Firaaq - A deadly love tale (romantic thriller story)

Woh ek sheher ka aam hotel tha par us waqt khaas behad khaas kuch logo ke liye wo milane ka thikana bana hua tha...kisi bahari aadmi ko andaza nahi tha ki andar kya chal raha tha? Saqt hidayat di hotel walo ko ki meeting hall ke darwaje ke aas paas bhi na koi mauzud ho police mehekme ke kuch log aur sarkaar ke kuch aala afsar aur sarkaari jasoos us waqt waha mauzud table ke aamne saamne kursiyo pe baithe they wo ek secret meeting chal rahi thi jise press waalo aur khud police department ke sabhi afsaro se chupaya gaya tha kyunki unhein bharosa nahi tha koi bhi munh bahar khol sakta tha har koi khatre se waqif tha

Projector pe ek ke baad ek tasveer dikhai jaa rahi thi pehle ek 62 saal ke umar ka raubhdaar chehra aur sunheri gehri rang ka chashma pehna aur hontho mein fase cigar wala shaks tha jise Shah Alam bataya gaya uske baad ek ke baad ek kayi chehre dikhaye gaye har kisi ki nigah waha baithi paini nazaro se ek ek tasveer ko ghure jaa rahi thi,

Commissioner khud hi un chehro ka tarruf sabse karwa raha tha aakhri do tasveer khaas thi pehli ek mote thigne kad kath ke aadmi ki thi jiske Surat pe magruriyat saaf nazar aa rahi thi ho bhi kyu na wo raees  us pehli tasveer wale raubhdaar shaskiyat Shah Alam ka damad tha dusri aur aakhri tasveer ek haseen aurat ki thi jo umar mein 36 ke kareeb thi aur bharepure badan waali Gori rangat ki raees aurat jaan padh rahi thi

"Aur ye hai Shah Alam ki ikaluti beti anika Shah former model reh chuki hai aur ab businesswoman hai apne baap ka empire aur aadhe se zyada karobaar ab yahi sambhaal rahi hai baaki iska shouhar pehle business partner tha uski beti ke sath fhir Shah Alam ne jaise apne Ghar jamai ko apne dhandhe se hi bahar kar diya fhir uske baad eka ek ye gayab ho gaya report darz huyi maamla khabaro mein bhi aaya par aajtak iska koi malumat nahi chala suna hai ki biwi se bewafai karta tha khair hamara maamla husband ke gumshudgi case se zyada zaruri is mission pe hai jiske chalte ye secret meeting ho rahi hai"

Comissioner ne khamosh hote huye glass uthakar uska ek ghunt paani piya aur fhir apne lavzo ka prabhav tamam waha logo ke chehro pe dekhne laga... superintendent ne gambhir hokar is baar chuppi todte huye kehna shuru kiya

"Hum jante hai Shah Alam sirf raees ucche rasukh wala nahi hai uske kayi kaarobaar desh se bahar bhi hai sarkaar ke saamne uski tasveer saaf suthri hai lekin is sheher ka baccha baccha bhi janta hai ki wo yaha tak kaise pahucha? Uske kaale dhandho ki list bahut lambi hai lekin koi karyawahi nahi ki ja sakti kyunki upar tak uska hath hai is sheher mein uska sikka chalta hai lekin hum mein se kuch imaandar log ab bhi sheher mein hai jo uske haatho apni rooh nahi bech diye drug manufacturing aur trafficking, arms dealing, kaale dhan ko safed karna, contact killer tayyar karna  sab kuch iske ishare pe kayi barso se hota aaya hai"

"Par sir ye sab baatein hum already aapke bataye Jaan chuke hai hai hum ye janna chahte hai ki hum kya kar sakte hai? Mayor ki kursi pe Satta chalne wali hai aur aaphi ne bataya hai ki Shah Alam apna pao politics mein pasaar chuka hai log toh uske mureed hai hi aur jo nahi hai wo khauff se uske khilaf vote toh nahi denge"

Superintendent ne gusse se apne mehekme ke senior police officer ko dekha eka ek jaise police officer ne kursi pe pehlu badla aur aahiste se maanfi maangi lekin superintendent janta tha ki galat toh usne kuch kaha bhi nahi tha.....Mayor ki kursi pe Shah Alam ka baithna mehez waqt ki baat thi

"Hum jante hai ki ek baar satta uske haath aayi toh sheher mein usi ki hukumat chalegi bas faraq itna reh jayega ki hum jaisa aaj kuch kar sakte hai kal nahi kar payenge lekin main aap logo se jawab chahta hoo police department aur sarkari intelligence agency ne jo tayy karke is mission mein hamare kaabil officer ko khada kiya wo kya kar raha hai?"

Eka ek sabki nigaah table ke kone mein baithe special delta intelligence officer zaher Ali pe Tik gayi jo shayad apne baari ke hi intejar mein soch ki kashmakash mein baitha tha apna naam sunte hi zaher ne hadbadaake sabhi ghurrti nigaahon ko apne taraf dekha fhir comissioner aur superitendent aur apne department ke senior officers ki taraf ruzu hua..

"Kya reports hai? Kahan tak pahuchi tumhari progress?"

"Sir main koshish kar raha hoo aap toh jante hi hai jitne bhi informers aur mere pehle colleagues Shah Alam ke thikaano ke piche lage toh eka ek sab gayab ho gaye"

"Tum jante bhi ho agar Shah Alam ko hamare aise kisi mission ka malumat chal gaya toh nateeja kya hoga?"

Zaher comissioner ke gusse bhare sawal ka jawab nahi de saka....."sir maine pehle hi is mission ke chalte kayi logo ko maut ke munh mein khada kar diya Shah Alam ke aadmi bahut khatarnak hai aur khaskar uska parivaar bas bhanak lagne ki dair hai aur palbhar mein lash samundra mein!"

"Yaha tum unki tareef kar rahe ho? Ya humhe agaah? Bhulo mat u r  s.d.i officer kya yahi din ke liye tum jaise kabil officer ko humne assigned kiya hai?"

"Sorry sir"

"I want results kaise bhi karke agle election se pehle tumhein sabut jutane hai Shah Alam ke kaale dhandho ke khilaaf isse ye hoga ki sarkaar uspe karyavahi kar payegi wo election mein khada nahi ho payega aur fhir jo is sheher mein uska khauff hai uspar kayi hadtak tehraav aa jayega jab crime investigation ki talwaar uske gale pe jhulegi then he will have to submit to the law"

Zaher sar jhukaye raha...meeting fhir barkhasht kar di gayi...ek ke baad ek afsar waha se ruksat hone lage....uske senior officer uske paas aaye unhone oose yahi raay di ki jald se jald wo is case mein progress laaye warna apna istihfa dede.....zaher khamosh raha meeting hall mein sannata chaa gaya,

Zaher uljhano mein bhari kadamo se bahar aaya hotel se piche ke raaste se nikalte huye wo apni gaadi mein jaa baitha tatkal usne ek aur phone apni jeb se nikaala aur uspe ek number punch Kiya wo kuch dair phone ke hawale tha

"Hello! Kya khabar lagi? dekho darro mat usse milna tumhara zaruri hai tumhe kuch nahi hoga sirf aakhri mulaqat koshish karo wo raazi ho jaaye main khud tumse wada karta hun ki tumhein bahifazat uske sath ruksat kar dunga fhir tumhe mudke dekhne ki zarurat nahi kisi ko kaano kaan khabar tak nahi hogi fhir tumpar koi musibat nahi ayegi acha theek hai okay"

Zaher ne santushti bhaav se phone cut Kiya charo taraf nigah daudaayi aur fhir waha se apni gadi drive karte huye nikal gaya...achanak uska dusra phone fhir baj utha hadbadaake usne number dekha aur gaadi kinaare lagate huye roki eka ek uska chehra gambhir ho gaya aur phone usne uthate hi lagbhag kaha!

"Aapse baat karni thi bahut zaruri abhi meeting se hi aa raha hun okay"

Zaher ne phone cut Kiya aur us phone ko fhir switch off karke apne jeb ke hawaale kiya uske chehre pe kutil muskurahat ubhar aayi aisa laga nahi ki abhi kuch dair pehle wo uljhan mein tha gadi fhir raste pe chal rahi thi!

Arif ki jab neend khuli toh uske jaise jism mein taqat bachi hi nahi thi Aisa lag raha tha jaise kitni gehraayio ke neend ki aagosh mein tha pura badan Tut raha tha dhundhlahat jab nazaro se saaf huyi toh usne khud ko wohi hotel ke us aalishan suite ke bistar ke hawale paaya...uska pura badan sard raat ko bhi pasine se tarbatar tha aisa lag raha tha jaise uske jism ko kitna raunda ho,

Wo utha toh oose khyal hua ki abhi Suraj nikala nahi tha jabki pichli raat ka tufaan guzar chuka tha uska pura badan reh rehke ab dard kar raha tha khaaskarke uske taangon ke beech mein usne palak japhakte bagal mein jhaaka wo aurat anika waha mauzud nahi thi,

Gulab ki pankhudiya jo bikhri huyi thi bistar par uske pasine bhare badan par lag gayi thi chadar bure haal mein tha Arif ne jhaadhke apne badan ko hatho se poncha aur bistar se uth khada hua usne paas rakhka mota tauliya apni kamar mein lapait liya use ahesas hua kisi ke gungunaane ka aur shower chalne ka,

Arif aahiste aahiste pao dabaye bathroom ke taraf aaya toh usne darwaja adhkhula paaya andar anika naha rahi thi gungunate huye uski nazar Arif par padi sharam ki jagah usne muskuraya aur wo adkhula darwaja bhi pura khol diya Arif ke saamne uska sangmarmar jaisa safed nagn jism pesh tha Arif ki hawas ab bhuj chuki thi usne nazarein fer li aur sharmindgi mehsus karne laga aakhir wo ek gair aurat ke pehlu mein Puri raat guzaara tha,

Anika ne shayad bhaanp liya usne shararat se muskuraya jaise koi afsos na ho aur palak jhapakte usne Arif ko bheetar aane ka ishara kiya,

"Mam m..main jaana chahta hun"

"Arre itni bhi jaldi kya hai? Tumhein maine ek raat ke liye kharida hai"

