Pyar ki kashish - shikha:Inspirational Stories and real life Incidences.

Pyar ki kashish - shikha

by Shikha sanghvi on October 12, 2015, 07:56:15 PM

Pages: [1]

Author

(Read 2260 times)

Part - 2 Pyar ki kashish

Friends....ab yaha se hoti he Het ke jivan ki sandharsh ki kahani.....Kya harsh ne dil se Het ko apnaya tha....kya het ek naye desh me, ek alag ritrivaj, alag bhasha.....or ajnabee saathi ke saath adjust kar payegi..............

.Het ko vishwas tha apne aap par, apne jivansaathi par...ki uske saath milkar vo sabkuch bhot hi jald sikh jayegi....par yaha hi vo galat thi. Ha, uske Harsh ne jivan ke har kadam pe uska saath diya...par Het vo ladki nahi thi jise usne chaha tha, jiske sapne sajaye the. uske sapno ki rajkumari to koi or hi thi. Desh, ritrivaj, bhasha, ye sab to bahot door ki baate ho gayi...pahela sandharsh uske jivan ka yahi raha ki use har hal me apne jivansathi ke dil me thodi si apne liye jagah banani he.chahe uske liye use kuch bhi karna pade, vo pichhe nahi hategi. Harsh ke dil me khud ke liye pyar jagana hi jaise Het ki manzil ban gayi. Kabhi kabhi vo akeli bhot roti thi, apne vatan ko yaad karke, kabhi apne parivar ko yaad karke, kabhi apna bachpan yaad karke to kabhi apni dosto ke saath bite huye un lamho ko yaad karke.....ye yaade hi unke dil ko khush rakhti thi. use aisa lagta tha jaise har kadam pe uske samne ek imtahaan hota tha. kabhi jaise uska swabhiman tutta tha. par usne kabhi bhi har nahi mani. kyoki use pata tha ki yaha itni door apne parivar se door aane ka faisla usne khud kiya tha.......or ab jo bhi he yahi uski kismat he.

Harsh ..apne business ke saath saath padhai bhi karta tha. dhire dhire din gujrate chale gaye....Harsh ..Het se jo bhi kaheta..vo bilkul vaisa hi karti chahe uska dil mane ya na mane. uske saath vo ek saye ki tarah rahene lagi...jaise ki uske aaspaas hi uski sari duniya he. isi tarah pure 2 sal gujar gaye. par shayad Het ki yahi baato ne ...uski sabke saath pyar se baat karne ki ada ne shayad Harsh ke dil me apne liye pyar ka divy swaroop pagat kiya. Harsh ki har baato ka sanmaan karna, uski kahi huyi har baato pe gaur karna jaise uski aadat ban gayi. Vo sabkuch khushi se karti..dil se karti. Ab vo ekdusre ko samajne ki koshish karne lage...Harsh humesha....Het ki masti karta raheta.....Jab bhi het ke ghar se khat aaye to uski aankhe num ho jati...or harsh usi waqt unhe bahar le jata....or use hansata........Dhire dhire un dono ke bich pyar badhta gaya. Dono ekdusre ke itne karib aane lage ki jasie ab vo dono ekdusre ke liye hi bane he. Harsh .....har kam me het ka saath deta........chahe vo kam koi bhi ho...........rasoi banane se lekar bartan manjne tak........Vo uska bilkul ek bacchi ki tarah khayal rakhne laga. jab bhi vo dono ghar me akele hote the tab Harsh khana banata or vo baate karti ..or fir dono saath me dinner lete....Aise hi pyar badhta chala gaya ki yu samjo jism alag the par jaan ek....
Harsh ke pyar ne hi het ko samjaya ki pyar kya hota he, pyar kaise nibhaya jata he.kisiko apni jaan se badhkar pyar karna koi pap nahi he. Harpal ekdusre ke prati pyar ka ehesas rishte ko or gahera banata he. vo harpal use ye ehesas dilata ki uske bina to koi zindgi hi nahi he.

Shadi ke waqt halat chahe jaise bhi rahe par usne kabhi bhi het ko shikayat ka mauka nahi diya. Kabhi kabhi to kuch kahe bina hi vo Het ke dil ki baat jan leta tha. Vo jab apne harsh ke pass ja rahi hoti thi to uske pahunchne se pahele hi usko unke paas aane ka ehesas ho jata tha. ekdusre ko jara sa bhi durd hota to vo hi durd dusra bhi mahesus karta......or ye pyar ki kashish hi to thi jo dono ko aise jude rakhti thi.

Aise hi pyar ke sahare zindgi haatho se sarti ret ki tarah gujrati gayi. Ab parivar ko nanhi si gudiya chahiye thi.....din bitte gaye or Harsh apni /het ko lekar itna possesive ho gaya ki kisi or ka het ki or dekhna bhi usse bardast nahi hota tha.....baate to bhot door ki baat he....Par het ko usse koi furk nahi padta tha.....use to yakin hi nahi hota tha apni kismat pe.....ki aaj unka harsh sirf unka he.......uska itna pyar, itni kashish Het ko khud bhi diwana banati gayi.

Jump to: