiv ne oose dikhaya ki wohh dekho dur ek khandar hai...sapna oose dekhte hi bol uthi..."na jane kitne sal purana khandar hoga?"....."hahaha chalke dekho toh sahi ho sakta hai ki teherne laayak ho"........"khandar mein? na baba na main na jaungi main gadi mein hi waqt guzar lungi"......"pagal mat bano sapna ye jagah theek nahi hai tum socho toh sahi jab sharan ke liye koi chatt mi lrah ahai....par sapna na maani..

ranjiv khud hi aage barhne laga...toh sapna apne saree ko sambhalte huye ooske piche piche pathrili raasto pe chalne lagi is beech oosne ranjiv ka haath kasske thaam liya...ranjiv aur wohh dono jaise hi torch oos khandar ke paas aate huye maarte hai...toh dekhte hai ki ek purana sa khandar hai jispe paido ki jade nikal gayi hai...

ranjiv : lagta hai raja time ka hai...koi aas paas bhi nahi aise hi lawaris choda hua hai

sapna : mujhe bahut darr lag raha hai ranjiv ek toh hamari yun gadi kharab ho gayi dhul bara woh tufaan tham gaya...aur ab ye khandar tumhein lag nahi raha ki yeh manhusiyat hai

ranjiv : sapna pls (ranjiv uktate huye sapna ki baaton ko sun ek ek kadam sidiyo se upar rakhne laga jaise jaise sidiya charhta gaya ooske jooto ke niche sukhe patte reh rehke kuchale ja rahe they...aisa lag raha tha barso se waha koi aaya na ho..oosne dekha ki waha pe kuch nahi tha...ek azib si murati rakhi huyi thi oose gaur karte huye ranjiv ke munh se nikala "strange"...kyunki wohh murati kisi danav jaisi thi...tabtalak ranjiv ko sapna pe dhyan nahi tha...achanak sapna ki cheekh sunke woh hadbadaya

"Sapnaaa sapnaaa kya hua sapna?".......woh piche daudte huye waapis sidiyo ke paas aaya...toh paaya sapna ekdum sehemte huye oosse gale lag gayi...ranjiv oose sawal karne laga oose shaant karne laga..."kya hua bolo toh arre kya hua?"......."w...ohhh wohhh chamgadar ne mujhpar hamla karna chaha maine kaha tha tumse ranjiv yaha aana theek nahi par tum nahi maane"........"arre sapna shaant ho jao arre baba bats toh hote hi hai suna hai ki logo ka khoon peete hai wohh hahaha anyway kahan hai uff yaha toh diwaro par bhi bahut se chamgadar hai".......ranjiv ne torch upar phirate huye kaha

ranjiv : aisa lagta hai kisi time mein yaha koi tantrik wantrik raha karta hoga waha mujhe ek murti mili dhul mein sani purani si kuch toh hissa tut bhi gaya tha kisi rakhas ki jaise akriti ho

sapna : uff mera toh jee ghabra raha hai ab hum kya karein?

ranjiv : ek kaam karte hai aaj raat gaadi mein hi guzaar lete hai mujhe toh ab ek yahi chara dikh raha hai

sapna : chalo fhir (ranjiv sapna ka haath pakre khandar se dur waapis raste pe aaya...fhir apne gaadi ke paas)

dono gaadi pe sawaar ho gaye...ranjiv ne sheesho ko acche se band karte huye darwajo ko lock kiya...oosne seato ko gira diya...taki dono lait sake...sapna ab bhi ghabra rahi thi ek pal ko aisa lag raha tha oose ki koi oose hi baar baar sheesho se jhaanke ke dekh raha hai...ek toh sunsan jungle jiske daayi or oonki kharab gaadi...aur paas mein wohi khandar jisko dekhke hi sapna ki rooh kaanp uthi thi...reh rehke ooske dimaag mein azib khayalat aa rahe...woh ye bhul gayi thi ki aaj ooski shaadi huyi thi...aur ooska pati oose ooske gaon se apne sheher le jaa raha tha...

raat dheere dheere dhalne lagi...hawao mein fhir sarsarahat hone lagi...sapna ne ek baar apne pati ki or dekha jo neend ki aagosh mein tha...oosne ooske seene par apna sar rakh diya taaki apne khauff ko kuch dair ke liye woh mitaa sake...lekin oose azib sa darr sata raha tha....achanak ranjiv ki neend khuli..koi jungli janwar oonke gaadi ke ekdum paas ro raha tha...aur wohh akela nahi na jane kitno ke sath gala faade ro raha tha....oosne dhyaan se dekha toh paaya ki oon jungli janwaro ka jhund amavasya ke dube oos chand ki taraf dekhte huye jaise ro raha tha...kaale badal ghere huye se...

ranjiv ne karwat badalke sapna ko apne seene se laga liya...."tum soye nahi?"..."hahaha mujhe toh ye raat kafi haseen lag rahi hai"......"dekho ranjiv mujhe bahut darr lag raha hai"....."arre baba aaj toh hamari shadi huyi hai pagli...aur aaj toh khushi ki raat hai main nahi manta in andhwishwas bhari baaton ko aao aaj raat hum yahi suhagraat mana le".......ranjiv ke vaasna bhari nigaho ko dekhke ek pal ko sapna sharma uthi...

khandar ki wohh murti ke theek upar amavasya ka chand jaise dikh raha tha...ek pal ko oos tehrav murti mein halchal si hone lagi...aur wohh apne aap dheere dheere ghumne lagi...grr grr karti huyi ooske ghumen se ek azib sa shorr umada...khauff mein jaise oon janwaro ki nigahe bari bari si ho gayi...jaise oon sabko malum tha ki ab wohh waqt aa chuka..

ranjiv ekdum se uth baitha...oosne angraai li aur soyi sapna ko dekhte huye ek baar gaadi se bahar nikala....na jaane ye raat oose neend kyu nahi aa rahi thi?...achanak ooski nazar fhir oos khandar ki or gayi fhir oosne oos shaitani murti ke baarein mein socha...ooski himmat nahi ho rahi thi ki wohh dobara oos veeran khandar mein dakhil hoye...aur theek oosi pal woh gadi mein wapis baithne ke liye muda hi tha...ki itne mein hawaaye tez ho uthi....

ranjiv ne piche mudke dekha toh ek tez hawa ka jhoka oose apne upar se guzarta mehsus hua...woh ekpal ko sihar gaya...ooske pure badan mein jaisa kaanta uth gaya ho...woh tharr tharr kaanpne laga..ooska badan aithne laga...jaise koi cheez ooske shareer ko phaadta hua oosmein daakhil ho raha ho..."aahhh aahhh nahii sss aaahhh sss aaaaaaaaaaahhh".........oos shorr ko sunte hi sapna uth baithi cheekh ranjiv ki hi thi...oosne gadi se utarte huye ranjiv ki or dekha..."ranjiv ranjiv kahan ho tum?".......waha dur dur tak ranjiv ka koi ata pata nahi tha..

aisa laga jaise oosne koi bura khwab dekha ho lekin ranjiv tha kahan?....sapna soch hi rahi thi...ki kisi ne ooska naam pukara....sapnaaa sapnaaa....sapna darr gayi..oosne paaya ki wohh awaaz theek oosi khandar se aa raha tha...ranjivv ranjivvv wohh chillati huyi oos awaz ka picha karte huye oos khandar tak pahuchi...ranjivv kahan ho tum? ranjivv

sapna ke haatho mein ranjiv ka wohi torch tha jo oose gadi ke paas para mila tha...oose dehshat satayi....awaz aani band huyi..."ranjiv kahan ho tum? ranjiv koi jawab do..kahan ho tum? mujhe tum dikh nahi rahe? ranjiv dekho agar ye koi mazaak hai toh mujhe kattayi pasand nahi"......."ranjivv ranjivvv"..achanak ahesas hua sapna ko ki oosse kuch faasle dur ek saaya khara hai....

oosne furati se jab oospe torch maari toh ooske jaan mein jaan aayi sherwani aur pyjama toh ranjiv ka tha..jaise jaise torch upar kiye oosne ooske chehre ki or dekha toh ek pal ko ooske hath wohi jam gaye...saamne ranjiv nahi balki oosi ke bhes mein koi jeeta jaagta shaitan tha...ooski aankhe ekdum surkh gulaabi laal...aur ooske munh se dohri nikalti woh awazz...oosne paaya ki jaise ranjiv ranjiv na raha ho oospe koi cheez jaise sawar ho gayi ho is tabdiliyat ko dekh sapna khauff se chilla uthi...

"bacchhaoo bacchhaaoo hellpp hellpp"......sapna ke haath se torch gir gaya tha...wohh tezi se daud rahi thi...jaise hi wohh gaadi ke paas aayi..oosne payaa ki ranjiv seat pe baitha hua hai...aur ooski gardan kisi ne rait di hai....ooske khoon zameen pe tapak rahe hai...sapna ye dekhke jaise zoro se chilla uthi..."rannjivvvvv"......wohh rote bilakhte oos ghane jungle ke bheetar bhaagne lagi..aisa lag raha tha jaise ki ab ooski zindagi maut se kuch faasle dur ho...

wohh roti bilakhti pagalo ki tarah khauff bhari nigaah baar baar piche karte huye aage barh rahi thi aur theek oosi pal wohh haath jaise ooske theek gale mein kassta chala gaya.."aahhh urgghhh nahiii nahiiiii nahiiiiiiiiiiii".......sapna munh se khoon ugalne lagi...aur chatpataye oos haath ko chudwane lagi..wohh shaitan ooske gale ko jakde jaise oose ghassitte huye oosi khandar mein le jaa raha tha....sidiyo pe ghassitte huye wohh oose khandar ke oos gup andhere mein le gaya...ooske baad charo taraf bas ek aakhri dardnaak gunz uthi..

khaamosh ho gayi fhir se wohh ghaati....aisa laga jaise sabkuch fhirse shaant ho chuka ho....amvasya ki wohh raat thi...chand ab bhi jaise kahi gum ho chuka tha....

to be continued....


	Logged

asif biswas

Guest

Episode 2

«Reply #2 on: October 03, 2017, 05:08:37 AM »

Agle din mauka-e-vardat par police ki ek tukdi khandar aur paas khari oos gaadi jismein kal woh shaadi ka joda tha..ooska muana kar rahi thi....forensic doctors ranjiv ki laash ka nirakshan kar rahe they....ghaavo aur khoon ke jagah jagah tasveer kheechi jaa rahi thi...hawaldar bus se utare oon logo ko laasho ke paas se dur raaste pe hi roke huyi thi...sabke chehre pe khauff simata hua tha....inspector ranjiv ki laash ke paas kareeb ek haath dur baitha ooske laash ko aise ghur rraha tha jaise jaayeza le raha ho...oosne dekha ki ranjiv ki aankhe waisi ki waisi khuli huyi thi...na jaane oon nigaho mein kitna khauff oosne samait rakha tha...jab inspector se dekha na gaya toh oosne woh safed chadar laash ke upar dhak di..

itne mein forensic doctor constable ke sath ooske paas aaye...."sir khandar ke andar bhi ek laash hai wohh shayad is mare huye aadmi ki patni ka hai"......."hmmm is aadmi ne bhi dulhe ke kapre pehen rakhe hai par ye dono itni raat gaye yaha kya karne aaye honge?".........."sir humne abtak jo in do laasho ki taftish ki hai oose byaan karna thoda muskil hai"........forensic doctor apne chehre ke pasine ko ponchta hua kehta hai...

inspector : strange but why? dekhke hi lagta hai kisi ne is aadmi ko toh bedardi se maara hai aur waha khandar ke andar jo laash hai ! (inspector abhi keh hi raha tha itne mein doctor ne ooski baat kaanti)

doctor : na dekhe toh behtar hai (inspector ekdum se chupchaap gambhirta se ooske chehre ko dekhne laga)

"mera matlab hai agar oos aurat ki laash na hi dekhe toh behtar hai...kyunki jis tarah ooska qatal hua hai oose itni bedardi dhang se maara gaya hai ki shayad hi oose byaan kiya jaaye...haatho ki kalaiyo aur nabz pe daanton ke gehre nishan...jism ke har hisse par kisi ne bedardi se kaante hai aur toh aur jis awastha mein humne oose paaya tha oospar ek bhi kapra nahi tha saree gehne aisa lag raha tha kisi ne ooske sath yahi baat hai sir ki wohh kehna hi hamare liye mufeed nahi"............inspector ekdum se khaamosh ho gaya saqti ooske chehre pe lauti..

inspector : iska matlab qatal kisi aur vardat ke chalte anjam diya gaya hai..

doctor : we can't say that...aurat ko jis tarike se maara gaya hai aur jis tarike se is aadmi ka qatal hua dono hi brutality ko show kar rahe hai ye kaam kisi aam insaan ka nahi ho sakta aisa lgta hai kisi sanki insaan ka kaam ho sakta hai...kyunki laash ke sath is qadar se saluk kiya gaya hai..ki kehna aasan nahi body pe numerous scratches kharoch ke nishan,kisi ne gale ko is qadar kaanta hai ki maans tak phat gaye...khoon ko peene ki jaise koshish ki ho aur ooske baad fhir kisi ne janwaro jaisa aurat ke sath salookh kiya ho ooski maut ka wohi kaaran ho sakti hai

inspector : my god aur iska ? (ranjiv ki laash jo safed kapre se dhaki jispe khoon ka ek bara dhabba chehre ke paas laga hua tha)

doctor : gala puri tarike se rait diya gaya hai kisi sharp cheez ab ye kehna muskil hai ki kis auzaar se?

inspector ne fhir kuch na kaha...oosne taftish jaari rakhi....khandar se forensic karamchariyo ne dono laasho ko ek ek kar ambulance mein rakha...isi ke sath ambulance laasho ko liye waha se chali gayi...constable ne bataya ki gaadi ke dono tyres phate huye hai...inspector ne gaadi ka muana kiya waha koi khoon ke dhabbe nahi they...ek baar oosne khandar ka jaayeza liya...kal raat ka wohi sannata waha chaaya hua tha...diwaro pe farsh pe khoon sukkhe dikh rahe they jo shayad kal waha oos aurat ke jism se nikalke bahe honge..itnem ein ooska dhyaan oos shaitani murati pe gaya...ek pal ko thithak ke oosne gaur se oos murti ki taraf dekha jeeb bahar nikaale huye azib si akriti thi oos murti ki..inspector ne gloves murti pe haath rakhke oospar lage khoon ke cheento ko dekha...

fhir utha aur ulte kadam bahar sidiyo se utara...paas log hi khare they...woh oonke kareeb aaya...."sir bus driver ne hi yaha laash dekhi toh isne gaadi ko roka"........."hmmm"......ek nazar driver ki taraf dekhte huye

bus ke passengers chupchaap police inspector ko dekh rahe they...inspector ne oonhein ghurrte huye oonse sawalat karna shruu kiya....sabka ek hi jawab tha..ki subah 9 baje jab oonki gadi ghaati se yaha se guzar rahi thi...toh oonhone is vishal khandar ke paas khari oos gaadi ko dekha jismein ek ranjiv ki laash mazud thi...oonhein gaadi ka fatak khula aur ranjiv ki laash ko dekh fauran bus ko rokna para...oonhone hi sheher ke police thaana mein ikhtila ki

inspector : kamaal hai matlab kal raat ko ye shadi ka joda sheher se is ghati se hote huye guzar raha tha...inki gaadi kharab huyi..jaise ye tyres bata rahe hai..fhir ye yaha ruke honge aur fhir ooske baad ye anhonee ghati

bus driver : ji saaheb

constable : sir?

inspector : bolo ram singh

constable : sir gaadi ke number ki pushti ho chuki hai ye gaadi kisi ranjiv naam ke aadmi ki thi...peshe se wakil hai...aur kal shaam ke ye log gaon se sheher jaa rahe they contact details ke through pata karne pe maalum chala ki dulhano ke libas mein jo aurat humhe khandar mein jiski lash paayi gayi oonka naam sapna tha...woh ranjiv ki biwi thi...dono shadi kiye sasural se widaai liye apne ghar ki or laut rahe they..

inspector : ek baat batao ram singh yaha aas paas koi kisi tarah ka kabhi kuch sunne ko khabar mili hai

constable : no sir aas paas dur dur tak pahadi aur ghana jungle hai ye ghaati kaafi purani hai...

inspector : aur ye khandar? aur wohh azib si murati ye sab kya hai?

bus ke paas khara ek passenger bahut dair se in maamlato ko sun raha tha wohh buddha aadmi ekdum se dheere dheere inspector ke kareeb aaya.."sir aapse kuch kehna chahta hoo"......inspector ne kathor nigaho se oose dekha

inspector : kahiye

"ab kaa kahe saaheb yaha se sheher 16 km dur hai..aur is ghati se guzarne waale shayad hi koi jaante ho...ki din din tak yaha sirf sunsaaniyat chaai rehti hai lekin raat ko shaitano ka vaas ho jata hai shaitano ka....madho para gaon yaha se 9 km duri pe hai is ghaati ko paar karne ke baad ek wohi ek maatra gaon parta hai hum wohi ka nivasi hoo saaheb....aur hum jante hai ki in sab ke piche oosi ka haath hoga".........oosi sehemi nigaho ko dekh inspector ne aankhe gambhirta se ooski taraf ki

inspector : kiska kaam hoga? (janne ke utsukta bhare lehze mein)

passenger : wohi saaheb wohi jo aaj se nahi kayi sadiyo se is ghaati mein shaitani rooh banke bhatak rahi hai...wohi shaitan jo is ujade huye jarjar khandar ka kabhi pujari hoya karta...jisne marrte waqt ye kasam khaayi thi ki wohh har amavasya ki raat ko aise hi shadi shuda ya premi jodo ka intezar karega jinke khoon se wohh apni shahawat mitaayega...oos aurat ki laash jab humne dekhi saheb toh hamare pasine chutt gaye they hum hi wohh they jisne khandar ki sidiyo se leke andar tak khoon dekha aur fhir oos murati ke sath paas hi oos laash ko..theek waise hi jaise oos shaitan ne kaha tha...ye hum nahi keh rahe babu ye hamare purkhe log kehte hai jo in sambandho ke baarein mein jante hai...ye mandir bahut purana hai babu aur yaha!

inspctor : oh shut up aapke umar ka main lihaaz kar raha hoo par iska ye matlab nahi ki aap kuch bhi kehte chale jayenge police ko apna kaam karne dijiye ye sab betukhi baatein hai andhwishwasi soch hai

passenger ne kafi kuch kehna chaha lekin waha ooske bus ke logo ke alawa kisi ko oospe yakeen na hua...aakhir mein bus passengers ki toli ko liye waha se chali gayi...inspector ne ek baar fhir oos mandir ki taraf dekha aur apni jeep pe sawar hua....panchnama kar diya gaya tha jagah ko crime scene goshit kar diya gaya tha...wohh ghaati fhir jaise sunsaan ho gayi wohh khandar jaise fhir apni khaamoshiyo mein dub gaya..

________

"Dus saal ho gaye oos haadse ko...bari police ne koshishein ki hahaha par kya taftish karke dhundh nikaalte..aakhir kise qaatil kehte? oose jo ki zinda hi nahi tha...oose jo ki kayi saalo pehle maar diya gaya tha....purani ghaati ka wohh khandar aaj bhi waise hi khaamoshi aur apne oos bhayanak itihaas ko samaite huye hai...aaj bhi amavasya ki jo raat waha se guzarta hai kisi na kisi kaaran wohi fass jata hai..aur oose shaitani rooh oospar sawar ho jati hai...woh insaan nahi rehta wohh insaan hargiz nahi rehta...shadi shuda premi joda hi aksar oos khandar ki bhait charhta hai...woh shaitani murti ab bhi wohi mauzud hai...aur sheheri logo ko toh yakeen nahi lekin jab oos haadse ke baad 8 aur vaardatein waisi ghati toh kaafi chaanbeen huyi haar pachtakar ghaati shuru hone se pehle hi wohh board laga diya gaya..ratri nished savdhan kripya ghaati ke beech gaadi na roke...

hahaha par kya ye sab karke woh haadse teher jaayenge hargiz nahi ye hum gavar gaon wasiyo ki soch hai jo purkho se is baat ka amal karte huye aa rahe hai...ki waha oos khandar mein amavasya ki raat ek shaitan jaagta hai aur oosi raat koi na koi premi joda ya shadi shuda joda waha se guzarta hai toh ooski bhait charh jata hai".........oon buddi aankho mein jaise deshat thi...

gaon ke chaupal pe baitha wohh budda aas paas khari auratein aadmi buddhe baccho ko ye kahani jaise suna raha tha...har koi aapas mein khusar pusar kar raha tha...har koi janta tha amavasya ki wohh raat oos ghaati se guzarna matlab maut ko daawat dena tha....bheedh apne aap chatt gayi...toh paas pipal ke paid ke aad mein khara wohh ladka ye sunke jaise muskuraya...

raat 8 baj chuka tha...haw haww karte kutte bhaunk rahe they wohh kambal lapaite huye oos darwaje pe dastak deta hai..."rani ranii".....ek bholi bhaali 18 varshiye umar ki gaon ki wohh ladki apni neend se jaag uthti hai...aisa lagta hai jaise aankho mein neend nahi balki kisi ka intezar ho..

wohh jaise aahiste aahiste darwaje ke paas aake darwaja kholti hai toh kambal odha wohh ladka oose apne gale se laga leta hai....rani piche apne pita ko beshud soya paaye ooska haath pakre gaon se satle nadi ke paas aate hai...chandni raat ho rahi thi jiski tez roshni dono dur dur tak dekh sakte they nadi ka paani chalak raha tha....wohh dono kinaare mein chupchaap baithe huye they...ek pal ko rani ne charo taraf jaayeza liya ki kahin koi gaon ka aadmi toh mazud nahi tha...par har koi jaise gehri neend mein duba hua apne gharo mein so rahe they..gaon ekdum susaan ho gaya tha...


	Logged

asif biswas

Guest

Episode 3

«Reply #3 on: October 03, 2017, 09:39:37 AM »

Rani gaon se satle nadi ke kinaare baithi suraj ke kandhe pe sar rakhke oosse baat kar rahi thi...dono apne bhavisya ko liye chintit they....rani aur suraj madhopara gaon ke nivasi they...oon dono mein prem ki leela kab shuru huyi kisi ko iski khabar na thi....dono ekdusre ko atut prem karte they...rani ne is baar kandhe par se sar hataya toh suraj ne oose bataya ki ooske paas ek chaal hai jisse bina gaonwalo ko malum chale waha se chori chupe bhaag sakte hai...

rani : dekho suraj mujhe bhaagne se koi darr nahi..bas tu mujhe mere parivar ki bandisho se riha kar de..

suraj : mere hote huye tere maa pita teri shadi kisi aur se nahi karwa payenge...agar marzi bhi teri na hoti toh bhi main tujhe leke bhaag jata

rani : par aakhir hum bhaagenge kaise? goan se jaati bus toh subah wali hoti hai aur aise yun bhaagne mein hum pakde jaayenge

suraj : arre pagli din ka kisko intezar karna hai? hum aise hi waqt mein gaon se bhaagenge taaki raat gaye logo ke dilo mein jo oos purani ghaati ka khauff hai na oosse wohh hamara picha na kar payenge

rani : kya matlab? t..tu kehna kya chah raha hai?

suraj : haan meri rani aaj se kareeb 5 din baad amavasya ki raat hone wali hai maine aaj chaupaal pe baithe oos buddhe se suna..aur waise bhi raat gaye koi bhi gaon se bahar nahi jata chahe kitno bhi musibat tut pare? hum oos raat hi bhaagenge taaki hamara koi picha na kar sake

rani : nahi nahi suraj maine suna hai ki wohh jagah bahut khatarnak hai waha 8 khoon ho chuka hai premi jodo ka aur agar humhe kuch ho gaya toh

suraj : mujhe toh yeh kisi ki saazish lagti hai rani ye log toh tehre gavaar gaon waasi pichdi soch waale..mujhe toh lagta hai kisi tantrik wantrik ka hi kaam hoga

rani : fhir bhi suraj ismein khatra hai

suraj : par yahi ek aakhri rasta hai jo hamare sambandh ko tutne se bacha sakta hai...5 din baad tera gauna toh waise hi ho rakha hai tere ghar ka hone wala jamaai tujhe le jayega fhir na tu kuch kar payegi aur na main kuch main abhi bhi keh raha hoo ise soch ke dekh

suraj ke laakh uksaane par rani pehle toh kafi sochti rahi fhir oosne suraj ke deewanepan ko dekha...oose laga agar saari zindagi ko tabaah hone se bachana hai toh yahi rasta chunna theek rahega...oosne haami bhar di....suraj ne rani ko apne gale laga liya..