Sunkar jaise Arif ko bahut bura laga fhir usne kuch kaha nahi anika ne Baal geele karte huye oose paas aane ka ishara kiya Arif samajh nahi paa Raha tha ki wo kis aurat ke chakkar mein padh Gaya tha jo oose itna kuch hone ke bawjud bhi nahi jaane de rahi thi...jabki kal raat mushkil se hi uski aankh lagi thi aur wo so paaya tha ki eka ek uski neend 2 ghante mein fhir khul gayi bare mushkil se hi shayad anika ko neend ka khyaal aaya tha aur usne tab jaake Arif ko apne aagosh se alag kiya tha,

"Arif kahan khoye huye ho? Come on in don't be shy"......madhak andaaz mein anika ne oose fhir ishara kiya

Arif na chahte huye bhi shower ke niche uske paas aake khada ho gaya paani thanda hone ke bajaay gunguna tha apne badan pe paani padte hi Arif ko kuch Rahat mehsus huyi to kahi jalan uske badan pe kayi jagah kharoch ke nishaan Bane huye they, anika fhir uske saath zyadti karne lagi jabran uske sath lipatne lagi na chahte huye bhi Arif ko shaamil hona pada,

Arif haafte huye apne kapre pehenkar jaa raha tha anika ne uske haath mein paiso ki do gaddi faikhi Arif ki nazarein itna paise dekhkar hairat se khuli ki khuli reh gayi usne anika ki taraf dekha usne muskuraya jaise keh rahi ho ye sab paise uske kal raat ki seva ke liye they,

"Tumne mujhe khush kar diya Arif main tumhari diwaani ho gayi hoo main chahungi ki tum dobara aao teevara aao baar baar aise mujhse milte raho"

"Thank u mam".....sharmindgi aur apne peshe ke mutaabik usne formality se ahiste mein kaha aur paisa apne paas rakh liya

 "Tum ab jaa sakte ho"….....jaise anika ne hukam diya

Arif waha ruka nahi bina piche mudhe bas sar jhukaaye waha se nikal gaya....pure raaste wo jaise kaanp raha tha baar baar kal jo kuch hua tha use dobara khyaal kar raha tha aur zehan mein bas ek hi baat thi kya usne theek kiya? 

                       -----------

Wo sirf ek mulaqat nahi thi Arif ke nayi zindagi ka chapter waha se shuru hua tha Arif ne jism farosh jaise dhandhe mein kadam toh rakh liya tha lekin use khauff tha ki kahi ye pesha oose kahi ka na chodhe...ghar pahuchte hi wo Naa jane kab tak sota raha? Jab hosh aaya tha tab jaake usne kuch khaaya tha phone pe kayi missed call they uthaane pe dalal Joseph oose sunane lag gaya

"Kya bhai kaam nikal gaya toh humhe bhul gaye? Kal raat lagta hai aane nahi diya mam ne hahaha"

Joseph ne paiso ke leke pucha toh Arif ne oose sacchai bata di wo imaandar tha kuch chupaya nahi usne Joseph ko yakeen nahi tha ki anika itni uspe meherban thi usne lalach kiya aur club aake commission ka paisa dene kaha

Arif club pahucha usne commission ke mutabik oose paise diye lekin lalach ke dalaal joseph kahan Arif ki tarah imaandar tha usne aur paise maange Arif ko gussa aa gaya toh Joseph ne oose uski aukwad batayi aur apne ahesaan ka waqya yaad dilaya na chahte huye bhi Arif ne oose kuch aur paise diye aur waha se chala aaya

Arif ko lagne laga ki joseph ka saath pakadna theek nahi aur usne faisla kiya ki wo Joseph ke ishaare pe nahi kaam karega, kayi din bittne lage par oose joseph ki taraf se dobara koi call nahi aaya, achanak kuch hi din guzare they ki oose ek number se call aaya phone uthaate hi awaz oose jaani pehchani lagi,

"Hello!"

"Hi Arif kaise ho?".......anika apni ucchi building ke sheeshe se bahar ke khubsurat sheher ke nazaare ko dekh rahi thi jo dur tak basa hua tha

"Mam aap? Aapko mera number kaise Mila?"....Arif ne hairat se daye se baaye kaan mein phone lagate huye pucha

"Kyu? Main jaan nahi sakti? Us din toh tum yun hi chale gaye aur main puchna bhul gayi thi par faraq nahi padta shaks koi bhi ho wo khud mujh tak pahuch jaate hai khair chodho ye batao free ho?"

Anika tehelti huyi ek ghunt jaam ka hontho se lagaye peene lagi...Arif ke jawab ke intejar mein

"Nahi mam Aaj ek jagah mujhe jaana hai wo!"

"Kahi koi aur client ko promise to nahi kar rakkha?"

Sawaal samajhte hi Arif hadbadaya aur jaldi jaldi kehne laga "n..nahi nahi mam wo aap hi thi jinke paas pehli aur aakhri dafa main abhi tak aaya hun darasal naukri ki talash mein jaa raha hoo ek jagah interview hai"

"Interview kisi aur din bhi di jaa sakti hai"

"Par mam!"

"Mujhe na sunne ki aadat nahi tum kahan rehte ho?"

"N..nahi nahi mam baat samjhiye main aa nahi paunga par main vaada karta hoo kal aapse zaru!"

"Lagta hai tum mere orders ko manna nahi chahte bhulo mat jis company mein tum naukri karne jaoge waha ki mahine bhar salary ek raat jitni toh ho nahi sakti jitna main tumhe de chuki hoo"

Arif ko jaise apni bezzati hoti lagi usne khud ke zazbato pe kaabu paaya aur inkar karne ki aakhri koshish ki wo aakhri koshish thi kyunki uske baad Arif khud faisla karke anika se milane ghar se nikal gaya tha kyunki anika ke kehne ka lehza Saqt aur agaah bhara hone laga tha jise sunkar Arif ko kisi anchahe darr ki mauzudgi apne dil mein hone lagi...

"Agar is baar inkaar kiya toh soch lena main kya kar sakti hoo? Aakhri baar bula rahi hoo aa jao warna baaki tum to samajhdar ho khud ka acha Bura samajhte ho"

                         ----------------

Arif apne ghar se kuch hi dur paidal sadak par chal raha tha apne khyalo mein khoya oose yahi laga ki shayad joseph dalal ne anika ko uska number diya hoga ek pal ko oose phone karke jhaadhne ka mann hua lekin kya fayeda jis daldal mein usne pao rakh diya tha waha kadam kadam par musibate aur fasaad thi....achanak oose ahesas hua ki koi gaadi uske piche thi usne mudkar ek baar piche jhaaka fhir tej kadamo se sadak paar karte huye ek taxi pakdi aur usme sawaar hua taxi aage badhi toh Arif piche mudmudkar us gaadi ko ghurrne laga jo gayab thi beech raaste mein ek bar us rang aur us jaisi gaadi apne piche daudti Arif ko mehsus huyi....ho sakta hai koi ittefaq hi tha Arif ne fhir dobara dhyaan nahi diya,

Gaadi oose anika ke bataaye ek kothi ke saamne laa chodhi Arif tehelte jhijhakte aage badha wo aalishan 5 manjili kothi thi jo kayi acre mein faila tha kisi rayiz aadmi ka ghar lag raha tha achanak gate apne aap khul gaya aur theek tabhi wohi safed gaadi Arif ki nazaro se guzarte huye andar daakhil huyi Arif ek pal ko tehra aur us gaadi ko pehchan gaya jo kuch dair pehle uska picha kar rahi thi iska matlab! Uske sochne se pehle fhir ek moshtanda gaadi se apne jaise kuch aadmiyo ke saath bahar aaya usne Arif ko ghura aur ishaara karke andar aane kaha

"Chalo aao"......Arif sihamte huye uske sang sang chalne laga lawn se guzarte huye mor kaantke ghar ke darwaje ko thelte hi wo us aalishan ghar ke bheetar dakhil hua

Aalishan kothi thi waha sab cheezein keemati thi khidkiya aur darwajo mein faraq nahi samjha jaa raha tha itni badi, aalishan jhumar bare se hall mein laga tha daayi taraf living area aur baayi taraf kayi bare kamre they...bahar ki tej dhoop pure sangmarmar jaise Ghar ko roshan kar rahi thi Arif upar jaati lambi sidiya chadhta hua us aadmi ke sath ek darwaje ke paas aaya jo teesri manzil pe tha waha agal bagal bhi kayi kamro ke darwaje they... Samne ka darwaja khula aur anika saamne aayi wohi meethi muskurahat liye Arif bahut zyada sharam mehsus kar raha tha kyunki wo aadmi ab bhi uske sath tha aur anika oose pichli raat ki tarah Bina jhijhake nazaro se saik rahi thi,

Usne ek udti nigaah us aadmi ko dekha jo uska sar jhukaaye abhivadan kiye tej kadamo se niche ruksat ho gaya Arif uske jaate hi anika ko dekhne laga anika ne ooska haath thaama aur oose kheechke apne kamre mein le gayi darwaja andar aate hi usne bina piche mudkar dekhe hi band kar diya

Din Kab andhere mein dhal gaya pata nahi chala? Arif apne kapre pehen raha tha wo bahut zyada thakawat mehsus kar raha tha anika chadar apne jism par odhey laite laite hi oose kapre pehente huye dekh rahi thi Arif jaane laga toh anika ne oose toka

"Apna nazraana nahi le jaoge".....,kehte huye anika ne daraaz se kuch noto ko uchaalte huye uski taraf kaha

Arif ne wo paise na chahte huye bhi bistar se ikhatta karke utha liye aur unhein apne jeb ke hawale karne laga

"Raat ko fhir aana abhi mujhe kuch kaam se bahar jaana pad raha hai warna jaane nahi deti"

Na chahte huye bhi Arif uska shukariyada karke jaane hi laga tha ki anika ke kehne se wo fhir tehra...usne mudkar anika ki taraf dekha..."ye pesha chodh do first time kiya tha na ab permanent mere paas hi aana kisi aur ke paas mat jaana"

Arif uljhan mein fass gaya fhir usne himmat jutaayi aur kaha "maine Joseph ko dobara contact nahi kiya oosi ne mujhe is dhandhe mein lagaya tha agar wo dobara call kare!"

"Toh keh dena ki Shah ne mana kar diya hai aage se tumhe call na kare uski zurrat nahi hogi"

Arif samajh nahi paa raha tha wo toh khud is zaleel peshe ko chodh dena chahta tha lekin ye kis firaaq mein anika thi? Kya us aurat ko Arif se koi khaas dilchaspi ho gayi thi par kyu? Wo ek gareeb aur is zaleel peshe ka hissa tha...tabhi uske zehan mein ek hi baat ghuma anika oose apna jismani gulaam banana chahti thi jise badnaam shabd mein rakhail kaha jata tha

"Samjh gaye na?"

