Woh Kaun Thi? ✍️ By Asif Biswas (2014 Re-written horror suspense story)

Saal 2014 ye woh waqt tha jab asal kamyabi mujhe mili thi, main taqreeban 5 saal se kahaniya likhte jaa raha tha mujhe wo break nahi mil raha tha jiski mujhe talash thi, ye talash oosi saal khatam huyi jab main kamyabi ke moqam par tha aur maine back 2 back kayi safal horror kahaniya likh daali aur sirf horror hi nahi erotica writing mein bhi meri kahaniya zabardast popular ho rahi thi meri pehchaan logo mein badhti jaa rahi thi, ek choti si kahani "haunted Bungalow" se jo Kamyabi mujhe milane lagi wo bas chalti gayi, isi khushi mein ek follower ne Facebook par ek mera khud ka ek group page bana diya "bhoot pret ki duniya" jisse main taqreeban 1 saal tak juda raha,

Oosi dauran ye wo kahani thi jo maine tamaam 2014 mein likhi yoindia platform par kahaniyo ke baad ek ye alag se group page par likhi thi, par afsos mere pichle Facebook I'd delete ke ho jaane ke wajah se ye kahani bhi delete ho gayi, yun to meri kahaniyan forum band ho jaane ki wajah se khatam ho chuki hai ya fhir jinhone bhi oose copy Kiya oose kahi na kahi kisi aur naam se chori kar share kar diya, jiska malumat mujhe baad mein pata chala main to yahi dua karunga ki yoindia platform aise hi mere mehnat ko aur tamaam lekhako ki mehnat ko barso tak salamat rakhe, ye kahani 2014 ki likhi mere fb group page ki horror story thi jise aaj main dobara likhkar aap sabke saamne prastut kar raha hu,

Umeed karta hu aapko pasand aaye kyunki jinhone bhi is kahani ka original version padha hai unse mujhe kaafi positive feedbacks mile they, aasha karta hun ki main wohi storyline wohi concept ko dhyaan mein rakhkar jo kahani dohra raha hun wo aapko pasand aaye kirdar ke naam ya ek aad scene us waali kahani se thode alag honge main pehle keh deta hu aur iske liye maanfi bhi mangta hun kyunki wo 2014 ki likhi kahani ko recover kar paana ab bilkul bhi mumkin nahi hai warna maine oose dhundhkar aap sabke saath yu hi share kar deta, jis tarah haunted Bungalow aur baaki ki pichli kahaniya maine share ki hai, umeed karta hu ye horror daastan bhi apko behad pasand aaye ✍️

Ye kahani kaalpanik hai aur is kahani se jude bataye jagah aur kirdar puri tarike se kaalpanik hai


Siddharth apni gaadi mein thaka haara apne business meeting aur pure dinbhar ki office ki thakaan se churr hokar aakhirkar farig huye Ghar ki taraf laut raha tha, wo sylhet jaise hill station ke ghani aabadi se dur ghati ke paas mountain valley naam ke ilaake mein rehta tha jaha oosi ka ikaluta milkiyat tha, kyunki wo jagah insaani aabadi se dur thi aur waha sheher khatam hokar fhir ghane pahad aur uske baad jungle shuru ho jaata tha, uska makaan kaafi aalishan tha kyunki wo ek Ameer ghar se taluq rakhta tha uske makaan mein uske niji privacy ke tehet ek khaana banane wala naukar tha aur din mein saaf safai aur kapde dhone waali ek alag naukrani thi jo dopaharbaad hi sheher ki taraf laut jaati thi sirf uska naukar hi tha jo Siddharth ki raah dekhkar oose dinner deke wo bhi apne ghar ki taraf laut jata tha,