Oos raat suraj chaupaal ke paas apna saaman liye rani ka hi intezar kar raha tha...rani oose kambal odhey bhaagte huye dikhi...ooski payel ki chann chann baj uth rahi thi...dono ne ekdusre ka hath pakra aur gaon se bahar aa gaye...suraj ne saara intezamat kar liya tha..ooska dost ahmed is kaam mein ooska sath de raha tha jo ki drivery ka kaam karta tha...dono ek sath khaate peete they wohh suraj aur rani ko bhagane mein aidi choti lagane ko tayyar ho gaya....ahmed cigarette ka kassh liye gaon se bahar khare oos jeep mein intejar kar raha tha dono ko aate dekh oosne jaldi jaldi dono ko ishara kiya...rani piche baithi aur suraj bhi aage baith gaya..

jeep start huyi aur gaon se dur oon veeran raasto pe chal pari...waqt 12 bajke 10 min ho chuka tha....suraj pasine pasine ho raha tha dono ki gayab hone ke baad aag ki tarah ye baat gaon mein failegi fhir oonhein dhundha jaayega..ahmed shaitan bhoot palit pe koi yakeen nahi karta tha rani baar baar charo or ke andhero ko dekhte huye khauff mein simati huyi thi...

kuch hi pal mein jeep oos purane ghati ke raasto pe chalne lagi...kayi bhatka koi panchi kaaye kaaye karta hua dur aasman mein udta kahi jaa raha tha...rani oose dekh rahi thi...suraj ne oose pani ki botal di...taki woh shaant ho jaaye

ahmed : hahaha rani bhabhi ab aap fikar na kijiye yaha se sidha aap aur raja sheher jaayenge waha mandir mein aapki shadi hogi ooske baad goan ko bhul jaaiye hahahaa

suraj : haan rani maine kaha tha na tujhe le udunga bas ab kisi tarah ye raasta kant jaaye kyu ahmed? waise suna hai ki yaha paas hi mein wohh khandar hai jaha pe

ahmed : hahahha abey oh suraj ye sab fitoor hai gaon walo ka aur oon andhwishwasiyo ka haan pehle kabhi suna tha ki koi tantrik pujari oos mandir mein rehta tha par na jaane fhir kya hua wohh marr gaya aur wohh mandir khandar ban gaya sunaa hai aaj bhi waha wohi shaitani murti pari huyi hai...tum log fikar mat karo aisa kucho nahi hai bas ghaati paar karne mein thoda waqt lagega bas hum pahuch jaayenge

suraj : theek hi kiya tune hai na rani ?(rani ko thoda darr zarur laga par ab oose bhi in sab pe koi yakeen na raha shayad ye sirf gaon ke logo ki soch thi)

ahmed : hamre paas banduk hai (gun dikhate huye) saala jo bhi aayega saamne goli maar denge petrol full hai aur tyre bhi extra mein hai dekhte hai kaun hamara rasta rokega?

suraj ahmed ke sath hassi mazak kar raha tha..rani sharmaye piche baithi muskura rahi thi...teeno bekhabar they ki rihaai nahi maut ki pukaar oonhein waha theek kheech laayi thi jaan bhujhke oonhone ye galti ki thi...rani ko achanak kahi dur haww haww karte kisi bheriye ki rone ki awaz sunaai di..woh awaz itni darawani thi ki oosne ek pal ke liye bahar gadi se jhaanka...

oosne jab aasman pe nazar ki uff amavasya ka chand oose dikha jo kaale badalo sa ghiraa charo or andhero emin tabdil ho gaya tha....maa se suna tha ki oose dekhna manhus hai isliye oosne jhat se apni nazar phair li...

achanak khandar ke paas jaise hi oonki jeep pahuchi...toh apne aap jeep dheemi hone lagi....ahmed ne gaur kiya aur speed barhani chahi lekin na jaane kyu ooske pair jaise jam gaye they? suraj bhauklaye nazaro se oose dekhne laga....aur achanak jeep apne aap dhakke khaate huye beech sadak pe hi ruk gayi..

suraj : arre ahmed gadi kyu rok di?
ahmed : pata nahi yaar kaise gaadi ruk gayi pao ekdum sunn jaise parh gaye they (ahmed ne hairat bhare andaaz mein apne hath pao ko tatolte huye kaha)

suraj : uff ho chal aage barha chal jaldi start kar

ahmed ne gaadi start karni chahi par na jaane kyu? gaadi engine ki teekhi awaz ko chodhke start nahi ho raha tha.."uff kya ho gaya ise?"......rani bhi ab halat ka jayeza le rahi thi jab ooski nagah daayi or huyi toh paaya oonki gaadi theek oosi jagah oosi khandar ke saamne aake ruki huyi thi..

rani : surajjj dekho hum wohi aa gaye (suraj ne bhi ekdum se rani ki nazar ka picha karte huye oos khandar ki taraf dekha jaisa kahani mein suna tha theek waisa)

suraj : arre sach mein tohh ye tohh wohi khandar hai uff ahmed kya hua yaar?

ahmed : arre kuch nahi yar lagta hai engine garam ho gaya isliye start nahi ho raha tu ruk main dekhta hoo ?(kehte huye ahmed gadi se utara aur gadi ke engine door ko kholta hai)

issshh..."kya hua?"..."kuch nahi? sss hath jal gaya kaha tha na engine garam ho gaya haha tu fikar mat kar yaar paani ki botal dena toh"....."accha teher zara"....suraj gadi mein pani ki botal dhundha toh oosne paaya ki botal ka dhakkan khula hua tha aur paani bahut pehle hi botal ke girne se gadi ke farsh pe beh rahi thi..

suraj ne chidte huye botal uthaya.."Arre yaar dhakkan nahi lagaya tha kya? saara paani khallas"....."arre yaar ab kya kare?".......suraj gadi se bahar aaya rani ab bhi gadi mein baithi dono ke guftago ko sun rahi thi..

ahmed ne bataya ki suna hai ki ghaati mein ek bara sa talab parta hai wohh wohi se paani laa sakta hai...suraj ko fikarh uyi oosne ahmed ko mana kiya...ahmed sirf muskuraya aur kaha bhai apun ko darr nahi lagta tu gaadi mein baith aur bhabhi se aankh maarte huye ahmed jaldi jaldi pathrili oon raasto pe chalta hua vyavan jungle mein kahi kho sa gaya..

"uff ye ahmed bhi na hahaha arre rani kya hua? tum bahar kyu aayi?"....."mujhe bahut ghabarat si ho rahi hai"...."hahaha arre yaar gaadi hi toh kharab huyi hai kaun sa pahadh tut para?"..."fhir bhi suraj mujhe bahut darr lag raha hai"....."ahmed aata hi hoga fhir hum chalte hai na yaha se tum baitho"......suraj rani ke sath jeep ke piche hi baithkar ahmed ka intezar karne laga

amavasya ki raat jaise jaise barh rahi thi..waise waise andhera aur gehra hota jaa raha tha....khaamoshi mein achanak jaise hawao ka shorr sunaai denee laga...hawa se rani ke jaise chehre ki zulfein udi..toh oosne apne baalon ko samaitte huye ek baar oos khandar ki taraf dekha

bahut dair ho gayi lekin ahmed na aaya..."pata nahi ye kahan reh gaya?".....suraj ke sath sath rani ko bhi ab chinta satane lagi thi...ek toh raat itni gehri upar se chand ekdum dub gaya tha...maano oose jaise grehen laga...jab ahmed ke aane ki ekdum umeed na dikhi toh suraj ne paas rakha torch liya aur jeep se bahar nikal gaya..

rani : suraj plss kahan ja rahe ho?

suraj : ahmed ko dhundhne itna waqt ho gaya na jaane kahan chala gaya? kahi ghane junglo mein bhatak na gaya ho upar se saanpo ka bhi khatra hai

rani : nahi suraj tum mat jao mujhe darr lag raha hai aur agar jaoge toh main bhi chalungi...

suraj ne rani ko kafi samjhaya par rani na maani..dono ne faisla kiya ki wohh kuch dair aur ahmed ka intezar karte hai kya pata? bhatakte huye kahi woh na bhatak jaye ek toh gaon se bhaage huye jeep hi oonki ek maatra vikalp upar se ahmed jaise gumshuda sa ho gaya..

aadhe adhure chand par jaise kaale badal aur oose dhakte jaa rahe they ek kaali parat jaise jam si gayi ho oospar..rani is beech dekhti hai ki suraj so chuka hai...wohh dekhti hai ki ahmed aa raha hai junglo se nikalte huye...lekin ooski chaal dheemi si hai woh langrate huye jaise raste pe aake teher gaya hai...

rani ne is beech jab gaur se ooski taraf dekha toh oosne paya ki ahmed oose hi ghurrte huye dekh raha hai...rani ko kyu na jane khauff sataya? oosne kasske suraj ko jagaya...suraj hadbadaya aur dekha ahmed ko toh jaise ooske jann mein jaan aayi...lekin rani jaise bari bari aankhe sehme huye apne se 20 faasle dur raaste ke kinare pe tehre huye chupchaap khare ahmed ko dekh rahi thi..

suraj bahar nikala gadi se rani ne oose mana karna chaha wohh na maana..woh aage barha ahmed ke kareeb aaya..."arre ahmed kahan reh gaya tha yaar? main toh socha ki tu aayega hi nahi..arre ye kya? tune ye chehra niche kyu jhukaaye hua hai arre tujhse keh raha hoo ahmed oh ahmed".....suraj ooske paas ek kadam aur kareeb barha hi tha ki itne mein ahmed ne apni nazarein uthaayi sath ooske gale se jaise koi dohri awaz nikali...