"Haan"....Arif ne sihamte huye kaha

"Idhar aao".....Arif na chahte huye bhi sihamkar uske kareeb aaya toh anika ne oose kheechke bistar pe gira diya aur uske hontho ko zabardasti kiss karne lagi

Aisa laga jaise uske honth kaant khaayegi wo uske chehre ko chaantkar hassne lagi...Arif bhauklaake sihame uth khada hua koi aurat aisi kaise ho sakti thi?

Arif waha aur nahi tehra aur nikal gaya piche anika ko tahaka lagaye hasste huye chodhkar jiski hassi pure fizaao mein kisi shaitan ki tarah gunz rahi thi..

Pure raaste gaadi mein wo apne hontho ko sehla raha tha oose pata nahi chala honth kab katke waha se khoon aane laga tha..Arif bahut zyada sharmindagi aur darr mehsus kar raha tha ye kya uljhan mein wo jaanbhujhkar fass gaya tha? Ghar aake usne ragadragad kar nahaya uske pure badan pe tees uth rahi thi kharocho ki gehre daanton ke nishano ki jo anika ne oose humbistar par diye they,

Oose ek pal ke liye apne iktarfa pyar ka khyaal aaya jiski sirf surat usne dekhi thi usne socha nahi tha ki kismat kya karwat legi? Zindagibhar kunwara rehne ki kasam khayi thi lekin apni fann ke khaatir oose humbistar hona pada paiso ke khatir mazbur ki ek wehshi jaanwar aurat ke changul mein wo fass gaya tha usne ek baar dalaal joseph se milna chaha oosi ne oose rangeen sapne aur paiso ka lalach deke fasaaya tha par wo kar bhi kya leta? Wo kya us aurat se kam bura tha jabki anika ne saaf mana kar diya tha oose ki aaj ke baad wo ye pesha nahi pakdega,

Arif khayalo mein duba pure din Ghar mein gumsum baitha raha tha kasrat karne ki bhi jaise oose taqat nahi huyi kahi dil nahi laga paa raha tha woh raat dhalne lagi aur tabhi ek phone aaya Arif siham gaya wo anika ka call tha usne phone uthaya anika ne oose dobara talab kiya tha apne paas bulaaya tha,

Arif samajh nahi paa raha tha ki wo kaise is janjaal se nikle din pe din anika uspe haavi hoti jaa rahi thi, uska fayeda utha rahi thi apne jinsi hawas ko pura karne ke liye...dheere dheere din guzarne lage ab toh ye roz ka khel jaisa ban gaya tha anika ke paas jaana aur oose na inkaar karna

Arif samajh chuka tha wo anika ki rakhail ke taur pe zindagi jee raha tha uska ghulaam ban chuka tha uske ishaare pe chalne laga tha....har roz uske sath zyadti hoti thi na chahke bhi oose anika ke sath Sona padta tha aur wapsi mein anika uske nange badan pe Paisa bikherti jaise usne oose kharid liya tha, Arif ki haisiyat kitni badtar ho chuki thi iska andaza aap lagaa sakte hai, ek baar khud ko uske jagah mein sochkar dekhiye,

Arif ne itne waqt jo anika ke sath guzaare usmein usne anika ki zyadti zindagi ke kayi panno ko padh liya tha bahut kuch jaan chuka tha wo ek rayiz magrur aur sheher ke rasukh ki beti thi widhwa thi pati ko gayab huye arsa ho gaya tha sex ki maari ek nymphomaniac thi uska baap kabhi hi ghar pe hota tha oose anika ke zyadti zindagi se koi matlab nahi tha...wo log khatarnak they parinda bhi unke ghar pe par nahi maar sakta tha....anika apne father ka business sambhaalti thi aur gundo ko bhi paalti thi hamesha Arif ne chori chupke unke meeting room mein kayi ucche galat hastiyo ko dekha bhi tha police jaise unke jeb mein thi, ek raat toh usne ek aadmi ko khun se lathpath uske aadmiyo ke haatho ghasitte huye kothi mein le jaate dekha gaya anika se bahut himmat karke jab usne pucha tha toh usne ooske chehre pe pyaar se chapaat maarte huye kaha

"Aas paas dhyaan nahi dete diwaro ke bhi kaan hote hai jo dekh rahe ho uspar aankhe mund jao jo sun rahe ho oose bhul jao this is none of ur business"

Us waqt se Arif bahut darr Gaya tha aur darr dugna tab hua jab usne agle din tv pe oosi aadmi ki laash buri haalat mein sheher se dur padi paayi ki khabar dekhi khabarein aayi gayi hogayi uski dehshat badhne lagi kal ko agar oosse koi galti ho jaye toh kya oose bhi maar diya jayega?

Kuch din toh Arif ne koshish ki nijaat paane ki lekin anika se dur jaana maut ko daawat dene jaisa tha...isi haalato ke beech Arif tanhaai aur kuch pal sukun ke khatir ek club  jaane laga tha jaha wo beer peeke apne gam ko aansuyo mein piroke kuch pal bhul jata tha oosi dauran adh nagn halat mein ek stripdancer oose hamesha pole pe dance karti huyi dikhti thi us jaisi waha kayi khubsurat ladkiya wohi kaam karti thi,

Aadmi unke upar note faikte they aur kareeb hi baithkar unke naach ka jism ka lutf uthaate they par us strip dancer mein bas itni Kami thi ki kabhi usne apne badan ko unke aage bilkul nanga hi nahi kar diya tha, wo kabhi aur ladkiyo ki tarah customer ke paas chali nahi jaya karti thi kaisi zindagi thi? kaisi mazburi aur ek mazbur wo bhi tha oose us stripdancer ke numaish aur bedhange naach se zyada ooske nigaho mein chupe dard aur mazburi se hamdardi hoti thi,

Wo ladki bhi aksar Arif ko dekhti thi jo baakiyo ki tarah uski naach ka lutf nahi uthata tha aur oose nam nigaho se ektak dekha karta tha par kabhi uske paas nahi aata tha,

Us raat bhi Arif gam mein duba us baat se rahat mehsus kar raha tha ki aaj raat anika ne oose bulaya nahi tha achanak apne khayalo se wo bahar aaya jab us ladki ko usne apne kareeb khada paaya wo uska dhyan tode kahi,

"Abhi tak yahi ho?"

Arif ne ghadi dekhi waqayi waqt ka andaza nahi laga tha...."tum hamesha mujhe yun baithe niharte rehte ho kabhi paas nahi aate kya baat hai kyu yun gam mein dube rehte ho?"

"Kyunki mujhe tumse hamdardi hoti hai"

"Kyu? Mujhpe kaun sitam kar raha hai?"

"Mazburi pesha aur paiso ki tangi haalaat warna kya tum Aisa kaam bhala karti?"

Us ladki ko jhatka sa laga waqayi aajtak kisi ne dil ki gehrayi aur zazbat se uske liye yun kabhi nahi kaha tha hamesha mardo ne oose bhooki nigaho se hi dekha tha wo pehlu badale kuch dair chup rahi aur ektak Arif ko ghurrne lagi Arif bhi uske jawab mein baitha tha

"Tum pehle insan ho jiski aankho mein mere liye izzat aur hamdardi hai tum ache ghar se lagte ho kya karte ho?"

"Nahi bata sakta bataane layak nahi"

"Aisa kyu keh rahe ho?"

"Bas yu hi"

"Jab mere liye itna socha toh mujhe bhi apna gam bataa sakte ho aksar tumhe gumsum dekhti hoo aisa lagta hai yaha mazburi kheech laati hai tumhe agar nahi batana chahte mujh anjaan ladki ko toh main fhir dobara tumhe nahi tokungi"

"Suno aisi baat nahi hai pehle baitho"

"Yaha nahi bahar yaha main baithti nahi hoo aur waise bhi mujhe ghar jaana hai raste mein baat karte hai"

"Main taxi book karta hu"

"Arre nahi nahi"

"Pls let me do safar bhi Kant jayega aur aap ghar bhi pahuch jayegi aur maine apne ghar"

Kuch dair baad wo dono ek taxi mein sawar huye haalaki Arif ka ghar paas mein tha lekin wo us ladki ke sath kuch waqt bitana chahta tha baaton baaton mein malum hua ki uska koi nai tha ek phupa ji they jinhone kuch paiso ke khaatir oose bech diya tha waha se bachkar kaam na milane aur badnaami se usne pole dancer ki naukri pakad li thi,

Oose bahut kuch sehna pada tha bure logo ki niyat aur gandi baatein toh izzat daar aur Sharif kehne waale logo se bezzati aur taane....usne fhir Arif se uske baarein mein pucha Arif ne kehna shuru kiya toh tab hi jaake thama jab uski aapbeeti puri huyi

Wo kab taxi se uske ghar ke bahar uske sang chalte chalte pahucha oose aur us ladki ko khabar tak nahi thi...is darmiyaan us ladki ke dil mein Arif ke liye bahut jagah ban chuki thi saath mein oose bhi hamdardi  huyi aisa laga jaise ek hi kashti ke wo dono sawaar they,

"Chalo main chalta hu rat bahut ho chuki tum khamokah mere liye itni raat gaye bahar ho"

"Mujhe koi faraq nahi padta khair fhir kab miloge?"

Arif ko ahesas hua ki wo ladki usmein apnapan dhundhne lagi thi Arif ko bhi pehli dafa kisi se saccha apnapan laga tha....."jabtum kaho"

"Kal shaam"

Pehle Arif ne mann banaya fhir zehan mein anika ka aks ubhara toh dehshat se arif ghabraya fhir usne kaha "main dekhta hun waise tumhara number?"

"Main samajhti hoo oosi ka khauff hai na darro nahi sab theek ho jayega".....kehte kehte usne apna number diya jise Arif ne note kiya

Wo jaane lagi toh Arif ne toka "arre tumne naam nahi bataya?"

"Eshrat".....usne jaate kadam rokte huye piche mudke arif se muskurake kaha

"Arif"....Arif ne bhi muskurake naam bataya

Dono ki nazarein ekdusre se alag huyi aur wo apne apne raaste jaane lage...is beech ek kaali gaadi jo unse kayi fasle dur khadi thi uska sheesha chadha aur wo waha se fhir ruksat ho gayi wo dono bekhabar anjan they ki koi unka kayi waqt se picha kar raha tha aur unki har harqat pe nazar rakhkhe huye tha kisi firaaq mein!