Siddharth hi janta tha ki oose waha naukar chakar rakhne mein kitni mashakkat karni padi thi kyunki chote sheher ke log utna dur kaam karne ko jaldi raazi nahi ho rahe they, Siddharth bachpan se hi akela palha bada tha uska koi dost nahi tha padhai puri ho jaane ke baad wo apne baap ke business ko puri tarah sambhaalne laga tha, uske parivar waale uske waha akele rehne ke khilaf they wo ye bhi chahte they ki wo shaadi kar le, lekin siddharth unke kisi bhi faisle se razamand nahi tha aur na kabhi hone wala tha, parivar ke aapasi jhagde aur sukoon ki talash mein Siddharth ne yaha Ghar kharida tha wajah aur bhi thi kyunki uska Naya business is sheher mein kaafi fhal fhul raha tha isliye Siddharth ne socha ki yaha ki khubsurat wadiyo ke beech aisi khaamoshi mein sukoon dhundh paana kaafi aasan tha isliye wo wohi tabse basa hua tha,

Waha akele rehne ki oose aadat ho chuki thi toh kabhi dair raat aana uska shagal ban sa gaya tha lekin us shaam wo kaafi jaldi office se farig hokar Ghar laut raha tha, dinbhar ka khushnuma Mausam achanak karwate badalne laga aur dheere dheere pura aasman kaale badalo se ghir gaya, gaadi mein radio station ke gaane baj rahe they jaha khabar prasaran hone lagi ki aaj sylhet aur bahari ilaako mein musalsal baarish aur tufaan ke aasar aane waale they tabhi gaadi ke sheesho par halki halki bunde barasne lagi, badal ki gargarahat kaano mein padte hi Siddharth ki gaadi ne raftar tej pakdi, kyunki wo janta tha ki mountain valley ke ghati ki taraf jaane waali sadak aksar landslide ki chapait mein aa jaati thi jiska matlab tha na koi us taraf jaa sakta tha aur na koi sheher ki taraf aa paata, Siddharth ki gaadi ab dhalan si uthi pahadi ki us iklauti sadak par guzar rahi thi, kuch hi dair mein gaadi aur ghani aabadi piche chutti jaa rahi thi aksar Siddharth piche palatkar ya rear view mirror se is nazaare ko dekha karta tha, kyunki wo janta tha ki jaha uska ghar tha waha dur dur tak na koi insaani aabadi thi aur naa hi koi raah guzarti gaadiya dikhti thi, wo ghati sheher ke ulte taraf pahadi par basa tha jaha siwaay khubsurat khaai aur ghati ke siwah sirf ghana jungle tha jaha paas mein kaafi bari jheel thi, aur oosi jheel aur ghane jungle se hi kuch faasle dur Siddharth ka makaan tha,

Wo aksar samay bitaane oosi jheel ke paas bhi jaaya karta tha, Siddharth apni soch se jab bahar aaya tab tak shaam puri tarah se dhal chuki thi, wo ek lamba gol chakkar sa ghaira kaantkar theek apne ghar ke saamne compound par aakar ruka, pure Ghar ki battiya jal rahi thi aadatan uske naukar ne wo kaam andhera hote hi kar diya tha,

Siddharth gaadi se bahar nikla tabtalak baarish hona shuru ho chuka tha, darwaja khula tha wo janta tha naukar ne uski gaadi Aati dur se hi dekh li hogi, apne 2 maala ke bane aalishan bungalow mein aate hi usne apna adhbheega coat utaara toh naukar kaka ne kareeb aakar uska coat thaam liya jise unhone paas ke shelf pe taang diya,

"Aaj jaldi aa gaye chote sahab"

"Haan kaka aaj office ka naam jald hi nipat gaya main to bahut thak gaya hoo pichle kuch Roz se khair ab jee bharke aaram karunga kal waise bhi ravivar hai"

"Aapke liye hot water tub mein kar diya hai aap thoda fresh ho jaiiye main dining table pe khaana laga deta hun"

Tabhi oosi waqt bijli jor se kadki aur uski tej roshni ek jhalak andar dakhil huyi aisa laga jaise aasman mein vispot hua ho, naukar kaka fikarmand dikhne lage Siddharth ne unse unka kaaran pahucha