"maarrr dungaa tummm sabbbko maarr dungaa bahut intezaar kiyaa hai mainnnee maarrrr dungaaaaaa"......."surrrajjjj"......."nahiiiiii"......suraj cheeka oosne saaf dekha ki ye ahmed nahi tha ooske aankhein surkh laal thi aithte apne munh ko jaise oospe koi shaitan savar ho gaya tha ye ooska chehra nahi lag raha tha...

suraj ke jaise pao wohi jam gaye wohh bhaagna chah raha tha...rani darr ke maarein ekdum buri tarah kaanp uth rahi thi...woh langdaate huye dono ke kareeb aaye jaa raha tha...suraj ka gala oosne kasske dabocha aur oose hawa mein jaisa uchaal diya...suraj dur jaake gira...apne gale ko pakde woh buri tarah se chatpata raha tha...

ahmed ke roop mein wohh shaitan rani ke paas aane laga...oose dekhte hai jaise ooske andar ki rakht pipasa jaag uthi thi itne bhayanak chehre ko dekhte huye rani cheekhte chillate huye jaise taise khandar ki taraf bhaagne lagi...bhaagte bhaagte achanak oose ahesas hua ki suraj dard se tadpa ooska naam pukar raha hai...rani royi bhauklai piche mudke suraj ko tadapte dekh rahi thi...

aur theek oosi pal jo ooski aankho ne dekha oose woh dekh na saki...oos shaitan ne suraj ke gale pe jaise jaise apna pao rakha suraj ke munh se khoon ubaal khaaye behane laga...oos shaitan ne jaise tahaka lagaya ooski wohh dohri awaz sun rani cheekh rahi thi chilla rahi thi...aur theek oosi beech surajj ki ek aakhri dardbhari dahadh gunziii...aur ooski gardan ko jaise pao se hi oos shaitan ne kuchal diya...oos bhayank manzar ko dekhna rani ke bas ka nahi tha..

woh bachao bachao karti huyi khandar mein daakhil huyi...oose andhere mein na dikha toh jaise ooska sar diwar se ja takraya wohh ghass khaake munh ke bal sidhe oos murti se jaa takrai...ooska sar oos danav ki murti ke singh is kadar buri tarike se takraya ki ooska sar phat gaya aur woh lahuluhaan wohi farsh pe chatpatane lagi

"mm....mujhe..ee cho..rr d..o m..mujhhhee jaane do".....guhaar lagaye oos awastha mein bhi ooska munh kaleje ko aa raha tha oose ahesas hua jaise wohh ahmed ka jism ho par rooh kisi aur ki sawaar ho...ooske bhayankar chehre ko ek baar dekhke jaise rani kaanp uthi...

dheere dheere oos shaitan ne tahaka lagana shuru kiya aisa lag raha tha jaise waha khaamoshi nahi balki roohon ka waas ho..jo ek sath ek azib si bhayankar awaz nikaal rahi ho...maut jaise ab kuch faasle dur thi rani ke...rani ko apna anjaam dikha...

ooske baad ooska bhi wohi anjaam hua jo isse pehle oos khandar mein aayi oon aurato ka hua tha jo ya toh apne pati ke sath aayi thi ya apne premi ke sath....

rani dahadhti rahi chatpatati rahi...oon pure waadiyo mein jaise oosi ki cheekhein gunz uth rahi thi...haw haww karte huye oon janwaro ka jund ek sath jaise oos amavasya ke oos chand ke taraf dekhte huye jaise ro raha tha...ek aur bali jaise charh gayi thi...

dardnaak cheekhein kuch pal tak gunzti rahi diwaaro pe khoon ke jaise cheente bikharne lage....aur wohh shaitani murti jaise khoon mein bheeg rahi thi..

_______________

"suporna uff suporna arre yaar suporna kahan ho tum? arre bhai mujhe dairi ho rahi hai office ke liye"......apne gale ke tye ko theek karte huye chashma pehna shekhar apni patni ka naam pukar raha tha...

suporna laal rang ki saree mein jab bahar se hote huye andar aayi...toh shekhar ooski khubsurati ko jaise dekh muskuraya..."arre baba kahan thi tum?"......."uff shekhar kya tumhein maalum nahi ki main har subah puja ke liye maa kali devi ke mandir jaati hoo"..."arre baba tabhi sochu ki tum kahan ho?"....."lo"....prasad dete huye

shekhar : arre suporna tum nashta banake table pe rakhke chali jati ho ek baar bhi mere office jane ke time ghar pe nahi ruk sakti

suporna : dekho shekhar maa kaali ki main bhakt hoo aur mujhe roz puja ke liye mandir jaana hi hota hai jabtak oonkaaashiward na loo toh jaise din nahi kantta

shekhar : kya baat hai? accha suno wohh tumhari kaki ka kal call ayaa tha arre wohi madhopura wali woh keh rahi thi ki oonhein tumse milane ki bari khwahish hai

suporna : haan haan main bhul gayi wohh madhopura wali mausi uff oonhein dekhe toh arsa ho gaya kya karu? jabse tumhare sath shadi hua hai delhi se kahi jaana hua hai kabhi

shekhar : accha ji ab humhe kosa jaa raha hai toh theek hai office se dus din ki chutti leke tumhein madhopara hi ghumake launga hahahaha

suporna : sirf dus din bahut kanjoosi karte ho...

shekhar : accha ji boss kya mera sasur hai? hahahaa

suporna ne shekhar ko chutti kaanti toh shekhar ne oose apne gale lagaya aur muskuraye office ke liye nikal gaya...shekhar ke jaane ke baad suporna jaise aarti ki thaali paas bani mandir ke paas rakh deti hai...

tring tring...."hello?"...."hana suporna guess what? boss ne chutti de di 20 dino ki ab khush"......."waah ye toh accha hua toh fhir hum kab nikalenge"......"bas ab chuttiya mil gayi toh ek do din mein rawana ho jayenge madhopara ke liye".....

suporna ko khusi huyi aur oosne fhir phone rakh diya...

to be continued....


	Logged

asif biswas

Guest

Episode 4

«Reply #4 on: October 04, 2017, 05:45:11 AM »

Subah ho chuki thi...kal ki wohhh amavasya raat dhal chuki thi...highway ke rasto se guzarti woh gaadi puri raftar se aage barh rahi thi..suporna apne pati ke sath baithkar charo taraf ke hare bhare waadiyo ko dekh rahi thi...madhopara abhi kuch faasle dur tha...shekhar gaadi drive kar raha tha...oosne suporna ki chuppi todi

shekhar : uff ek toh itni garmi par rahi hai..aur upar se raasta bhi maano kitna dur hai...kolkata pahuche subah 4 ho gaya aur ye madhopura ka rasta highway se itna dur uff

suporna : hum delhi se aaye hai na isliye waise hi thake huye hai accha hua tumne ye gadi kiraye pe hire kar li

shekhar : hmmm kyunki main nahi chahta ki hum dono ke safar mein koi teesra shaamil ho ha ha ha ha ?(shekhar hasste huye suporna ke gaal kheechta hai suporna sharma jati hai)

dono hassi khushi baat kar rahe they....gaadi bhi apne pure raftar mein thi...jab shekhar ne dekha ki purani ghaati parh rahi hai toh oosne ghaati shuru hone se pehle oos board ko ek side paaya jispe dhul mitti jaise jam gayi thi....theek tarah se dekhne pe hi samajh aa rhaa tha ki oosmein kya likha hai?

shekhar : caution beaware to stop ur car in mid of the road.....savdhan gaadi rokna nished ghaati ke beech what nonsense ? hahaha (shekhar board jo piche chutt gaya oospe likhe lavzo ko ek baar fhir oosne dohrate huye tahaka lagaya)

suporna : kya baat hai? tum hass kyu rahe ho?

shekhar : is purani ghaati mein ghusne se pehle tumne parha nahi kya likha tha? savdhan nished ghaati ke beech vaahan rukna mana hai...aisa kyu likha gaya hai? (suporna ke chehre pe gambhir bhaav aaye)

suporna ek pal ke liye gaadi ke guzarne se ghaati ko dekh rahi thi....dur dur pahad...aur dono taraf ghana jungle...jaise jaise aage barh rahi thi gaadi...waise waise suporna ko lag raha tha jaise oonki gaadi kisi azib se sannato bhari gehrai mein daakhil ho rahi thi...waha ek azib si khaamoshi thi..oosne waqt dekha 11 bajne ko tha...shekhar chupchaap gaadi chala raha tha...

suporna : jab kaha hai toh rokna mat

shekhar : hahaha arre meri jaan abhi toh din hai raat thodi jo koi problem hoga....mujhe toh lagta hai shayad dakati ya koi sher baagh ke darr se ye board lagaya gaya hai...raat ko aate toh board pe toh nazar hi nahi guzarta..

suporna : hmmm sach keh rahe ho...waise humhe darrna nahi chahiye maa kaali hamare sath hai

shekhar sirf muskuraya...ooski soch suporna jaisi dharmik vicharo wali nahi thi...ooske isi dharmik vicharo ke chalte sehkhar ko kabhi kabhi aisa lagta tha jaise oonke sambandho mein thodi duriya ban aayi hai...lekin suporna kabhi bhi aisa shekhar ko mehsus hone nahi deti thi ki wohh oosse mohabbat nahi karti...wohh oose apne zindagi ka ek hissa maanti thi..ooske maa-baap ke guzar jane ke baad ooske zindagi mein keval shekhar ooska pati hi toh tha....

achanak shekhar ekdum se khaamosh hua...toh suporna ne ooske chehre ke badle bhaav dekhe..."kya hua?"....."oh my god police aur yehhh kya?"....shekhar ki nazaro ka picha karte huye suporna ne saamne dekha...shekhar ne tabtalak gaadi ekdum dheemi kar di thi..kuch faasle dur daayi or wohi khandar parh raha tha..suporna oos khandar ko gaur se dekhne lagi...fhir theek niche oon police walo ki or nigaah huyi...

shekhar ne gaadi itni dheemi kar di thi...ki dono waha kya ho raha tha yahi dekh rahe they....panchnaamo ke nishaan theek road ke paas bana hua tha...gaadi ekdum se rokte huye shekhar ne gaur kiya toh waha betasha khoon tha...ye khoon kal raat huye oos ghatna se juda hua tha....rani ahmed aur suraj jo kal raatri gaon se bhaage they...oos jagah pe suraj ki laash thi jaha betasha khoon tha kuch dair pehle...lekin ab waha sirf nishaan laash ke pare hone ke bane huye they..police chaanbin kar rahi thi..

toh sidhe khandar ki sidiyo se leke andar tak dono ko khoon khoon jaise dikha...photographs liye jaa rahe they..murti pe lage khoon ki jaanch ho rahi thi...police muana kar rahi thi...fhir jab sab utar aaye...toh shekhar ne gaur kiya ki police inspector ne oonhein notice kiya hai...shekhar ne aakhir ooske paas aane se puch liya...chupchaap baithi suporna bari bari aankhe kiye oos khandar ko dekhein jaa rahi thi aisa lag raha tha jaise ooske dilo dimaag pe jaise ek azib sa khauff sama raha ho...jaise kitna raaz dafan ho khandar mein? oos murti pe jaise suporna ki nigah huyi wohh ekdum sihar uthi...oosne apne munh ko fhair liya....

shekhar : sir yaha kya hua hai?

inspector : ji yaha teen qatal huye hai (eka ek shekhar aur suporna sihar uthe) madhopara gaon ke teen naujawan is raaste se shayad raat gaye guzar rahe they na jane kyu oonhone gaadi rok di? aur oonke sath ye vardat ghat gaya....wohh toh kisi aap jaise hi safar karte logo ne paas khari woh jeep aur lahuluhan pari yaha lash ko dekhi aur humhe fauran ikhtila ki)

suporna : hey bhagwan hum toh wohi jaa rahe hai madhopara...uff

inspector : ji darasal madhopara yaha ka sabse nazdeek aur iklauta gaon parta hai...anyway laash ko toh janne waalo ne aake leke chale bhi gaye...laash ki shikanat ki pushti ho chuki thi...baaki ke do laash ka abtak koi aaya nahi hai...do ladke they aur ek jawan ladki..ladki ki laash toh humhe pehli ki vardato ki tarah oosi khandar mein paai gayi hai (ungli oos bhayank khandar ki taraf karte huye)

ek pal ko jaise suporna khauff khaa uthi...aur shekhar chupchaap...

shekhar : my god par yaha kya aksar aisa hota hai? i mean ye azib sa khandar aur ghati shuru hone se pehle wohh board? (shekhar ne zikar kiya )

inspector : ji darasal aisi 8 vaardatein pehli bhi ghat chuki hai jis wajah se yaha ke local admins ne is sunsaan ghaati ke bahar ek board laga diya hai lekin fhir bhi raasta ek hi parta hai raat ko koi na koi gaadi guzarti hai aur fhir aisa koi haadsa ghat jata hai...laash ko hum ais bedardi haalat mein paate hai ki lagta nahi ki kisi insaan ka kaam ho

itne mein ek police wala dastane pehne haatho mein liye oos driving license ko inspector ke haatho mein deta hai..."sir ye jeep oosi ahmed siddiqui naam ke driver ki hai ye license humhe ghati ke ghane junglo ke andar paas ke daldal ke paas mila jaha laash paayi gayi"........inspector license mein ahmed ki tasveer ko ghurrta hua sun raha tha..."par itni raat gaye"....."laash ke paas ek water bottle bhi tha"......"hmmm strange iska matlab paani ki talash mein wohh ghane junglo mein aaya aur oosi waqt ooske sath sss main toh ab bhi ooski laash ko dekh nahi sakta theek hai ise evidence ke taur pe rakh lo".......kehte huye inspector eka ek gaadi mein baithe shekhar aur suporna ki or rukh karta hai...dono aapas mein chupchaap oon dono police walo ki baatein sun rahe they...

eka ek shekhar aur suporna chupchap gambhirta se ekdusre ko dekh rahe they..."ok thank u sir"......."aap log bhi aayinda se raat ko yaha se na guzariyega yaha rat ko khatra barh jata hai logo se toh ye bhi kehte suna hai ki kal raat ko amavasya ki raat thi"........"amavasya ki raat".....ekdum se suporna ne kaha toh inspector aur shekhar oose hi dekhne lage..