Udhar Arif aur eshrat ekdusre ke sath waqt bitaane lage they haalaki dair raat hi wo ekdusre se mulaqat kar paate they, is beech Arif ne oose apni zindagi ke baarein mein bhi bahut kuch aur bataya tha ki kaise wo ektarfa pyar mein pada tha aur aajtak oose bhul nahi paaya tha halaki oosse kabhi uski na mulaqat huyi thi na kabhi oose rubaru dekha tha wo dur ki dekhi mohabbat thi jiske tasveer se Arif ko pyar hua tha lekin kabhi na mil saki bas itna hi Jaan saka tha ki wo ab shadishuda thi....eshrat ko dukh hua aur usne Arif ko samjhaaya idhar Arif aur uski dosti gehri hoti jaa rahi thi ek raat pier ke paas tehelte huye eshrat ne pucha

"Arif kya tumhein anika jaisi aurat se khauff nahi lagta? Kya tum usse dur nahi hona chahte? Aisa yun kabtak tum uske gulaam bane rahoge? Tumhari apni bhi to zindagi hai"

Arif ne khaamoshi se eshrat ki baat tehelte huye gumsum suni aur uske baad maayusi se kaha

"Main kayi koshishe karke thak chuka hoo eshrat lekin is sheher ko chodhkar jau bhi to jau kahan? Ek toh maali halat meri sahi nahi hai upar se anika ke sahare ke wajah se hi abtak khamosh hu"

"Par Arif ek baar sochkar dekho tumhari khud ke imaan ka kya? Kabtak yun oose khud pe zulam karne dete rahoge? Kal ke baare mein socho main aisi aurato ko jaanti hoo ek baar jee bhar gaya tumse toh fhir tumhe doodh mein se Baal ki tarah nikaal faikegi"

"Mujhmein itni himmat nahi ki main uske khilaf koi kadam uthau aisa karna khudkhushi jaisa hoga eshrat"

"Main bhi is sheher ke diye zakhmo ko bhulana chahti hoo Arif mujhe bhi acha nahi lagta ki main yun numaish Karu logo se zaleel hu aur tum jante ho jis tarah wo log mujhe zabran chute hai mujhe khud se aur apne badkismati se aur nafrat hone lagti hai"

Arif khamosh raha uske paas eshrat ke liye koi jawab nahi tha..."lekin main iska koi na koi hal zarur nikalungi main yun ghuntte nahi reh sakti"

"Kya karogi tum?"

"Yaha se hamesha hamesha ke liye chali jaungi kahi dur ek naye sirhe se zindagi shuru karungi aur main chahti hoo tum usme Mera saath do kya tum bhi is daldal se nikalna nahi chahte"

Arif kuch samajh nahi paaya eshrat ne uske kandhe pe haath rakha aur kaha "mere saath bhaag chalo"

"Aise kaise? Agar anika ko!"

"Oose pata lagne se pehle hum dono kayi dur Jaa chuke honge meri gurantee wo hum tak nahi pahuchegi"

"Par iska bandobas kaun karega? Kaun hamara sath dega aur dhairo paisa bhi to chaiye"

"Hai koi bas mujhe waqt do"

"Eshrat tumhe hamari dosti ka vaasta tum koi galat kadam nahi uthaogi kisi ke badniyati ka?"....eshrat ne Arif ke hontho pe haath rakha

"Kuch nahi hoga aisa main Vada karti hoo bas mujhe waqt do".....Arif kuch samajh nahi paaya tha kaun tha wo jispe eshrat ko bharosa tha jo unhe bhaag jaane mein madad kar sakta tha eshrat Arif ke gale lag gayi zazbat umad gaye

Ek safed gaadi unse kayi gaz dur khadi thi wo aadmi har harqat ko note kar raha tha jo driving seat pe cigrate ka kassh kheench raha tha usne ek phone lagaya...kahi ring baj rahi thi kuch hi dair mein anika ki awaz

"Mere saamne hai ek ladki ke sath kuch din se iske sath hi dair raat ghumta fhirta hai kabhi club se dono ikkhate nikalte hai ladki koi pole dancer hai ek naami club mein jaha aksar aapka Banda jata hai wohi mulaqat hoti hai dono ke beech boliye aage kya karna hai?"

Anika apne aalishan ghar ke sofey pe laiti sab baat sunti jaa rahi thi usne sidha baithkar apne aadmi ko unki kuch tasveer kheechke bhejne kaha aur oose waha se ruksat hone keh diya phone cut hua aur anika ke WhatsApp mein kuch hi pal un dono ki tasveerein thi ekdusre ke gale lagkar roti huyi,

"Dhandha chodha toh mohabbat karne lage hai hamare sanam, galti kar baithe Ishq lagake".....anika tahaka lagaake hassne lagi pagalo ki tarah

                          --------------

NightClub ke saamne wo gaadi aake ruki turant club ke bouncer ne aage aake gadi ka pichla darwaja khola pehle Shah Alam apne chashme theek kiye aur cigar ka kassh lete huye bahar nikla fhir uske piche Usman wo dono club mein dakhil huye ek taraf cigarette sulga raha wo zaher ka khabri jo pichle kayi waqt se Shah Alam ka picha kar raha tha waha mauzud tha Shah Alam aur Usman bheedh shorgul ke kinaare se bar se guzarte huye bheetari room ki taraf chale gaye, sabhi staff unhein dekhte hi jaise salaam kar raha tha manager bhaagta bhaagta unke piche chala gaya,

Ye nightclub unhi ki milkiyat mein se ek thi andar Iran se aaya hathyaaro ka malik Sheikh Shah Alam se salaam karke gale mila wo dono aamne saamne baithe, drink serve Karte waitero ko waha se bhaga diya gaya....wo khabri waha pahucha toh usne kuch aadmiyo ko wohi khada paaya udhar kisi ko fhatakne nahi diya jaa raha tha darwaja laga hua tha...khabri toilet ki taraf badha apna jacket utaare aur pant utaare wo waiter ki dress mein aa gaya....wapis dono ke kareeb aaya,

"Sahab Usman bhai ko sharaab mangta hai manager ne bataya andar jaane ka hai"

"Par abhi toh drink serve hua"

"Usman bhai se jaake puch lo fhir manager se pucho meri naukri chali jayegi agar dairi se pahucha"...waiter ne jaise minnat karte huye kaha

Bouncer ne darwaja khol diya khabri andar dakhil hua usne andhere ki aad mein furati se chupkar waha baithe logo ko dekha har koi bekhabar tha har koi Shah Alam aur Sheikh ki baaton mein mashgool tha....Usman adab se Shah Alam ke paas khada tha khabri ne furati se ek ke baad ek tasveer chori chupe kheechi table pe rakhe hathyar aur paiso ka bhara khula suitcase Shah Alam aur Sheikh ka hath milaana sharab peena sab kuch saaf saaf tasveero mein dikh raha tha achanak flashing ki awaz kisi ke kaano mein padi kisi ki gardan andhere mein khade us saaye pe padi manager chillaya kaun hai waha?

Surat pe nazar padte hi khabri buri tarah waha se bhaaga usne darwaja thela aur lagbhag waha se bahar bhaagte huye bouncer ko lagbhag dhakka dete huye club ke bar se guzara logo ko dhakka dete girte padte wo club se bahar nikal gaya,

"Kya ho raha hai ye sab?"......Shah Alam ne dahada Usman bhi hadbadaya gun nikaale apne aadmiyo ke saath bahar ki or bhaaga Shah Alam jaise saanp ki tarah fhunkaar raha tha

Club se aadmiyo ki ek tukdi hathyar band bahar nikli logo ki aavajahi us waqt Kam thi Usman bhi unke beech mauzud tha usne us khabri ko dur bhaagte paaya wo kisi gaadi mein baitha aur gaadi chalane laga

"Pakado oose zinda ya murda isse pehle wo bhaag nikle"

Gunde daude Usman bhi bhaagte huye goliya chala baitha khabri buri tarah darr gaya usne gaadi ghumaayi daayi or ki sadak pe daali dusri taraf goliya tej chalne lagi wo bachte bachaate kuch hi pal aage badha tha ki Usman ki goli uske tyre pe lagi gaadi sadak pe beqabu hokar dusri aati gaadi se jaa takrayi bahut kasske khabri ko chot aayi wo ekpal ko dum saade baitha raha,

Achanak goliya gaadi pe chalti oose mehsus huyi ek sshesha picha ka tuta...bhaukhlaaye ghayal khabri gaadi ke saamne goli lage sheeshe ko laat maare bahar nikla aur sidha sadak pe bhaagne laga....goliya uske aazu baazu se nikal rahi thi khabri seena dabaye ek taraf dhalaan se niche kud pada dard se uski karha nikal gayi wo langdata ghayal ek pull ke niche pahucha fhir usne zaher ko call lagaya "kahan hai aap? Meri jaan khatre mein hai mujhe bacha lijiye"

Zaher gaadi drive karta hua club ke paas pahucha phone uska kaan mein laga hua tha waha club mein bheedh ka mahoul tha har koi gupchup baat kar raha tha tabhi usne dandanaate Shah Alam ko apni gaadi mein baithte huye paaya saath mein wo Iran se aaya hathyaro ka taskari ka malik bhi mauzud tha zaher ne gaadi thoda aage badhaayi club jaise band ho raha tha aur sab waha se bhaag rahe they samajh chuka tha ki kahi kuch hua tha? Ek se oose khabar sunne ko mili ki manager ko kisi ne goli maarke waha se faraar hua tha...zaher ne gaadi tej raftar se sidha sadak ki or mor di ek baar bagal se guzarte Shah Alam ki gaadi ko usne waha se ruksat hote paaya,

"Hello hello?"