"Darasal chote sahab main chahta tha ki ab main ghar laut jau darasal gharwali bahut bimar hai aur mera ladka Ghar par nahi hai"

"Toh aap pehle chale jaate abhi to Mausam bahut zyada kharab hone laga hai kahi beech sadak par aap fass na jaaye"

"Main aapke intejar mein tha main chahta tha ki pehle aap aa hi jaaye aur dekhiye aap jald hi aa gaye main kal tak aa jaunga"

"Koi dikkat nahi kahe to main aapko Ghar tak chodh aau"

"Nahi nahi main cycle se chala jaunga aap fikar na kare"

"Par aisi baarish mein nahi mere paas gaadi hai kaka zidd mat kijiye"

Lekin naukar kaka kaafi Swabhimaani shaksiyat ke they unhone madad lene se inkar kar diya aur hasste muskurate vidaa liye waha se ruksat ho gaye, siddharth unhe jaate dekhta raha Siddharth ko fikar thi isliye usne unhe apna keemati barsaati odha diya tha,

Siddharth na jaane kyu Aaj khud ko waqayi akela mehsus kar raha tha wo mann hi mann nahi chahta tha ki aisi bigadi barsat ki raat mein wo akela rahe, lekin waise bhi naukar kaka ki duty utni hi thi haalaki wo unhe ruk jaane kehta to wo Ruk bhi jaate par aisa karna Siddharth ko gawara na laga kyunki unka bhi toh ek parivar tha,

Khair sabkuch bhulaaye Siddharth dining hall mein baitha akele akele dinner kar raha tha, beech beech mein bijliya zor zor se kadak rahi thi, tamaam diwaar aur chatt par bane sheesho par paani gir raha tha andhere mein bahar kuch bhi nahi dikh raha tha, khaane se farig hokar Siddharth ne khud hi apne jhoote bartan sink mein le jaa rakhke, wo abhi mudkar kitchen se bahar jaa hi raha tha ki tabhi pure Ghar ki lights chali gayi,

Pure Ghar mein gup andhera aur khaamoshi chaa gayi ab bahar ki sard ho ho karti hawaao ki awaz aur reh rehkar bijli ka kadakta shor charo taraf sunaai de raha tha, apne kismat ko Kosta Siddharth waapis kitchen ke covered mein mombatti talashne laga

"Uff yahi toh rakhki thi kahan gayi? Ek to ye andhera uff na jaane kyu Aaj itni ghutan si lag rahi hai?"

Tabhi ek jhinjodh dene wala bijli kadka jiski tej roshni ek second ke liye pure kitchen ko ujaala kar gayi, aur tabhi usi pal Siddharth ko laga ki usne us palbhar ki roshni mein bahar kisi saaye ko dekha tha, Siddharth hadbadaaye sheeshe se bahar jhaakne laga, charo taraf khula maidan jaisa tha aur pahad aur charo taraf paid se dhaka ghana jungle dekha jaa sakta tha lekin us waqt andhere mein wo manzar kaafi darwana lag raha tha paid aise lehra rahe they maano daaye aur baaye naach rahe ho aasman ekdum badalo se ghira hua tha, lekin kaun ho sakta tha itni raat gaye? Yaha to aas paas koi ghar bhi nahi hai aur us taraf to jungle aur ghati jaane ka rasta tha fhir itni raat gaye kaun hota?