"hmmm amavasya gaon ke gavar soch waalo ka kehna hai ki amavasya ki raat koi shaitani rooh yaha zinda ho jati hai..wohh idhar udhar bhatakti rehti hai aur hahaha choddhiye wohh sab aap log jaa sakte hai aye gaadi hatao".......shekhar ne inspector ke dur hote hi gaadi ka sheesha laga diya...sheeshe lagne ke waqt bhi jaise suporna oosi khandar ko ghurr rahi thi...

gaadi waha se tezi se shekhar aage barhata hai...."accha khaasa mood subah subah bigad gaya kya manhus cheez dekh li? kaisi jagah hai yeh? amavasya ki raat khandar aatma hahaha"......"ismein hassne ki kya baat? tumne dekha nahi waha kitna betasha khoon tha"....."hmmm so toh hai apni maut ko daawat hi dene koi raat gaye yaha se guzarega uff"......gaadi purani ghati se guzar gayi...aur jald hi madhopara gaon mein daakhil huyi...aisa lag raha tha jaise gaon ekdum khaali ho...bas paas kayi bakriya aur maveshi ghum rahi thi....gaon mein ikka dukka hi log dikh rahe they...

achanak oon dono ne dekha ki oonke daayi or ek lambhi safed libaaso mein logo ka jhund guzar raha tha...ye gaonwale they aurat mard sab shaamil...oonke beech paanch mardo ne ek arthi uthaayi huyi thi jinpar phoolo ki maala aur safed kafan upar jaise dhaka hua tha...laash pehchana na gaya..parivar ke log jaise dahadh maar maarke ro rahe they....aise dukhi bhare mahoul ko dekh shekhar ne suporna ko jaise shaant kiya....

"mera toh bahut dum ghunt raha hai shekhar pehle wohh ghaati aur ab yehh sab?"......"mat dekho oos taraf chalo"....gaadi ko gaon ke bheetar le jaate huye shekhar ne pata bataye mausi ke yaha khojte huye oonke ghar ko gaadi roki..

"arre yaha toh taala laga hua hai...uff kya oonhein malum nahi ki hum aane wale hai"........."pata nahi ho sakta hai kahi paas gayi ho"......dono wohi khare intezar kar hi rahe they ki itne mein ek adhedh umar ki safed libas pehni aurat ko apne paas ata dekh suporna jaise khush huyi..

"arre masi kaisi hai aap?"........"Arre suporna tumi....aao aao arre damad babu kaise hai aap?"........"ji main bhi theek hoo aap kahiye"..........."bas chal rahe hai beta aao aao bahar kyu khare ho? main tum dono ka hi intezar kar rahi thi"......suporna aur shekhar oonke piche piche ghar mein dakhil hote hai...

suporna : arre masi gaon mein chehel pehel kyu nahi hai?

shekhar : hmmm ab toh hum yahi rukenge aava hawa leke jaayenge gaon ki hahaha

par wohh aurat jaise chupchaap rahi...dono ne ooski chuppi ka kaaran jaana..."kya kahein beta? aavo hawa ka kya hai yaha? yaha toh bas har pal aisa lagta hai jaise ab kiski baari ho? kitne saalo se jo manhusiyat hum jhelte aa rahe hai na jaane oosse kab nijaat payenge?

suporna ne fhir bataya ki ki oonhone kisi ke janaze ko jaate dekha sath hi sath ghaati ke paas khandar ke waha police....sab sunke munh pe haath rakhke jaise apne dukh ko parkat kar rahi thi wohh aurat..

aurat : ye koi pehli baari nahi hai isse pehle bhi shadi shuda joda ya toh premi joda oos ghaati se jo bhi raat gaye guzara ooska theek wohi hashr hua main abhi oosi ladki ki laash ka dehen dekhte huye aa rahi hoo..

suporna : aakhir baat kya hai? yaha ho kya raha hai?

aurat : yaha nahi gaon se 9 km dur oon sunssan veerano mein aaj se nahi kayi saalo se hotaa aa raha hai mautein qatal bhait bali yahi sab toh hota aa raha hai

shekhar : kisi tantrik ka chakkar hai (shekhar ne gambhir roop se kaha)

aurat : nahi beta shaitani rooh ka (sunke jaise inspector ki wohi baat dono ne badbadayi)

shekhar : haan beta shaitani rooh tum sheheri shayad in sab pe na yakeen karo par har amavasya ki raat ko gaon se toh kya sheher se bhi koi oos ghaati se na guzarta hai...aur jo guzara samjho maut ki bali charh gaya ye barso se ho raha hai...jis ladki ki maut huyi ooski laash ooske premi ke sath bedard haalat mein paayi gayi jaise kitna bura hashr kiya ho ooske sath? dono yaha se gaon se bhaagne ki koshish kar rahe they wohh toh agle din oonke mata pita ko ahesas hua ki oonki beti gaayab hai...ek ladka aur paya gaya oonke sath subah subah hi toh gaon waale laash waapis gaon police se larr jhagad ke le aaye kal raat se waise bhi raani ke gumshuda hone ki chinta oonhein khaayi jaa rahi thi ooske premi ki laash ko police le gayi aur ooske sang dost ko bhi..na jaane kitne dino se laash waisi ki waisi oos raste pe pari huyi thi wohh toh fhir kisi raah guzarte subah subah kisi ki nigaah oonpar huyi...bare hi bedardi se maara hai oose ?(rani ki lash ko jaise oos aurat ne kareeb se dekha tha)

aankhe bari bari kiye wohh dono ki taraf mudi..."khair ab jab aaye ho toh is baat ko yaad rakhna galti se bhi gaon se bahar agar jao toh din dhalne ke baad sochna bhi mat ye meri suporna aur shekhar tum dono se vinti hai"........"mausi aap fikar na kijiye humhe kuch nahi hoga"..........mausi oon dono ke liye bhojan ki vyavastha karne lagi....lekin sawalato ke ghere mein suporna aur shekhar dono ko chorh gayi...

"shadi shuda ya premi joda...wohh khandar jiske andar ek azib si shaitan ki murti...maut ki bhait...amavasya ki raat...shaitani rooh"....barbarate huye shekhar cigarette ka kash hontho ke beech le raha tha..

oosne paaya ki suporna aaj bhi raat gaye dhyaan kar rahi thi..kaali murati ke paas jaha oos waqt ooska pati jata nahi tha...oosne paaya ki ooski mausi khatiye pe so rahi thi..na jaane kyu din se hi dil bechain ho raha tha pehle wohh laashein fhir khandar fhir wohh murti fhir gaon aake oos jawan ladki ka khoon....na maalum ki ye vaardato ko anjaam kaun de raha hai? jisse koi waqif nahi..

sochte sochte cigarette ko bahar faike shekhar ne chadar odh li.....haww haww karte huye baar kutte bhaunke jaa rahe they aisa lag raha tha jaise gaon ke sunsaan raasto pe balaye ghum rahi ho....waqt 12 se upar ko ho chuka tha...

dhyaan mein dubi ektak suporna aankhe mundein huye jaise kasmasa uth rahi thi...aisa lag raha tha jaise ooska badan sihar uth raha ho...oose dhyaan karna aata tha....wohh kaali ko pujti thi...isliye oosne har kisam ke puja kiye they...wohh aafato musibat balao ko hone se pehle hi jaan jat ithi lekin aaj jo kuch din mein ghaati se leke gaon tak oosne dekha ooske baad se jaise wohh khandar reh rehke ooske dimaag mein ooski wohh murati jispe khoon laga tha reh rehke ooske dimaag mein ghum rahi thi baar baar tasveer ki tarah wohh dikh rahi thi...

chand pe jaise badalo ki parat charh si gayi ho....idhar jaise pasine pasine suporna ho rahi thi...ooske zehan mein hi nahi balki ooske aankhe mundein aankho mein jaise sabkuch saaf saaf oose dikh raha tha...cheekh pukaar tahaka lagati wohh bhayankar hassi wohh khandar ki diwaarein wohh murati...dheere dheere wohh dhundhle drishya ooske saamne saaf hone lage...aur jaise jaise saaf hone lage waise waise oos khandar ke raaz se parda apne aap ooske saamne prastut hone laga...ooska pura badan pasine se tharr thaar kaanp uth raha tha...

aur saamne kali ki murti khari thi...ektak jaise suporna ko hi ghurr rahi ho...

to be continued.....


	Logged

asif biswas

Guest

Re: Amavasya ki Woh Raat...(Horror Story)

«Reply #5 on: October 04, 2017, 12:22:20 PM »

Kahani mein abtak aapne parha ki madhopura se kayi km dur ek purani ghaati parti hai...jo sheher aur gaon ke beech ka main highway road hai..oos ghaati ke beecho beech ek purana sa khandar hota hai...jis khandar mein ek shaitan ki murti sthit hai...sadiyo se veeran sunsaan oos khandar ki manhusiyat ka dheere dheere aatank logo ke dilo mein baste jata hai...jab pehli baar ek shadi shuda couple waha se guzar hote hai aur khandar ke paas hi oonki gadi kharab ho jati hai...amavasya ki wohh raat hoti hai jab shaitani rooh azaad ho jati hai..ooske baad shuru hota hai maut ka aatank...dheere dheere police ko koi surag nahi mil pata saal beette jaate hai aur koi na koi oos amavasya ki raat oos shaitan ka shikhar ho jata hai aur ye aksar premi joda ya shadi shuda joda hi hota hai jo shikar banta hai....

madhopura gaon se suporna ko ooski mausi bulati hai...jab suporna aur shekhar ghati se guzar rahe hote hai tohh oonhein malum chalta hai ki waha fhir se ek vardat ghati hai....raaz ko janne ke liye betaab suporna aur shekhar gaon pahuchte hai waha oonhein is vaardat ki wajah sunne ko milati hai....aur ab aage...

Suporna ka pura badan kaanp uth raha tha...pasine pasine ho raha tha ooska pura shareer...laal rang ki wohh saree ko pehne jaise wohh mantro ka jaap kar rahi thi...taaki apne hosho hawas pe kaabu pa sake...ooske dimaag mein jo manzar chal raha tha wohh oose dekh nahi paa rahi thi....wohh dekh rahi thi atit oos khandar ka oos ilaake mein huye vardato ka...wohi shaitani murati jiske theek upar amavasya ka chand ub raha tha...

kaano mein oos tantrik ki mantra jaise sunai de rahi ho....aag ki samadhi jalaye oosmein kankaal ghumaate huye wohh azib sa bhayankar sa tantrik jaise oos shaitani murati ke aage naach raha tha...aisa lag raha tha jaise wohh manzar khauff se bhara ho....theek oosi beech tantrik ne oon rassi pe bandhe premi jodo ko dekha jo cheekh rahe they chilla rahe they....aur theek oosi beech oosne mantra jor se parte huye theek oon dono ki gardan pe ek sath belcha chala diya..ooske baad kati gardane jaise alag huyi aur betasha khoon jaise oos murti pe girne laga..tahaka lagati wohh hassi wohh shaitani khel....