"H..Han sahab main yaha bridge ke niche hoo jaldi mujhe pick up kijiye wo gunde mujhe talash kar rahe hai main marr jaunga sahab"

"Kuch nahi hoga main pahuch Raha hoo".....andar hi andar zaher ka dil kaanp raha tha police ki madad wo le nahi skta tha police ke hatthe chadhte hi khabri gayab hota

Zaher ne dayi taraf goli chalte suni usne gaadi ka rukh bridge ke dusre taraf modh diya....khabri achanak sambhala goli diwaar mein aake ched kar chuki thi kisi aadmi ne oose dekh liya tha khabri bhaaga phone kaan mein lagaye raha

"Sahab sahab unhone mujhe dekh liya sahab ek bari information hath aayi hai maine kuch tasveere kheechi hai"

"Fauran mujhe bhejne ki koshish karo"

"Nahi sahab wo log mere piche hai goli chala rahe hai"

"Maine tumhe dekh liya hai dhalaan se upar pahucho"

Khabri ne daudte haafte bridge ke dusre sirhe pe ek kaali gaadi khadi dekhi wo dhalaan ki taraf pahucha....zaher bahar apni gun liye nikla ki tabhi firing huyi kisi ne oose bhi dekh liya tha zaher ne saaf pehchaana dur se aate Usman aur uske aadmiyo ko

"Wo saala bhaag Raha hai goli maaro us taraf wo aadmi bhi Bach ke jaane na paaye shoot"

Zaher ke sar se goli guzari toh zaher kaanpte huye niche jhuk gaya fhir usne furati se goli chalai goli ka asar hua Usman ke aadmi bridge ke aas paas bikhar gaye aur jagah jagah se goli chalane lage Usman ne fayda uthaaya aur dhalaan pe chadhte khabri ke khopdi ko goli se nishaana lagaya uski dekha dekhi sabne tabadtod goli chala di ek haulnaak cheekh khabri ki gunzi aur wo peeth ke bal dhalan par girta ludakta niche wapis aa gaya zaher ne goli tab bhi badastur chalaye rakhi Usman bacha lekin ek aadmi zaher ki goli ka shikar ho gaya par achank dusri goli zaher ke baazu pe lagte huye guzari zaher Dard seh na paaya lekin wo sambhala khoon behte baazu ko thaame wo ulte pao gaadi mein lauta gaadi ignition mein thi usne turant sadak pe dauda di wo uska aakhri daanv tha jo fail ho chuka tha waha rukta to wo bhi bemaut maara jaata,

Zaher ke faraar hote hi usman ne khabri ki jism pe ek thokhar maari aur muana kiya wo marr chuka tha goli sidha khopdi se nikal gayi thi aankhe patharayi huyi khuli ki khuli reh gayi thi...Usman dhalaan pe chadhke upar aaya wo kali gaadi kayi mil dur nikal chuki thi usman uski Surat dekh nahi paya tha usne ek bharpur laat zameen pe naakam hone se maari!

Anika ke niyat se bekhabar Arif apni zindagi jee raha tha oose malum nahi tha ki uske zindagi mein kitna bada tufaan aane wala tha, wo eshrat ko us din apne ghar le aaya wo khush isliye tha ki is anjaan sheher mein kisi apne ke saath wo waqt guzaarta tha wohi anika ke busy ho jaane ki wajah se oose kuch din se anika bula nahi paayi thi jisse Arif ko rahat mehsus ho rahi thi,

Arif aur eshrat farsh pe biche bistar pe baithkar chai pee rahe they dono hi apne kal ko leke baatcheet kar rahe they eshrat Arif ke baazu ko thaamein oose zazbaat ki gehraaiyo se bahar kheechne lagi thi Arif muskuraya is baat se bekhabar ki Durbin se koi unke khuli khidki se andar unhein baitha dekh raha tha,

"Sach kahu eshrat tum agar meri life mein nahi aati toh main khatam tha"

"Dekho Arif jo khuda ko manzur hota hai wohi hota hai tum fikar mat karo bas kuch din ki baat hai maine baat ki thi wo raazi hai humhe bhejne bas tumse milna chahte hai ek baar"

Abhi Arif ne sawaal kiya hi tha ki achanak phone baj utha eshrat bhi oose sihamte huye dekhne lagi Arif ke phone pe anika ka naam tha, Arif ne bhaukhlaaye eshrat ko dekha aur chup rehne ki hidayat di usne phone uthaya aur khade hoke khud pe kaabu kiye anjan banke hello kaha

"Hi Arif kya kar rahe ho?"....shehed gholti kaano mein anika ki awaz

"J..ji k..uch nahi woh ghar pe hoo aaram kar raha hoo tabiyat kharab hai"

"Kuch din tumhe bulai nahi toh tumhein tension hone laga"

"Ji ye aap kya keh rahi hai darasal waqayi tabiyat kharab hai"

"Koi baat nahi ab tabiyat theek ho jayegi pehle apni newly gf ko kaho ki tumhare bistar se uthe aur hamesha ke liye tumhare ghar aur tumse dur ho jaaye warna main hahaha kya hua hawaiya kyu ud Rahi hai tumhare chehre pe? Maine kuch galat kaha meri nazar tumpar muqammal kayi din se hai tum mere paas aao na aao mere saaye mein rahoge"

Arif ke haath se cup chuttke gir gaya aur chai bikhar gayi usne bhaukhlaaye kamre ki khidki se bahar jhaanka fhir bistar fhaand kar khidki laga di wo apni dhaukni si dhadhakti kaleje pe kaabu paane laga darr uspe haavi tha usne eshrat ki taraf sihamte huye dekha eshrat bhi ekdum se khadi huyi aur Arif ko sihama bhauklaya dekh ishaare se hi puchne lagi Arif ne oose ungli se chup rehne ka ishara kiya kaan par phone lagaye raha,

"Aapko kisne kaha ki me..re saath koi hai mam"

"Hahaha pehle mujhe anika kaho aur dusri baat us club dancer ko chalta karo aur mere paas sidhe sidhe aa jao bahar gaadi khadi hai tumhare intejar mein"

"Anika meri baat suniye wo sirf dost hai usse zyada kuch nai maine wo pesha oosi din chodh diya jis din aapne manaa kiya tha ye sirf dost hai pls eshrat ke sath kuch mat kariye"

"Oh eshrat acha hua naam bhi bata diya chalo theek hai koi baat nahi"

"Anika aap aisa kyu kar rahi hai? Main aapka kya lagta hoo jo aap mujhpar nazar!"

"jitna kaha hai utna karo waqt zaaya nahi karna".....phone cut ho gaya Arif ne eshrat ko ghabraaye dekha

Usne fauran ek kapda wardrobe se liya jo uski maa ka shawl tha jo anjane mein uske bag mein galti se aa gaya tha aur fhir usne us shawl ko eshrat ke peeth gale aur sar pe lapaitte huye acche se dhak diya eshrat hairat se oose dekhne lagi...."tumhe yaha nahi rukna eshrat bahut gadbad ho gayi hai anika ne mere piche apne aadmi laga rakhe they usne tumhare baare mein sabkuch jaan liya hai mujhe oose samjhaana hoga tum darro mat kuch nahi hoga isi din ke liye maine mana kiya tha ki hum anika se jeet nahi sakte"

Arif hadbadaaye chai ke tute bikhre tukdo ko farsh se uthaye kachre mein faikte huye tayyar hone laga tha..."wo aisa kyu kar rahi hai? wo toh sirf tumhara istemal karti hai na?"

"Main nahi janta us aurat ke dil mein kya chal raha hai tum nahi janti ho wo ek wehsi aurat ke saath saath ek cold blooded murderer bhi hai oosmein rehem nahi tumhe kuch ho gaya to main khud ko manf nahi kar paunga"

"Mujhe kuch nahi hoga suno hum yaha se!"

"Abhi aisi baat karne ka mauka nahi hai pal pal uski humpe nazar bani huyi hai pehle tumhe main yahan se nikaal deta hoo tum piche ke raste se chehra chupaaye nikal jaana rukna nahi koi bhi taxi mile thaam lena"

Arif ne kuch rupye eshrat ko thamaaye eshrat inkar karne lagi Arif ne zabran uske haatho mein kuch rupya rakh diya....darwaja lagaye dono niche sidiyo se jhaankte huye utare uske baad Arif ne ek kamre mein dastak di wo kisi shadi shuda kiraayedar ka kamra tha jiski khidki piche khulti thi..."mujhe aapki pichli khidki dikhaiye"

Ganimat thi Ghar mein ek kamwali aur baccho ke alawa koi nahi tha Arif ne eshrat ka haath thaamein oose andar laaya kamwali ne inkar karna chaha par kar nahi paayi Arif ne us khidki ko khola bahar jhaaka aur eshrat ko waha se kisi bhi tarah bahar pahucha diya eshrat ne mudkar Arif ki taraf dekha

"Mujhse yun mat milana agar khuda ne chaha toh dobara mulaqat hogi apna khyal rakhna aur sidha nikal jaana kuch din club mat jaana kisi saheli ke yaha ek do din ruk jaana tabtalak main anika ko samjha lunga apna khyal rakhna allah hafiz"

Eshrat bahut kuch kehna chahti thi lekin keh na saki wo aansuyo ko chupaaye darre waha se tej kadamo se nikal gayi...Arif ne piche mudkar kamwali ka shukriya kiya jo hairat se oose dekh rahi thi....Arif ka phone bajne laga ye ajnabi call tha yakeenan anika ke kisi aadmi ka uska yun ghar se bahar abtak na nikalne ki wajah se call aya tha,

Arif main gate se bahar aaya usne eshrat ko piche se bhaga diya tha wo tej kadamo se nischint chaukkna abhi kuch faasle hi nikla tha ki tabhi ek gaadi uske saamne aake ruki, wohi hotel wala moshtanda aur uske saath Usman Arif ko dekhke uske kareeb aane laga Arif pehle tehra fhir bhaari kadmo se unke paas pahucha,

Usman ne chashma utaarke ek nigaah upar se niche tak sihame Arif ko ghuraa fhir uske kandhe pe haath rakha

"Badi dair laga di tune chal chikne mem sahab bulayi tere ko gaadi mein baith"

"Wo bhi yahi hai"

Kisi ne koi jawab nahi diya Arif ko lagbhag kheechte huye unhone gaadi mein bitha diya darwaja lagaya aur gaadi waha se tej raftar se mor kaantke sadak pe daudne lagi,

                             ----------

Arif ko zabardasti kothi mein uthaake le aaya ja chuka tha usne khud ko is baar kothi ke dusre kamre mein paaya uske piche hi darwaja band ho gaya Arif ne dekha ki ek chota bar bana hua tha jaha par anika sharaab pee rahi thi wo jhijhakte sihamte eshrat ka khyal kiye uske paas pahucha aaj anika hamesha ki tarah khushmizaaz nahi par gambhir dikh rahi thi,

Usne ek udti nigah Arif pe daali aur kaha aa gaye tum? Jaise oose ab hosh aaya ki Arif uske paas pahuch chuka tha Arif ne paaya ki anika ne ek jhilli si gown pehni huyi thi jisse saaf pata chal raha tha ki usne andar kuch pehna nahi tha shayad Arif ke liye hi wo us haalat mein mauzud thi usne jaam ko waise hi counter pe chodha aur Arif ke paas bar se uthte huye aayi,