Abhi gas on kiye Siddharth ne mombatti jalaayi hi thi ki bahar oose kayi jungli siyaar ki rone ki awaz sunai dene lagi hawwww hawww karte wo roye jaa rahe they, kaafi bhayanak vatavaran hote jaa raha tha, ek toh bijliyo ki kadakti shor bheeshan hawao ka tufaan aur ab jungli janwaro ka rona jise aksar manhusiyat sa maana jata hai,

"Ye to jungle hai yaha to jungli janwar hona aam hai main kyu Darr raha hoo? Afterall this is not the first time I'm living here lekin na jaane kyu? Aaj mahoul kuch azib sa hai naa jaane kyu ye raat teher si gayi hai"

Apne se badbadata hua Siddharth jalayi mombattiyo ko liye ek waha rakhkar bahar living hall ki taraf aaya aur waha usne ek mombatti rakhki fhir ek jaakar apne bedroom mein rakhki, wo wohi bistar par baithkar laptop liye uspe apne adhure kaam pura karne laga, isse uska mind kuch pal ke liye idhar udhar ki cheezo se alag ho gaya,

Naukar kaka ko gaye kayi waqt guzar chuka tha, bhaari baarish badti jaa rahi thi aisa lag raha tha jaise Aaj ye thamne wali nahi thi, kamre mein typing ki awaz gunz rahi thi, lekin siddharth ka dhyaan ab laptop par tha achanak Siddharth ne ek awaz suni wo awaz darwaze pe dastak ki thi, Siddharth ekdum se kaanp utha usne laptop band kiya aur fhir ghari ki taraf dekha, ghari ki suyi 12 par aakar teherne waali thi,

"Aadhi raat ko itni raat gaye kaun aa sakta hai?"

Bhaag 3

Wo kadamo ka shor theek sidiyo par chadhta dheere dheere upar aa raha tha tha, uske baad jaise wo tehera aur ab bina ruke wo kadmo ki awaz sidha uske kamre se guzarti huyi theek darwaje ki taraf aakar teher gai, is beech Siddharth jaag chuka tha na jaane kyu Aaj oose ghabrahat si ho Rahi thi, jabse wo ladki ranjana ko usne Ghar mein aane Diya tha tabse oose kuch toh khatak raha tha, wo ladki hassti muskurati hone ke bawjud kayi raaz ko apne bheetar chupaaye huyi thi,

Siddharth ab intejar karne laga ki shayad wohi thi jo sidiyo se shayad upar aayi thi uske paas, lekin naa koi harqat nahi huyi wo kafi dair baitha raha lekin darwaje pe kisi ne dastak nahi di, lekin usne saaf suna tha ki koi upar aaya Siddharth ne razai ek or faikhi aur dabe pao darwaje ke kareeb aakar usne haule se darwaja khola bahar sannata tha galiyare mein koi bhi nahi tha, to kya uske kaano ne jo saaf dhapp dhapp kadmo ki awaz suni thi wo kya mehez dhoka tha?

Is baar sidharth ne mombatti ki roshni se charo taraf jhaaka galiyare mein koi nahi mauzud tha usne aage badhkar sidiyo par nigaah daudaayi waha bhi koi nahi tha, naa jaane load shedding kab theek ho payegi ya shayad bhari tufan ke chalte hi kahi bijli ka khamba gira tha jis wajah se light nahi aa rahi thi,

Siddharth ne socha ki sone se behtar ek baar niche jaakar ranjana ka malumat kar liya jaaye aur isi intention ko liye wo sidiyo se niche jab mombatti leke aaya to usne paaya ki jaha jaha mombattiya rakhki thi waha andhera tha shayad mombattiya bhuk chuki thi ya fhir pighal gayi thi,

Siddharth daayi taraf guest room ke paas pahucha usne paaya ki bheetar se kayi mombatti ki roshniya aa rahi thi aur darwaja bhi khula hua tha,

"kya ye ranjana ko neend nahi aati itni raat ho gayi kaisi ladki hai yeh? Ek toh usne kuch khaane se aise inkar kar diya maano jaise maine puchkar koi gunah kar diya aur ye itni thand mein darwaja khole kamre ka kyu rakhki huyi hai?"