"mauttt laayeegaa wohhhh oosee zinda honaa hogaa honaa hogaa zinddaaa".....oos bhayanak nigaho ko dekhte hi jaise suporna ne apni aankhe khol daali.....

aankh khulte hi khamoshi charo taraf raat dhal rahi thi...kahi koi dur kutta bhaunk raha tha...suporna ne apne thaali se ek mutthi sindoor ko uthaaya aur kuch rasme kaali ki murti ke saamne kiye....ooske baad mantro ko wohh parti rahi sath mein ghanti ko oosne do-teen baar bajaya...ooske baad oosne jhukke kaali maa ko namaskar kiya ...ooske baad uth khari huyi ooske aankh surkh laal they...

"supporrnaa"....suporna ko jab apne pati ki cheekh sunaai di...toh wohh jhat se bagal waale kamre mein aayi..."uff kya hua? shekhar kya hua?"....suporna ne baithte huye paas ke matke se shekar ko paani diya..shekharne paani peeke jaise haaafte huye khud pe kabu kiya fhir wohh shant hua...

suporna : kya hogaya? (peeth ko sehlate huye)

shekhar : koi bura sapna dekha bas

suporna : kya dekha tumne?

shekhar : maine dekha ki hum wohi khandar mein pahuch gaye hai aur aisa laga jaise koi cheez mere haath pao ko jakade huyi hai pata nahi aisa bhayanak chehra maine

shekhar ne jab suporna ko wohh bhayankar chehre ko byaan kiya....toh jaise suporna ki aankhe gambhir si ho uthi....suporna ne munh pe haath rakhkar shekhar ko ye na kaha jo dhyaan oosne karke oos raaz ko jaana tha...wohi shaitan wohi rooh jise shekhar ne byaan kiya wohi rooh theek oosne bhi dekha tha dhyaan mein..par shekhar ka khwab dekhne ka wajah kya tha? ye oose samajh nahi aaya

suporna : kuch nahi hoga shekhar tum khaamokhah itna soch rahe ho so jao main aati hoo (shekhar ko shaant kiye suporna kamre se bahar chali jati hai)

suporna ki nazar apni masi pe pari jo laiti huyi zarur thi par shekhar ke chillane se uth gayi thi...suporna ko oosne sawalat bhari nazro se dekha..."tu dhyaan mein thi toh main beech mein na aayi shayad dhyaan tera bhang ho jata accha tera damad babu kyu chillaye they?".....suporna ne bataya wohh kaaran..toh jaise mausi ne apne chehre pe haath rakhke kisi gehri soch ko gambhirta se dekha

mausi : main na kehti thi khauff aur aatank faila diya hai oos manhus khandar aur oos shaitan ne...na jaane bhagwan humhe kab oosse muqti dega?

suporna : mausi sab theek ho jayega shekhar ye sapna dekhna koi sanket hai ki

mausi : kaisa sanket? (mausi ne apni bhaani ki taraf dekhte huye kaha)

suporna : iska pata toh mujhe khud lagana hoga lekin pehle mujhe oos chaupal ke oos buzurg jiska aapne zikar kiya ki wohh bahut kuch jante hai oos khandar ke baarein mein oonke paas humhe le chaliye

masi : nahi beta kyu khaamokhah mein tum apni aur apne pati ki musibatein aur barha rahi ho? kya karogi jaanke

suporna : bas hum jaanenge aur kuch nahi karenge

masi : theek hai kal subah hone do fhir main tumhe oonke paas leke jaungi suna hai ki wohi sab raaz jante hai oos khandar ka (masi ki nigaah jal rahe oos diye ki or thi jo theek diwaar ke kaggar pe jal rahi thi oonki ankho mein jaise kayi raaz dabe ho)

_______________

Gaon ke chaupaal wohh buddha baitha hukka pee raha tha...aur waha pe shekhar ooski biwi suporna aur ek aad mein mausi khari thi...teeno ko dekhte huye buddha hassa fhir jab khaaste huye chup hua toh jaise ooske kankal nikale chhehre ke dono aankho mein jaise azib sa khauff umadne laga....teeno chupchap khare they....

"janna chahte ho sunna chahte ho arre mujhe toh kehte hai ki buddha pagal hai jhooti afwaahein udata hai...lekin aisa pehli baar hua hai ki gaon walo ko chorke aaj kisi sheher ke aaye logo ne mujhse oos ghaati ke baarein mein janna chaha hai jaha maut basti hai mautt"........ek pal ko laathi liye jaise uth khara hua wohh fhir tehelta hua daayi or jaake paid ke fhir mudke oon sabko dekha

shekhar : aakhir kya baat hai? kya wajah ho sakta hai ki itne khoon abtak huye hai? oos jagah pe aakhir oos murati aur oos mandir ka kya rahasya hai?

kahani agle episode mein


	Logged

asif biswas

Guest

Re: Amavasya ki Woh Raat...(Horror Story)

«Reply #6 on: October 05, 2017, 08:25:37 AM »

shekhar : aakhir kya baat hai? kya wajah ho sakta hai ki itne khoon abtak huye hai? oos jagah pe aakhir oos murati aur oos mandir ka kya rahasya hai?

Wohh buddha aadmi ekdum se piche mudke shekhar ki taraf dekhta hai eka ek wohh kafi zor se kehta hai...."rahasya haii bahut bara rahasya hai"....eka ek ooski aankhe ekdum bari bari ho jati hai...

"sadiyo pehle ki ek kahani hai....oos waqt meri umar 12 saal ki thi mere pita ji sarpanch they..aksar koi na koi parivar guhaar lagata tha ki oonki beti lapata hai oonka jawan beta lapata ho gaya...jab pita ji ke sath gaon waale talash karte toh ghaati ke paas oonke agwa kiye ladka ladki ki laashein milati thi...dheere dheere ye vaardat bahut barh gayi....tab gaonwalo mein ye pushti huyi ki amavasya ki raat ko hi wohh naujawan ladka ladki gaayab hote they...gaonwalo ne ghaati ka muana kiya toh paaya ki waha ek prachin mandir tha..aur oos mandir mein raat gaye mashaal jalti huyi dikhti thi..

jab gaonwalo ki ek sangthan oos raat picha karte oon shagirdo ka oos amavasya ki raat oos khandar pahuchi toh taandav karte tantrik ke shagirdo ko kisi shaitani murati ke saamne nachte huye paaya....tantrik dikhne mein kafi bhayankar tha jo chupchaap baitha dhyaan kar raha tha aur theek wohi pe mauzud thi ek ladki jisse oos raat ko hi agwa kiya tha...gaonwalo ne milake ye faisla kiya ki wohh ek saath oos shaitan ko maar denge...pita ji ke sath hathyar liye wohh gaonwale ghusse aur oonhone eka ek sab par golia chala di

diwaaro pe khoon ke cheente aur farsh pe laashein girne lagi...isse tantrik bhauklaya oosne hamla karna chaha lekin tabtalak wohh gaonwalo ke haatho bandh chuka tha...oose sabne milke khoob maara aur peeta....sachaai janne ke liye pita ji ne oosse pucha toh ooska ye khauffnak bara jawab tha..."shaitan hai wohh jiski hamare purkhe sadiyo se puja karte aa rahe hai...wohh jis din jaagega oos din tumpar buchal aa jayega tabaah ho jayegi oos din tumhari insaniyat"........."afsos tujh jaise shaitan ne na jaane kitne masoomo ki bali charayi ab tu hi apne shaitan ki bhait banega teri maut ke baad in veerano mein koi dastak nahi dega koi nahi kaant do iska gala"........gaonwale waise hi oospe aag babula they kuch logo ne oos tantrik ko kasske pakda aur theek jaise oosne kayio ki bali charayi thi theek waise hi ooske gardan ko bhi dharh se theek waise hi alag kar diya gaya....ek dardnaak cheekh gunz uthi thi...oon sabki laashein ooonhone oosi veeran khandar mein jala daali...aur ye nischay kiya ki aaj ke baad koi bhi yaha na aayea ye pidiyo tak is baat ko maana jaayega"...gaon ka mahoul fhir se shaant ho gaya koi jaanein na gayi...lekin oos raat pita ji bhauklaaye uthe...oonhone bataya ki sapne mein oonhone ek bhayankar akriti ko dekha jisne saaf kaha ki aafat toh ab aayi hai ab jo koi bhi oos raaste se guzarega oos muqararar amavasya ki raat ooska bhi wohi hashr hoga jo abtak hote aaya hai...shaitan jaag uthega oos raat aur oose koi nahi rok payega koi nahi...aur yahi hua saal beette gaye pita ji ka dehant ho gaya mautein fhirse hone lagi par is baar ya toh sheheri logo ki khabar sunne ko milati ya fhir gaon ke kisi premi jode ki khabar is tarah gaon fhir se abtak dehshat mein duba hua hai...na jaane kabtak ye khooni sisila chalta rahega"....aankho mein khauff aur bebasi ke aansu liye buddhe aadmi ne shekhar suporna ki taraf dekha..

shekhar khaamoshi se suporna ke sath mein khara tha..suporna ki mausi jaise ekdum se kaanp uthi thi wohh sehmi nazaro se paid pe haath rakhke chupchaap oonhein dekh rahi thi...

"wajah hahaha wajah nahi taaluqq oos khaandar mein rakhi huyi oos shaitani murati ka taaluqq kaafi gehra hai oos raat se...wohi manhus raat jab aati hai toh jaise maut karwat leti hai..oos khaamosh ghaati mein jaise ek tufaan chalne lagta hai...aur oos waqt koi na koi joda hi oos raaste se guzarta hai yaa toh anjaane mein ya fhir bhul se..ooske baad ooska wohi hashr hota hai jo abtak oon logo ke sath hua".......suporna is baar bare gaur se oon baaton ko sun rahi thi...jaan tohh wohh kafi kuch gayi thi par oose pushti karni thi...

buddhe ne ek nazar suporna ki taraf dekha aur fhir ek tak jaise gaur se oose dekha...."ye ladki kaun hai?"....."ji ye meri bhaanji hai".....mausi ne parichay dete huye kaha....toh buddha muskuraya..."kya oos shaitani rooh ko roka nahi jaa sakta?"......suporna ne ekdum se kaha

buddha : roka jaa sakta hai par ye muskil hai kyunki aajtak koi sahi salamat waha se laut na aa saka..

suporna : kisi ne koi vikalp kyu nahi dhundha?

buddha : wohh shaitani rooh bahut shaktishaali hai wohh khud ek aafat hai oose itne aasani se thaama nahi jaa sakta...

suporna : agar aisa hi chalta raha toh oos jagah ka aatank logo ke dilo mein sirf gaon tak na rahega kabtak masoom zindagiya ooski bhait charti rahegi

buddha : ab toh maa devi hi hamari raksha kare joy maa durga joy kaali

barbarate huye buddha waha se chala gaya...."maine tujhse kaha tha suporna ye buzurg kabhi jhoot nahi kehte....ab chalo yaha rukne ka koi fayeda nahi wohh jaa chuke"........mausi ki baat sun shekhar aur suporna chupchaap ghar laute..

lekin pure din suporna yahi sochti rahi ki oos buzurg ne oose ektak kyu ghuraa? "ab toh devi hi tumhein bacha sakti hai?"......kya sirf ek aashvasan tha ya fhir koi vikalp soch ki gehraiyo mein suporna khoyi huyi si thi...ki itne mein wohh haath ooske kandhe pe ekdum se shekhar ne rakha...suporna ka dhyaan tuta aur wohh shekhar ko dekhne lagi...

shekhar : lo paani piyo kya hua suporna? kafi khoyi huyi si ho?

suporna : na jaane kyu shekhar par? mujhe bahut dukh ho raha hai

shekhar : dekho meri taraf hum maante hai ki jo kuch bhi ho raha hai oospe hamara koi jor nahi lekin hum kar bhi kya sakte hai? khair main ab chahta hoo ki hum yaha se jald se jald nikal jaaye

mausi : shekhar theek keh raha hai beta (mausi piche se aayi)tum dono ko ab chale jaana chahiye yahateherke sirf gaon ki manhusiyat ke siwaah kuch nahi sunne ko milega fhir kisi na kisi ki maut ki khabar sunne ko milegi sheher mein rahoge toh in sab cheezo se dur rahoge

suporna ne kuch na kaha...woh chupchaap teher si gayi...shekhar ne bol diya ki wohh yaha se kal din mein hi ruksat ho jayenge...mausi ne kuch na kaha aur wohh apne kamre mein chali gayi....

maa kaali ki murati ke aage dhyaan mein malin suporna jaise kashmakash mein ghiri huyi thi....baar baar oos buzurg ki baat wohh bhayanak manzar oos khandar ka ooske saamne reh rehke ghum rha tha...."ab toh devi hi is gaon ki raksha kare".....ye sunke jaise oos buzurg ki baat dimaag mein ghum si rahi thi....suporna ne aankhe kholi aur murati ki taraf dekha kaali ki murati jaise oose hi dekh rahi thi..suporna ne haath jode aur fhir uth khari huyi puja se...