Present

Zaher ki gaadi ab bhi raste par thi wo abhi abhi meeting barkhasht huye nikla tha mehekme ki dusri secret meeting mein jo oose govt intelligence aur apne hi department ke senior afsar se khari khuti sunne ko mili thi us waqt se hi uska dil tension mein tha ek taraf wo Shah Alam ke logo se Baal Baal goli khaate bacha tha uske lagbhag saare khabri ya to gayab they ya maarein gaye they upar se election se pehle Shah Alam ke khilaf koi thos sabut oose har haal mein kuch hi dino mein sarkar ke haath pahuchana tha tabhi Shah Alam par kaabu kiya ja sakta tha,

Lekin zaher janta tha kismat baar baar sath nahi de sakti Shah Alam ke aankho mein aana uske liye khatre ki baat thi oose to abtak sheher chodh dena chahiye tha underground ho jana chahiye tha lekin ab uske dimaag mein ek nayi chaal thi,

Zaher apne ghar lauta usne ghar ka bahar se hi muana kiya chaukna charo taraf ghuma aur fhir ghar mein dakhil hua wo sann reh gaya pure kamre ka haal bura tha aisa lagta tha jaise waha tufaan Aya ho jasoosi dimag ne gawahi di waha sui ki tarah kisi ne talashi li thi almirah khula pada tha bistar ki razaai aur takiye bikhre huye they daraz ke drawer sab khule pade they andar ka sab saaman farsh pe bikhra pada tha wo toh khairiyat thi ki uska gun aur police batch uske kabze mein tha achanak oose aisa laga jaise koi piche tha usne palatkar dekha tabtalak ghuspaithiya khidki se bahar kudke bhaag Raha tha shayad waqt se pehle zaher us tak pahuch gaya tha zaher ne apni gun furati se nikaali wo khidki se bahar kuda

Tabtalak do gunde oose apni apni gun nikaalte dikhaai diye zaher ne fauran ghoda kheecha ek goli ki bhaari awaz huyi aur ek gunda wohi baazu thaame gir pada dusri goli zaher pe chali zaher usi waqt zameen pe lait gaya warna goli uske seene mein dhassti...wo 3 log gaadi mein baithte sawaar hone lage tabadtod goliya chalate rahe taaki zaher hamla na kar paye...zaher ko paid ki aad leni padi har koi apne apne gharo se jhaakne laga tha,

Gaadi waha se teji se sadak pe daudti huyi guzar gayi zaher haanfta daraa khada raha jab wo log chale gaye to usne furati se ghar mein aakar apna kuch zaruri saaman bag mein daala fridge se ek Pani ki botal nikaali oose gatagat pee gaya fhir waha se ulte kadamo se usne darwaje ko taala lagaaya aur khidki chadha di ab waha uska teherna theek nahi tha,

Zaher janta tha Shah Alam ke aadmi us tak pahuch chuke hai aur ab usko jaan ka khtra tha zaher ne bag gaadi mein daala dobara driving seat pe baitha aur gaadi sadak ki taraf mor di ab wo dobara apni manzil ki taraf jitna jaldi ho sake jane laga,

                          -----------

Shah Alam apni private jet pe sawar baitha sheher se kayi 80'000 feet upar beer ki chuskiya lete huye niche ke nazaare ko ghurr raha tha achank Usman ka call aaya kuch dair Shah Alam ne uski baat suni fhir phone cut Kiya uske WhatsApp pe bhaagte uske aadmi ne zaher ki tasveer Shah Alam ko bheji thi,

Shah Alam ne uske chehre ko gaur kiya fhir oose sarkari mehekme mein jude apne zariyo ke paas forward Kiya....kuch hi dair mein jawab aaya

"Sahab wo khufia police hai sdi officer secret delta intelligence bureau ka naami jasoos bahut gupt roop ki koi secret meeting chal rahi hai police department aur intelligence ke beech mein aapko leke koi khichdi Pak rahi hai"

"Pehle bataaya nahi gaya tum logo se"....Shah Alam ne qeher bhari nigaho se phone pe kaha

"M.maf kijiyega ye baat bahut secret rakhi gayi hai even hamare department mein sabhi ko abtak ye nahi malum us secret meeting mein apna ek khaas aadmi bhi member hai oosi ne bataya aap kahiye kya hukam hai?"

"Jee to karta hai is sazish mein involve tumhare sabhi intelligence officer aur policewalo ko jaan se maar du"

Us policewale ne zor se thook nigali..."koi baat nahi mere aadmi us tak pahuch hi jayenge agar mare toh baat sambhaal Lena samjhe warna mujhe koi farq nahi padta"

"Ye bhi koi puchne ki baat hai arre ye log kuch nahi ukhaadh sakte Sahab".....apne darr ko dabaaye us senior officer ne thook nigali

"Ek baar kursi Milne do in sabki khabar main leke rahunga"

Policewale ne koi jawab nahi diya Shah alam ne phone cut karke Naya cigar sulga liya achanak uski beti ka message aaya,

Shah Alam ne message padha usmein likha tha "Daddy, he is agree to marry me".....padhkar jaise Shah alam apni beti ki diwangi pe hairat karte huye muskura baitha,

                           ---------

Arif bistar par gehri neend mein tha wo anika ke hawas mein na jane kitne waqt se jhulasta raha tha...jab oose hosh aaya to anika oosse lipati uske baalon aur chehre pe ungli fhair rahi thi,

Arif sihamte huye uth baitha "arre kya hua ghabra kyu rahe ho?"

Arif ne koi jawab nahi diya abhi kuch waqt pehle eshrat ki jo haalat usne apni aankho se dekhi aur jo faisla usne liya tha wo kisi bure khwab jaisa tha,

Anika uske seene se lag gayi Arif ko na chahte huye bhi uske gesuyo pe haath rakhna pada dono waise hi nagn haalat mein bistar par laite huye they...achanak anika oose apne past ke baarein mein dheere dheere bataane lagi jise Arif khamoshi se sun raha tha,

Zaher ek kothi ke paas raat gaye pahucha din bhar oose Shah Alam ke aadmi ki wajah se idhar udhar chupte chupaate bhatakna pada tha wapis ghar ka rukh nahi kar sakta tha mehekme waale ki madad na lene ke barabar thi,

Zaher us waqt apne maqsad se zyada kisi aur baat mein uljha hua gaadi se bahar aaya aur us kothi ke darwaje pe dastak di,

Kuch ghadi baad ek aadmi oose ek daftar jaise kamre mein chodhkar waha se ruksat ho gaya kamre mein sirf lamp ki roshni jal rahi thi zaher ne paaya table pe ashtray mein cigarette ka dhua uth raha tha, zaher hichkichate table ke kareeb aakar khada hua aur usne kursi par baithe aadmi ki taraf dekha wo dikhne mein Shah Alam ke humumar ka adedh aadmi tha aur uske jaisi hi par kam haisiyat rakhta tha mayor ke election mein wo bhi khada hone wala tha,

"Baitho"

Zaher ne baithte huye apna sar adab se jhukaaya....wo aadmi kursi pe sidha hoke baitha aur zaher ki taraf ghurrne laga

"Mat puchiye steward sahab mamla bigad gaya mujhe jis mission ke liye assign kiya gaya tha wo lagbhag fail hota nazar aa raha hai us Shah Alam ko na jane kaise khabar mil jati hai aur mere khabri aur zariyo ko beech raaste mein hi dhar dabochta hai main apne tamaam khabri aur zariye kho chuka hoo ab meri jaan pe aa bani hai aur aap to jante hai ki is waqt ek aap hi hai jo meri madad kar sakte hai"

"Tum s.d.i officer ho lekin tumhare mehekme ke log ye nahi jante ki tum mere liye kaam kar rahe ho"

"Mujhe sarkaar ki madad karke kuch nahi milane wala ye sheher imaan waalo ka nahi paise aur rasukh waalo ka hai ye baat sirf aap jante hai lekin agar mehekme ko bhanak lagi to meri naukri jo waise bhi jaa rahi hai jayegi aur saath mein mujhpar corruption ke karyavaahi alag lagenge mere piche Shah Alam ke aadmi pahuch chuke unhe mera maqsad kaun mere khabri they? kahan rehta hoo sabkuch malum chal chuka ab mere paas sirf ek aakhri daanv ke alawa aur kuch nahi"

Zaher ne apni mazburi se haath failaate huye fariyadi nazaro se steward ki taraf dekha....steward ke nazare bedard thi usne laparwahi se ek naya jaam bhara aur uske chote chote ghunt lene laga,

"Shah Alam ki barbaadi kaun nahi chahta? Kaale dhandho mein wo syndicate mein teesra mukhya hai jo har faisle do bare rasukh waalo ke baad karta hai aur us syndicate meeting ka main bhi member hoo lekin Shah Alam ki pahuch taqat mujhse kayi zyada hai uske kaale dhandho ki list bhi main oose kisi bhi tarah maat nahi de sakta lekin agar wo mayor ke election mein god almighty jeet gaya tab syndicate mein na sirf ucche darze wala ho jayega balki is state ka maalik ban jayega fhir na tumhare mehekme wale kuch kar payenge na main"

Zaher ne thook nigali oose syndicate aur steward ke khyal ko sunkar jaise ghabrahat hone lagi syndicate tamaam desh ke Shah Alam jaise logo ka banaya ek criminal organization tha jaha mafia kingpin  jaise rasukh waale log sheher mein kaale dhandhe ko leke meeting karte they aajtak syndicate ki khabar sarkaar ko kabhi malum nahi chali unke piche kayi desho ke jasoos lage lekin koi pukhta sabut haasil nahi ho paaya tha meeting saal mein kabhi is desh to kabhi dusre desh Hoya karti thi jagah badalti rehti thi aur aise syndicate mein Shah Alam ka naam sunke toh kisi ka bhi kaanp Jana lazmi tha,

"Lekin abhi waqt hai kuch kar paane ka Shah Alam agar sarkar ke changul mein fass jaaye toh na sirf syndicate usse palla jhad legi balki is sheher mein uska dabdaba khatam hone ki hadtak pahuch jayega uski halat zeher nikle saanp jaisi ho jayegi hahaha"

Zaher chup hi raha steward gambhir hua fhir usne kehna shuru kiya "syndicate ki baithak is baar jis desh mein hone wali hai waha Shah Alam pehle hi jaa chuka main syndicate ki meeting ka video record kar lunga aur oose tum tak aur tum apne mehekme tak pahuchaoge"

"Lekin syndicate ko khabar ho gayi toh"

Steward ne qeher bhari nazaro se zaher ko dekha aur fhir kaha "kaun batayega unhe aajtak kisi ko malum nahi ki unka sardaar kaun kaun hai? Dusri baat chaanbin jannewaalo ki nahi hoti aur main kaun sa syndicate se daga kar raha hoo bas Shah Alam ko unke nazaro mein gira Raha hoo main bhi toh power mein aana chahta hoo Shah Alam yaha fasaa Mayor ki kursi jeetne ke mere chances badh jayenge aur syndicate alag mujhe uski jagah dega hahaha"

"Ab main kya karu?"

"Tum yaha Aaj raat bhar ruk sakte ho tumhara Zinda rehna mere liye zaruri hai lekin main hamesha tumhe apne paas nahi rakh sakta syndicate ki video bhejte hi tum sidha mehekme jaoge and remember zaher nakamyab agar huye toh samajh lena!"

Zaher ne sihamte huye sar jaldi jaldi hilaaya steward ne oose jaane keh diya.....zaher mann hi mann oose gaali de raha tha sahara ke bajaay steward khud oose dhamki de raha tha steward lekin janta nahi tha zaher ka aakhri daanv jise wo samajh raha tha wo nahi tha,

                                ------------

Adam Shah Alam ki kothi mein us waqt tehel raha tha oose apni zindagi khatam hoti nazar aa rahi thi anika kothi se bahar gayi huyi thi wohi wo soch raha tha ki ab kuch nahi ho sakta tha uski zindagi ka faisla kismat ne kar diya tha,

Achanak kuch aadmi uske paas aaye Arif ghabra gaya.."memsahab ne tumhe groom karwana maanga hai chalo hamare saath"

Adam kuch keh na saka wo un gundo ke beech kothi se bahar nikla aur oose gaadi mein bitha diya gaya us gaadi mein us raat hotel wala aadmi jisne uski talashi li thi aur kuch ajnabi gunde they wo 4 they jo Arif ke aaazu baithe they kuch piche aur ek driver ke sath aage,

Gadi kothi se bahar nikal gayi Arif ne piche mudkar dekha uske paas uska phone liya ja chuka tha, Arif mann hi mann maayus baitha tha kuch dair baad gaadi ek jagah tehri oose ek parlour laaya gaya uske baad ek aadmi uske saath ek seperate kamre mein wohi mauzud raha Arif ayne ke samne chair par baith gaya,

Achanak ek ladki face mask pehni kamre mein aakar uske sath mauzud gunde se kuch kehti hai wo aadmi dandanaake bahar chala jata hai Arif sit par baitha chupchaap ayene ki taraf dekh raha tha,

Achanak usne face mask utaarti eshrat ko apne piche khada paaya jisne us admi ke jate hi darwaja band kiya Arif fauran hadbadake piche ghuma aur eshrat ke gale lag gaya oose salamat dekhke jaise oose Jaan mein jaan ayii,

"E..shhrat tum yaha tumhe toh anika ke aadmi utha le gaye they sab theek toh hai na? Aur tum yaha kya kar rahi ho? Anika se meri kuch hi din mein rishta pakka ho jayega uske admi ne tumhe yahan dekh liya to gazab ho jayega"

"Arif zyada waqt nahi hai mere saath bhaag chalo maine tumhe apne zariye ke baare mein bataya tha na wo hamare hi intejar mein hai chalo nikalo yaha se"

Eshrat ne Arif ka haath kheechte huye waha se bhaag chalne kaha Arif tehra usne eshrat ko mana kiya uski jaan jaa sakti thi ye Shah Alam ka sheher tha usse Bach paana namumkin tha....."eshrat maine bahut mushkil se anika ko yakeen dilaake tumhari Jaan bachayi thi agar ab oose malum chala ki main tumhare sath faraar ho gya mujhe darr hai wo hum dono ko maar daalegi tum nahi janti usne apne pati ka khoon kar rakha hai hamari uske aage koi aukwad!"

"Sshh chup ghabrao mat maine bahut mushkil se tumhara kothi se yaha tak picha kiya ab zyada waqt mat lagao Kingsway lane se ek container bhara jahaz desh chodh raha hai usmein chupkar hum Siberia chale jayenge dekho tension mat lo passport paisa sab intejam maine kar liya hai sirf hum dono ke liye kya tum nahi chahte ki main?"

Darwaaje pe dastak hona shuru ho gaya eshrat sihamte huye bari bari nigaho se arif ko bhaag chalne ka ishara kar rahi thi....Arif kuch samajh nahi paa raha tha aakhir eshrat itna sabkuch us gair ke liye kyu? Kya wo mohabbat tha? Anika se dur chale jaane ka jaise oose bhi ye ek aakhri mauka nazar ane laga kismat khud uski madad kar rahi thi to wo kyu piche mudkar dekhe? Agar eshrat un logo ke haath aa gayi toh gazab ho jane wala tha!

Arif eshrat ka haath pakade bathroom ka darwaja lagaye upar ke khuli khidki ko dekhne laga jisse bahar ki tej roshni aa rahi thi pehle eshrat ko usne goadi se uthaya eshrat ne jaise taise khidki ke palle se pichwade chalang lagai aur fhir wo khud jaise taise upar chadhke bahar kuda...khidki ka palla ka rasta eshrat ne muana se pehle dekh bhal liya tha wo Arif ka picha kothi se kar rahi thi usne pehle parlour ki achi tarah chupte chupaate chaanbin kar li thi taki wo Arif ko leke waha se bhaag paaye,

Pichwade ke raaste se dono ghabraye bechaini se bhaagte ek intejar karti taxi mein jaa baithe....eshrat ne bataya ye oosi ke zariye ne bheja tha isi taxi mein wo abtak sawaar yaha pahuchi thi Arif sawalat mein tha ki ye kaun tha jo uski madad kar raha tha?

Gaadi tej se banduk se nikali goli ki tarah sadak pe daudi ek pal ko Arif ne bechaini se apne dhadhkte dil ko kaabu kiya oose anika ke hatho ab apna anjaam uske mare huye shouhar ki tarah dikh raha tha kahi wo bhi toh oose dhoka nahi de raha tha?

Darwaaja tode anika ke aadmi andar pahuche waha koi nahi tha bathroom ka darwaja khula tha khidki ke sheeshe palle khule pade they janne mein waqt na laga ki Arif faraar ho chuka tha,

"Ek lady aayi thi mere ko bahar bheji usne mask laga rakha tha keh rahi thi tum bahar bulaaya"

"Anika memsahab ko inform karne ka wo log zyada dur yaha se nahi gaye honge"

Tabhi ek aadmi ne andar aate bataya ki unke bataye hubahu surat ke do shaks pichwade gali se ek peeli taxi mein daudkar sawaar hoke abhi kuch der pehle palli sadak ki taraf nikal chuke they us taxi ka picha karne ke liye tamaam admi gaadi mein baithkar oosi sadak ki taraf nikal gaye,

"Mem sahab Arif ko leke ek aurat bhaag gayi".....sihamte darrte ek aadmi ne anika ko khabar kiya jo apni saheliyo ke sath baithi huyi thi uske daant kitkitaane lage jaise khoon ka ghunt wo pee rahi thi

"Track them as soon as could mujhe kisi bhi halat mein Arif zinda chahiye".....us barf jaise sard lavzo mein anika ne apne aadmi ko dhamkaate huye phone cut kar diya


To be continued...

"Tumne mujhe abhitak bataya nahi ye kaun zariya hai? Jo tumhare liye itna kuch!"

"Mera customer tha Arif main jhoot nahi kahungi kuch nahi chupa sakti main"…...eshrat rone lagi Arif oose sambhaalne laga

"Uske dil mein bhi mera dard janne ko betaabi huyi meri kahani sunke wo meri madad ko tayyar ho gaya wo tumhe bhi janta hai isse zyada maine kuch nahi kehna tum usse khud miloge"

Arif chup ho gaya usne ek baar fikar se piche palatkar dekha achanak ek tej gaadi oose apne piche aati dikhi pehchanne mein dairi nahi huyi wo Shah alam ke aadmi they,

"Unhone humhe dekh liya?"

"Driver gaadi tej chalao Kingsway lane pahuchne hi wala hai humhe inhe chakma dena hoga kisi bhi tarah"

"Eshrat maine tumhe pehle bhi kaha tha mere liye itna khatra mat molo tum anika aur uske parivar ko nahi janti"........dhadhakte dil pe kaabu paate huye arif ne kaha

Achanak goli chalne ki awaz Arif aur eshrat dono hi dehel gaye, samajhte dairi nahi lagi ki gaadi ko rokne ke liye goliya chalai jaa rahi thi taxiwale ne dehshat mein mor kaanta toh ek aati gaadi se takra gaya eshrat aur Arif dono ko chot aayi fhir gaadi ulte raaste mein daudne lagi sadak pe aftratafri mach chuki thi,

"Piche le rok unhe goli maar tyre pe goli maar sirf wo ladka Zinda milna chahiye baakiyo ko goli se uda dene ka"

Ek admi ne driver ko gaadi modne kaha apne bando pe chillate huye usne taxi ki taraf sar khidki se nikaalte huye fire kiya nishana sidha nahi baitha ek to gaadi tej raftar mein bekabu thi aur taxi ka bhi wohi haal tha,

Achanak gaadi unke taxi ke nazdeek aayi ek fire hua sheeshe pe goli lagte hi taxiwaale ke gardan pe jaa lagi usne ek baar saas kheecha aur gardan pakde huye darwaje se bahar ja nikla uska aadha shareer bahar latak raha tha gaadi bekabu ho chuki thi driver marr chuka tha darr aur dehshat mein Arif kuch samjh nahi paa raha tha ab agar usne himmat nahi ki toh gaadi ka accident tayy hona tha,

Usne aage badhkar eshrat ko jhuke rehne kaha jaldi jaldi wo driving seat pe aa baitha usne na chahte huye bhi driver ki laash ko bahar dhakel diya laash chalti gaadi se jaa giri Arif ne steering ko sambhaala aur tamaam aati gaadiyo ke beech se rasta banane laga gaadi uske kabu mein thi par speed mein thi,

Piche gaadi se dobara firing hua is baar nishana tyre pe tha Arif ne daaye taraf gaadi mor di toh uski dekha dekhi aadmiyo ne bhi apni gaadi uske gaadi ko overtake karne ke niyat se laga di lekin tabhi Arif ne puri taqat se unki gaadi se bina takraaye dusri taraf gaadi tej raftar se mor di wo bridge ke upar they kinaare ki railing se gaadi buri tarah ghisste huye dobara sadak ke beech aa gayi is beech gaadi walao ne firing pe firing kiya taxi pe goliyo ke ched banne lage piche ka sheesha khanaak se tuta eshrat cheekhte huye gaadi ke nichle seat pe ja jhuki, Arif ne puri speed badha di kingsway lane mein gaadi daakhil ho chuki thi,