Agle din gaadi mein sawaar hote huye ek nazar dono ne gaonwalo ki taraf dekha aur fhir mausi ki taraf..."acche se jana tum log yaad rahe guzarna tumhein oos purane ghaati se hai kattayi mat rukna bhagwan tumhari raksha kare"....."jaa rahe hai mausi delhi jaake khabar karenge"......"theek hai beta tum dono ki jodi salamat rahe"...bolte bolte jaise mausi subak pari...suporna ne utarke oonhein chup kiya oose wishwas dilaya sab theek ho jayega

Oon dono ke jaane ke baad jaise hi mausi piche mudi ooski nigah oos buzurg ki or jaise teheri jo oose aur dur jaati shekhar aur sporna ki gaadi ko dekh raha tha..."aap yaha?"......"aaj wohi amavasya ki raat hai kya tumhari bhaanji ne tumhein ye baat na bataya"......ek pal ko jaise mausi sar pakre baith gayi..."ohh nahii oonhein rokna hoga"......."ssshh oonhein kuch nahi hoga devi hi oonki raksha kare devi hi oonki raksha kare kuch nahi hoga oonhein"...ek pal ko jaise buzurg ne gambhirta se kaha

_________________

Gaadi tezi se gaon se kayi dur aa chuki thi...raaste se guzarte huye ek pal ko jaise suporna ne shekhar ki taraf dekha....shekhar gaadi ko teji se chala raha tha...jald hi raasta purani ghaati para....aaj mausam kuch theek nahi tha...baaar baar jaise dhul bhari aandhi chal rahi thi...."achanak mausam ko kya ho gaya?"....ek pal ko tehri suporna ne shekhar ke is sawal ka jawab na diya...woh janti thi aisa kyu ho raha tha?

shekhar jaise hi purani ghaati se guzarta hua aage barhta hai toh waqt ki or baar baar dekhta hai ooska kahuff jaise ooske dil mein utar raha tha ek ek second...aur theek oosi pal suporna ne shekhar ko hilaya...shekhar ne ooski taraf dekha oosne ishara kiya..."wohh dekho khandar"....jise dekhte huye shekhar jaise sihar utha..."humhe gaadi aage barha leni chhaiye yaha rukna theek nahi".....shekhar ne gaadi ko jaise hi khandar ke saamne guzarte huye aage barhaya...toh aisa laga jaise suporna ki hawao mein ek shorr sunaai diya....oosne piche mudke khandar ki taraf dekha...fhir apne baalon ko samaitte huye samane ki or dekha...

achanak ek tez hawa ka jhoonka oon pathrili raasto se hote huye beech sadak pe jaise oonka piche aane laga....wohh tez hawa jaise oonhein aa daba rahi thi...suporna ko jaise koi cheez ka ahesas hua toh oosne shekhar ke baazu ko mazbuti se pakda

"shekhar gaadi roko"......"kyu?"....."maine kaha na roko"......gaadi ko jaise shekhar ne roka ek garam hawa jaise pure gaadi se guzarte huye aage barh gayi...shekhar sihar utha

shekhar : y...ye sab kya hua?

suporna : hamara raasta roka jaa raha hai shekhar taaki hum yaha se nikal na sake

shekhar : kya keh rahi ho suporna? main gaadi start karta hoo

suporna ne kaha gaadi bhi start nahi hogi...gaadi ek azib si tikhi awaz nikalne lagi chaabi ghusaaye baar baar engine ko on karne ke firaaq mein shekhar ne kaafi koshishein ki par sab bekaar....gaadi jaise kharab ho chuki thi...

shekhar ne mobile phone nikala aur bahar nikala...suporna bhi sath sath bahar aayi...."uff sss ye engine kaise garam ho gaya? subah subah hi toh check kiya tha"........suporna ne shekhar ki awaz sun zarur rahi thi lekin ooska dhyaan dur oos khandar ki taraf tha jaise charo taraf koi oonhi ke intezar ke pal mein ho...

suporna : humhe roka gaya hai shekhar (shekhar ne ekdum se suporna ki taraf dekha)

shekhar : roka kya matlab?

suporna : kyunki aaj amavasya ki wohh raat hai aur ye achanak se hawao mein tabdiliyat ye aandhi inka aana kisi sanket ki taraf ishara kar raha hai..

shekhar : meri toh kuch samajh nahi aa raha

suporna : chalo mere sath

shekhar : dimaag toh theek hai khandar mein paagl ho kya? itna kuch sunn liya gaon waalo se oos buzurg se fhir bhi keh rahi ho uff ek toh mobile bhi kaam nahi kar raha

suporna : sab cheez ko bala jaise rok degi shekhar hum yaha se itne aasani se nahi jaa sakenge

shekhar : tum kehna kya chah rahi ho?

suporna : gaadi start nahi hogi aur agar paidal bhi chalenge toh gaathi ke inhi raasto mein baar baar ghum fhirke aa jayenge jabtak raat nahi ho jaayegi...

shekhar ne dekha rasta bilkul sunsaan tha veeran tha waha aas paas koi bhi nahi tha...shekhar dheere dheere suporna ke sath khandar ki taraf barta hai...jaise wohh waha pahuchta hai khandar par latakti upari paid ki shaakhaaye jaise latak rahi ho...khandar ekdum jarjar ho chuka...ooski diwaare ekdum kaali si hai..shekhar jaise sihar utha oos murti ko dekhke aas paas khoon ke daag dhabbe jaise ab sukh chuke they sukhe patte siidyo pe charhte huye jaise pao ke niche kuchale jaa rahe they...

shekhar : humhe yaha rukna nahi chahiye suporna

suporna ne aage barrte huye oos murti ki or gaur se dekha aisa lg raha tha jaise wohh bahaynak hassi hass raha ho...shekhar chupchaap cigarette jalaye bahar hi khara raha oose laga shayad koi lift ya kuch anay upaay zarur milega....kitne hi mautein huyi thi yaha? aur wohh aaj oos jagah pe khara tha ooski toh jaise saansein tham gayi...

jab shekhar piche mudha toh paaya ki suporna dhyaan mein malin thi...."suporrna ye sab kya kar rahi ho? kya ho gaya hai tumhein arre main tumse puch raha hoo suporna suporrnaa"......lekin suporna jaise ekdum khaamosi se dhyaan mein malin thi...wohh kone pe baithi huyi thi aur theek murti oosse kayi faasle dur rakhi huyi....mann hi mann jaise wohh kaali maa ka naam le rahi thi...

shekhar jaise ulte pao waapis sidiyo se niche utarne laga...toh supornan e oose roka "teher jao shekhar is khandar se utarna mat oose aane do aaj oose aane do"......."pagal ho gayi ho tum koi tantrikni ho kya ho gaya hai tumhein what's wrong wid u dekho suporna i will not tolerate all this nonsense this of urs main jaa raha hoo yaha mera dum ghunt raha hai"........shekhar jaise sidiyo se utarta hua gaadi ke paas aaya....suporna oose rokne ki nakaam koshish karna chahti thipar wohh dhyaan mein thi...wohh kayi mantro ka jaise jaap kar rahi ho...

andhera saaye ki tarah charo taraf jaise chaane laga....kahi dur koi fhirse janwaro ke rone ka shorr sa sunaai diya....torch jalaye shekhar waapis gaadi mein baith toh gaya tha lekin apni biwi ke paas na hone ki mazudgi oose khal rahi thi...oosne torch liya aur eka ek waapis mandir ki sidiya charta hua upar aaya...

suporna waisi hi baithi huyi thi dhyaan mein...shekhar ko samajh nahi aa raha tha oosne sath mein roshni laayi huyi thi oose oosne theek khandar ek or rakha toh khandar jaise roshan ho gaya....wohh wohi suporna ke paas khauff mein simata baitha hua tha...achanak ek tez hawa jaise gunzi....hawwwwwwwwww...oos awaz ko sunke aisa laga jaise koi dohri si azib si awaz ooske behad kareeb aa rahi ho...dheere dheere wohh awaz thamti gayi...

"kaun hai maine pucha kaun hai?".shekhar ne uthte huye khandar ki sidiyo pe torch maari..toh waha oose kis iki mauzudgi na lagi...oosne khare hoke jaise hi aage barhna chaha toh suporna ke mantro ka jaap jaise tez ho gaya....shekhar ke dil mein na jane kyu bahar aa jaane ka mann na hua...woh wohii suporna ke kareeb chupchaap kaanpti torch liye baitha hua tha...

oosne saaf dekha dheere dhere jaise ooska dil sihar utha...shaadi ke jodo mein sar kati laashein jaise sidiyo pe khari thi aur oosi ka roop bankar wohh shaitan ooske saamne khara tha

"hahahahhaa hahahahaa "........tahaka lagati gunzti ooski dahadhati ooski dohri awaz...jaise shekhar ko kanpa uthi..oosne dabi awaz mein suporna ko jagana chaha toh suporna jaise mantro ka jaap karti rhi...

oos surkh laal oos bhayankar chehre ko dekhte huye jaise shekhar ka khoon sukh gaya woh shaitan ek ek kadam rakhta hua daakhil hua...jaise hi woh shaitan ki murti ke paas aaya..toh saaf shekhar ne dekha ki amavasya ki bujhi si woh chand theek murti ke upar huyi ho...murti ekdum se ooski taraf jaise ghumne lagi...oos patthar ki shaitani murti ke ghumte hi jaise shekhar ka kaleja munh ko aane laga.."ssupporrna suporrrnnaa"......suporna lekin koi awaz na di...

shekhar ko laga ki wohh suporna aur oospar jaise ab ki tab hamla kar dega paas ooske ek patthar oosne paaya oosne oose uthaaya aur sidh oos shaitan ke upar faika...patthar jaise ooske shareer ko bina chuye aar paar hoke mandir se bahar sidiyo se ludakte huye gir gaya...

"hahahaha mmarreegaa aajjj sabbb khatam ho jayeeegaa is khandar se main tujhe aur terrii biwi ko jannee nahi dungaaa".....tahaka lagaye pagalo ki tarah jaise woh shaitan hass raha tha..

itne mein suporna ne aankhe kholi ooski aankhe surkh laal thi..osone oos shaitan ki taraf dekha...shekhar oose rokne laga kyunki wohh khari hoke ooski taraf hi jaa rahi thi..