Achanak piche tyre phata goli is baar lag chuki thi Arif beqabu hoti gaadi ko rokne laga aur theek tabhi uski gaadi sidha port area ke sadak pe kalabaazi khaate huye daaye container ke sirhe se jaa takraayi us beech Arif ko aisa laga jaise uska sar bhinna gaya ho chot se uske daaye taraf khoon aa gaya usne haafte mataaye halat mein piche eshrat ko uthaya piche gunde ki gaadi nazdeek aa rahi thi Arif bahar nikla usne jhatke se pichla darwaja taxi ka khola aur eshrat ko bahar kheech liya dono furati se waha se daudne lage...gaadi rokkar uske piche Shah Alam ke aadmi bahar chalang maarte huye daude,

Arif girti eshrat ko taqat se uthaaye containero ke beech ghus gaya Shah Alam ke gunde ne ek do baar firing karke unhein rokna chaha lekin tabtalak wo ghus chuke they,

Arif ne eshrat ko container ke pichle bhaag pe roka usne apni taraf badhte oosi hotel waale moshtande pe chalang laga di wo dono container se takraaye furati se arif ne banduk uske haath se cheen li tabhi ek laat moshtande ne oose de maari wo aundhe munh zameen pe gira lekin tabtalak haatho mein mutthi bhar mitti usne us moshtande ke munh pe faikh di aur banduk ke sirhe se uske kanpatti pe de maara wo ghutti cheekh ke sath wohi dharashayi ho gaya,

Uski cheekh sun waha idhar udhar bikhare gunde pahuchne lage Arif ne palbhar mein banduk saamne waale gunde pe taan di gunda hadbada gaya...."banduk faiko"...jaise usne suna hi nahi tabhi Arif ne piche se bhaagte aate gunde ko dekha palbhar mein Arif ne fire kar diya goli sidha piche bhaagte aa rahe gunde ke tang mein jaa lagi wowohi gir pada Arif ne furati se saamne khade gunde pe goli taana....."tum acha nahi kar rahe agar hukam na hua hota to tujhe kabka goli"

Arif ne bina uski baato ki parwaah kiye goli ki naal uske sar pe de maari wo bhi wohi gir pada...Arif ne eshrat ki taraf dekha dono haath thaame container se waapis bahar bhaagte huye nikle....achanak unhone khud ko bache kuche shah Alam ke aadmiyo se ghira paaya sabki banduk un dono ki taraf Tani huyi thi...."banduk phaik aur ladki se dur ho jaa"....lekin eshrat arif se alag nahi huyi,

Arif soch nahi paa raha tha ki ab kya kiya jaaye? Achanak tabhi ek sath kayi goli chali aur wo teeno aadmi wohi zameen pe girke dhair ho gaye Arif aur eshrat dono ki nazar daayi taraf container ke upar khade chashma jacket aur jeans pehne ek shaks pe huyi jiske haatho mein banduk thi aur usske nali se dhua uth raha tha,

"Zaher Ali"....eshrat ne jaise Rahat mehsus ki

Zaher muskuraye niche kudte huye untak pahucha usne paas aakar eshrat ki taraf dekha eshrat jaise kis tarah uska shukriyada kare ye sochkar uske gale mili, Arif samajh nahi pa raha tha ki ye aadmi kon tha aur kyu ye unki madad kar raha tha? Usne ek nazar sabhi mare pade Shah Alam ke aadmiyo ko dekha fhir zaher ke mukhatib hua,

"Mujhe malum tha ki eshrat tum Arif ko yaha le hi aaogi"

"Main abtak samjha nahi ki aap ye sab kyu kar rahe hai? Kaun hai aap?"

"Ye hamare madadgar hai Arif ye s.d.i officer hai jo tumhare anika aur uske abba shah alam ke khilaaf kaam kar rahe hai aur jnhone mujhse waada kiya hai ki main tumhe yaha tak le aau taaki ye humhe ba hifazat yaha se siberia bhej denge"

"Bhejenge zarur bhejenge lekin Siberia nahi hahaha jannat aur wo bhi sirf tumhein kyunki tumhara kaam ab pura hua meri jaan"

Zaher ne kehke aise muskuraya ki uski muskurahat mein Arif aur eshrat dono ko beimani aur Dhokha nazar aane laga....eshrat ko jaise pehle yakeen nahi hua uske chehre ne kayi rang badle fhir usne ghabraate huye zaher se kaha

"Kya keh rahe hai aap?"

"Bilkul sahi keh raha hoo meri jaan kyunki ab tumne apna farz nibha diya hai Arif ko yaha laake lekin main nahi chahta ki main tumhe ab aur andhere mein rakhu ye sab jo kuch maine kiya tum dono ke liye nahi sirf apne liye kiya

Janti ho kyu? Kyunki Arif ko yaha laana tumhare zariye Mera plan tha main isi firaaq mein tha ki tum Arif ko yaha le aao fhir vaade mutabik main Arif ke badle uske hone waale sasur se ek bari rakam lu aur iska sauda karu"

Ye baat sunke jaise eshrat aur Arif dono aasman se gire unhe bahut bada jhatka laga tha...."kya bak rahe ho tum kameene? Tumne mujhe dhoka diya mere feelings ke saath khela u bloody ba***d"

Eshrat jaise zaher ke baazu pakde oose jhinjhodne lagi zaher ne oose dhakela aur kheechkar ek thappad uske chehre pe de maara Arif dahada toh zaher ki banduk uske maathe se kayi faasle dur tann gayi,

Eshrat aansu ghule nazaro se zaher ko dekhne lagi fhir usne muzrim nazaro se Arif ko dekha,

"Hahaha dekha ise Arif ye do takke ki naachnewali kitni bholi hai isne baccho ki tarah meri baat maani aur ye socha ki main iski madad karunga darasal ise khud nahi malum ki maine jaanbhujkar ise hire Kiya tha taaki ye tumtak nazdeekiya badha sake aur tumhare se jaani har ek baat mujhtak pahuchaaye main janta tha Shah Alam ke khilaf mere saare zariye aur khabri fail ho chuke they isliye maine socha kyu na? Shikaar ko hi blackmail kiya jaaye maine Shah Alam se sauda kiya uske hifazat ka aur uske damaad yaani ki tumhara mujhe malum chala ki aajkal tumhari aamad daraft kothi mein aksar ho rahi thi main janta tha anika wehshi aurat hai lekin baar baar tumhare aane jaane se mujhe ek gehra zariya mil gaya tumhari chaanbin ki toh mere haath dalaal joseph pe padi pehle to usne munh nahi khola,

Fhir ek aad torture dene ke baad dheere dheere usne tumhari aur anika ke beech ke sambandh ki saari baat mujhe bata di ek gigolo ko usne apna Humsafar banana chaha tha waahh kya kahani hai? Khair ab main Shah Alam ke khilaf nahi tumhe zariya banaake balki ab usse main paisa aith sakta tha, tumhare saude ke badle crore rupye hahaha,

"Toh tumne eshrat ka fayeda uthaya aur mujhe zariya banaya yaha mujhe bulaane nahi balki Mera sauda karne"

"Yes my brother".....zaher ne baddhi hassi dete huye kaha

Eshrat jaise Tut chuki thi Arif se nazare mila paana uske bas mein nahi tha......"ab kisi bhi waqt Usman aata hoga lekin tabtalak main tumhe thikaane lagana chahta hoo taaki tum oose behosh pade milo fhir main crore rupya lunga aur yahi ke ek container se hamesha ke liye saat samundra par chala jaunga but till then don't u dare to go beyond me agar mujhse bahar gaye toh anika ko milegi toh sirf tumhari laash!

Eshrat ne palak jhapakte hi zaher pe hamla kar diya wo jaise Arif ko bhagaa dena chahti thi, Arif ne aage badhna chaha lekin tabhi goli ki awaz huyi eshrat dohri hoke gale se dard bhari awaz mein pait pakde cheekhti huyi zameen pe jaa giri, uske pait se betahasha khoon behane laga,

Arif ne oose thaam liya eshrat kanpte hontho se aansu baha rahi thi wo kaanpte huye khoon sane haatho se aakhri baar Arif ko dekh rahi thi,

"Tumhe kuch nahi hoga eshrat tum nahi marr sakti"...... Arif rone laga pagalo ki tarah eshrat ko thaamein raha

"A..riff m..mera waqt aa gaya allah taala se meri m..agfirat ki dua kar..na maine tumhe fasaa diya k..aash main tumhe is daldal se b..ahar nikaal paati is duniya mein kiye har gu..nah ki s..a..za m..ujhe mil chuki apna khyaal rakhna"

Arif ne paaya uski aankhe teher gayi thi uska haath jo uske chehre pe they zameen pe gir pade they, Arif uske maathe pe sar rakhke rone laga, zaher bedardi se khamosh raha fhir usne Arif ko uthne kaha

"Ch..ch..ch afsos ye sab kuch tumhare wajah se hua hai waise bhi ise marrna toh tha acha hua ki isne mujhe zyada waqt nahi lene diya bechari thi bahut naadan kisi pe bhi aankh mundkar bharosa kar leti thi ek raat soya bhi tha kya namkeen badan tha iska sss haaye"

Arif ka jaise khoon khaul utha usne gulabi nazaro se bina eshrat ke chehre se sar uthaaye zaher ki baat suni usne furati se eshrat ke laash par se ludakte huye sidha ek laaat zaher ke pait pe de maari zaher ko mauka bhi na mila aur wo dum saade zameen pe gir pada,

Usne gusse se arif ki taraf dekha aur Arif khada badle ki aag mein mutthiya beeche oose ghurr raha tha zaher ne furati se banduk tak haath le jana chaha lekin Arif ne ek laat uske chehre se guzarte huye sidha uske haath aur paas padi banduk pe de maari banduk aur dur Jaa giri zaher ne uske pao par apne laat ki tokhar zameen pe pade hi de maari Arif peeth ke bal zameen pe jaise gira tha waise hi furati se uth khada hua,

Zaher bhi sambhal chuka tha Arif bhi tayyar tha dono ki Saqt nazarein aapas mein takraayi aur uske baad na arif ruka na zaher fhir shuru huyi jaise un dono ke beech jung!