	Logged

asif biswas

Guest

Last episode

«Reply #7 on: October 05, 2017, 08:26:11 AM »

shekhar : suporna no no no suporna stay back stay bacckk damnitt

shekhar ne oose pakadna chaha rokna chaha lekin jaise shekhar ke pao ekdum sunn se parh gaye wohh ekaa ek diwaar se jaa chipakaa...shekhar ke haath pao ko kisi ne kasske jakada hua tha aisa lag raha tha ooska khwab ab sach ho rah tha...apni patni ko oos bhayanakr dikhte shaitan ke kareeb jaate dekh paa raha tha shekhar

aur theek oosi pal jaise suporna ke chehre ko dekh wohh shaitan oose chupchaap ghurrne laga...."amavasya ki raat sirf teri nahi hai ohh shaitanann tu yakeenan aaj bhi rooh banke is ghaati mein bhatak raha hai lekinn aajjj tera khaatma hoga maa kaali hi tujhe khatam karegi".......suporna ki baatein chupchaap shekhar sun raha tha ooske bas mein nahi thak i wohh khud ko chura paaye whohh toh khud khauff se sehma hua tha...

jaise oos shaitan ne ek kadam aur aage barhayaa jaise oose tez jhataka laga wohh piche gir pra oosne uthke fhir se tufaan ki tarah jaise suporna pe hamla karna chaha ooske gale ko dabochna chaha lekin suporna ne jaise oospe koi vaar kia...smaajh nahi aa raha tha ki ye sab kya ho raha tha?

"nahiii"...dohri awaz nikalta hua jaise gusse mein aag babula ho raha tha wohh roohh

jab shekhar ne gaur se dekha suporna ke chehre ki or..toh osone paaya ki ye jaise suporna nahi sakshat oospe sawaar koi devi thi...jiske liye har pal wohh pooja karti thi...aaj samajh aaya shekhar ko ki wishwas kitni bari cheez hoti hai..woh chupchaap oon hatho ko apne jism pe kassta mehsus kar dard se karhaa utha

jaise hi suporna ne ooski taraf dekha tohh wohh haath pao jaise diwaar ke andar waapis gum se ho gaye oonhone shekhar ko chorh diya..shekhar zameen pe girke behosh ho gaya...

suporna ne ek jhalak oos shaitan ki or dekha wohh rooh jaise oospe baar baar hamla karne ki koshishei nkar raha tha...is baar suporna ne jaise farsh pe jaise ek lakeer kheechi ho...oos lakeer pe pao rakhte hi jaise shaitan dard se bilbila utha wohh wohi thithak gaya...

suporna ne shekhar ko uthana chaha shekhar badhawas ho gaya tha...."suporrna suporrnnaa tumm theek ho"......."mujhe kuch nahi hua hai tum bas mere saath aao chalo"....ooske baazu ko kasske thaame suporna jaise jaise ek ek kadam khandar se bahar rakhne lagi..

amavasya ki raat ke chand theek oonhi raaton ki tarah ho sa gaya tha..oosne paaya ki ooske charo or jaise rooh hi khare they..sar kati wohh murde jaise ooski taraf barh rahe they...."mera haath mat chorna shekhar warna oosi pal tumpar maut aa jayegi"........shekhar ne kasske larkharayi haalat mein bhi suporna ke haath ko pakra hua tha....

jaise jaise wohh murde chalte huye paas aaye ek nazar jaise oonke sar kati gardan se nikalte khoon pe dono ki huyi...shekhar bahut zyada sehem uth raha tha..."shekhar gaadi ki dikki mein kulhadi hai oose uthaao"......."tumhein kaise pata?"......"main jitna keh rahi hoo utna karo".....shekhar ke baazu pe haath rakhke suporna ne jaise mantra parhti gayi...oosne piche mudke dekha toh jaise woh sar kate tantriko ke murde aur wohh bali chari premi jode jaise oonhi ko ghaire huye they par koi oonke kareeb nahi aa raha tha..shekhar ne jaise taise dikki kholi oosne theek oos kulhadi ko uthaya..

itne mein galti se suporna ka haath shekhar ke kandhe se fisal gaya toh oosi pal ek tez dhakka dono ko dur kar gaya...shekhar kuch faasle jaake gir para..toh suporna is or.

"sheekharr"...woh chilaayi oosne uthne ka prayas kiya toh jaise laashein oose ghairne lagi...shekhar ne uthte ke sath jaise oon laasho pe kulhadi ka waar karna chaha murdo ke haath pao kantte jaa rahe they har ek hamle mein jaise wohh waapis mudra banke jameen pe gir rahe they....

itne mein shekhar ko mehsus hua apne piche kisi ki mauzugi ka jaise wohh piche muraa...wohh jor se chilaaya...suporna fhirse mantro ka jaap parhne lagi thi oosne oon laasho pe jaise fhunka toh wohhh laashein jaise aag mein jalne lagi...daudti idhar se udhar jaise wohh laashein jalte huye gaayab hoti jaa rahi thi...

shekhar khud pe kaabu nahi kar paa raha "aahhh sss aahhhh supprrnaa ahhhh yeee mujhpeee sawaar ho raha haiiii aauuu"...shekhar munh se khoon ugalne laga...suporna ooske haalt ko dekh ooske paas aana chah rahi thi...lekin woh chahke bhi shekhar se dur hoti jaa rahi thi...achanako oosne dekha ki shekhar nahi jaise ooske upar koi shaitan savar ho wohhi bhaayank chehra shekhar ka hote jaa raha tha...

shekhar ki surkh laal aur hinsak chhere ko dekh suporna piche hone lagi....shekhar ooski taraf kulhaadi liye jaise dauda...toh suporna ne oospe mantro ko jaise fhunkaa woh wohi teher ke zor se dahadhaa..."sheekharr hosshh mein aaoo shekhaarr hoshhh mein aaoo"...."aahh urgghhhh aahhh maarr dungaa tujhheee"...jaise kisi dohri awaz ooske gale se nikali ho

woh fhir uth khara hua...suporna ko dikha ki paas ooska phone tha....suporna ne jhat se oos phone ko uthaaya...aur jaise hi shekhar ne ooski taraf ana chaha kulhadi ka waar oospe jaise hi karna chaha toh jaise wohi thithak gaya...ek zor darr dahadh ooske munh se nikali...kaali ki oos tasveer ko dekh jaise khauff khaaye wohh jaise piche ek ek kadam hone laga..."nahii nahiii"...suporna ooske kareeb aane lagi....jaise jaise wohh piche hota gaya waise waise suporna ooske kareeb dadute huye ayai oos tasveer ko dekhte dekhte jaise apne sar ko thaamein shekhar khandar ki oos sidiyo pe haatho ke bal charta hua andar ghus aaya...

aur wohi ghass khaake gir para...jaise woh tadap raha tha chatpata raha..."chorrhh de oosse maine kaha chorrhh de oose"....jaise shekhar mein chatpataye oos shaitani rooh ko suporna ne gusse se kaha...

theek oosi pal kali ki tasveer ko shekhar ke maathe pe jaise suporna ne chuaya...toh wohh jaise kaanpte huye jaise akadne laga..aur oosi pal ek kaala azib sa dhua ooske munh se bahar nikala oosmein jaise oos shaitan ka chehra bana hua sa tha..wohh khandar ke oosi murti mein jaa samayaa...

"shekhar shekharr"....dheere dheere shekhar ko hosh aa rahatha..woh ghayal uthne ki naakam koshishein karne laga....pas hi ooske kulhadi thi...suporna ne oos kulhadi ko ooske haatho mein diya

"tod do is murti ko tod do is shaitan ke apavitra murti ko shekhar uth jao main kehti hoo uth jao"......shekhar uthte ke sath kulhadi ko liye suporna ko ek baar dekh aage barha....oosne theek shaitan ki oos murti ko dekha aur turant oospe kulhadi ka vaar kiya..."yaaaaaaaa"......dhaddh dhaddhhh dhadhhh

suporna mantro ka jaap jor jor se parti rahi aur kaafi joro se murti tutti jaa rahi thi jaise har murti ke tutne se bhayank ek cheekh gunz rahi ho...aas paas jaise hawaye tufaan mein tabdil hone lagi...bheriye ka wohh jhund jaise amavasya ki oos raat ko nahi balki oos khandar ko dekh raha ho jo aajtak gawaah bante aaye oon darindo ke vaardato ke anjam dene par..

aisa lag raha tha jaise vatavaran khauff mein samaya hua tha....murrti ko shekhar ne puri taqat lagate huye kulhadi se tukde tukde kar diye...ooske tutte hi jaise wohh tabaah ho gayi...khandar mein apne aaap jaise daraar parne laga..dheere dheere khandar ke patthar apne aap dehne lage aisa laga jaise ab buraai ka ant ho raha tha....

suporna lagbhag behoshi ki haalat mein shekhar ke baazuyo pe jaise pari...shekhar ne oose kasske baahon mein uthaaya aur waha sidiyo ko fhaandte huye baahr ki or bhaaga....kuch hi pal mein jaise khandar tutke gine laga...ooski vishal imaarat jaise ape aap zameen pe aa gayi...kuch hi pal mein waha malwe ka dhair tha....

ek purana sa paid apne aap oospe jaise gir para....dheere dheere dono gaadi ke paas aaye haanfte huye...raat dhal chuki thi..uraj nikal chuka tha....jab shekhar aur suporna ki neend khuli toh oohone dekha ki wohh gaadi ke paas hi pare huye they..aur charo or gaon ke logo ki bheedh ikhatta thi daroga bhi waha mazud tha...

"aap log theek hai".....police ne shekhar ko haath deke uthaya....shekhar apne shirt ko jhaarte hue apne honth pe lage sukhe khoon ko ponchte huye suporna ko jaise thaamta hai

mausi ne aake jaise suporna ko gale laga liya..."beta tum log theek ho?"......"haan mausi hum theek hai".......har koi hakka bakka tha ki aakhir wohh dono kal ki amavasya ki raat aakhir bach kaise gaye they?

jab oonhone suporna se kahani suni toh jaise oonke pao tale zameen khishak gayi kyunki sabki nigaah oos malwe ke dhair pe thi jo kayi salo tak ek khandar tha aur jismein woh shaitani murti hoya karti thi..

"bach gaye aap log lekin suporna tum jab janti thi ki kal amavasya ki raat hai toh fhir tum logo ne sheher jaane ka faisla kal hi kyu kiya?".........suporna sirf muskurayi

"mujhe apni maa kaali pe pura wishwas tha ki wohh meri jan bachayengi aur humhe aur mere pati kuch nahi hone degi mujhe toh is baat ki khushi hai ki ab wohh shaitani rooh hamesha hamesha ke liye is jagah ko chorke jaa chuki hai...aap sabse ek nivedan hai ki yaha maa kaali ki murti ka mandir banayaa jaaye"......ye sunke sabkoi bhauchakka ooski taraf dekh raha tha...

suporna ki mausi ne bataya ki gaonwalo ko ikhtila kiye hi woh sab oonhein dhundhne yaha aaye they...suporna ki mausi ne ye tak gaonwalo ko kaha ki oonki bhaanji maa kaali ki bhakt thi isliye hi woh saksham ho paayi...gaon wale jaise suporna ko devi ki tarah pujne lage par suporna ne sirf itna kaha ki wohh sirf oonki ek bhakt hai aur kuch nahi...oose khushi hai ki jo abtak maarein gaye oon sabki aatma ko ab shaanti milegi....

Gaonwalo ko jaise oonpe naaz hua....shekhar aur suporna sabse vidaa leke hamesha hameasha ke liye gaon se jaa chuke they....aaj oos khandar ke paas manhusiyat nahi rahi thi...ab wohh purani ghaati ke beech beech ek kaali ka mandir stathpit tha...ye baat bhi suporna gaonwalo ko kehke gayi thi..aur wohi hua tha ab oos mandir ke chalte waha koi bala musibat aur manhusiyat ne fhir kabhi kisi vaardat ko hone na diya.....

suporna aaj bhi oos waaqya ko yad karti hai shekhar ko ab in sab cheezo pe jaise yakeen hai..ooski jaan suporna ke wajah se hi jaise bachi ho...suporna ko khushi thi is baat ki ki naa hi sirf oosne oon bhait chare premiyo ko oon maasum logo ko insaaf dilawaya balki oos shaitani rooh ka hamesha hamesha ke liye khaatma bhi kiya

the end....


	Logged

Pages: [1]

Yoindia ShayariAdab > Stories, Quotes and Related Stuff > Inspirational Stories and real life Incidences. > Topic: Amavasya ki Woh Raat...(Horror Story)