Siddharth ne jaise hi andar dekha to chaunk utha ranjana bistar ke theek kareeb farsh par baithi thi aur mombattiya usne jo bahar jal rahi thi un sab ko apne ird gird rakh diya tha uski nigaah jhuki huyi thi aur nazare mombatti ki lau ko aise ghurr rahi thi jaise kisi dhyaan mein ho,

"Ranjana hey ranjana are u okay? Farsh par baithi ye kya kar rahi ho?"

Ranjana ne nazare uthayi aur ghurrkar Siddharth ki taraf dekha uske chehre ne kayi rang badla jaise ekdum se muskurahat fhir gambhir nazaro ka normal ho jaana, fhir usne waise hi Siddharth ko ghure andar aane kaha

"Aao na waha kyu khade ho?"

"Tum aise farsh par kyu baithi ho? Aur ye itni saari mombattiya tum yaha uthaake kyu le aayi?"

Siddharth uske paas aake tehra aur fhir wohi baith gaya oose mehsus hua ki farsh bahut thanda tha na jaane ranjana kabse waise hi waha baithi huyi thi,

"Hahahaha"....ranjana jawab mein hassne lagi aur ek baar usne hassna shuru kiya to bas wo hassti rahi

"Arre kya hua?, Maine koi joke toh nahi sunaya are u okay?"

Ranjana ekdum se hasste hasste sanjida huyi fhir usne muskurakar kaha "darasal raat mere liye din jaisa hai aur main aksar raat ko jaagi rehti hoo aur rahi baat in mombattiyo ki to main dhyaan kar rahi thi"

"Dhyaan? Kaisa dhyaan? Okay I got it tum itni raat gaye amal kar rahi ho"

"Amal"

"Haan amal aatmao ko bulaane ke liye hi to log itni raat gaye amal wagaira karte hai isn't it"

Siddharth hass pada lekin is baar uski hassi zyada dair na tehri kyunki usne dekha ki ranjana waise hi gambhir oose dekhe Jaa Rahi thi,

Ranjana muskurayi fhir uske nazare normal huyi,

"Toh tumhe lagta hai ki main yaha baithkar amal kar rahi hoo waise ye kaali raat aur aise mausam mein aatmao ko bulaana aur zyada aasan hota hai"

Matlab Siddharth sahi soch raha tha, is baat Siddharth ne mazaak chodhkar sanjida hokar oose mana kiya oose ye baat nagawar guzri ki koi uske ghar mein ajnabi aakar raat gaye aisa kuch kare,

"Dekho ranjana main in superstitious baaton pe yakeen nahi karta aur main pasand karta hun ki tum ye sab karo main in cheezo ko napak samjhta hun"

"Toh kya tum darr gaye hahaha"

Is baar Siddharth thoda naraz ho gaya lekin ranjana ke chehre pe koi badlav nahi aaya

"Jiska koi wajud nahi usse kaisa darr? Chodho ye sab baato ko aur jao jaake so jao main bhi kaafi thak sa gaya hun"

"Tum jaakar so sakte ho par mujhe neend nahi aati waise aisi raat mein neend aa bhi kaise sakti hai?"

"Matlab?"

"Tumhe pata hai aisi raat gaye kaali taqate jaag uthti hai roohon aur aatmao ko azaadi milati hai"

"What rubbish?"….Siddharth ne mann hi mann socha ki ho sakta hai shayad wo koi prank kar rahi ho aur isi chalte usne oose akela paakar ye sab karna shuru kiya ho, ya fhir kya pata? Wo koi sanki pagal ho waise bhi uske vyavhar mein bahut kuch azib tha kaash uske baare mein Siddharth kuch jaan paata

Itne mein bijli kadki toh jaise Siddharth ka dhyan tuta, "hahaha main to khuli kitaab hu mujhe janne ki kya zarurat?"

Siddharth aasman se gira, "k..kya kaha tumne? Maine kab kaha ki main tumhare baarein mein aur kuch janna chahta hu"

Siddharth ko laga ki jaise usne uske Mann ki baat padh li thi, ranjana bas muskurayi raat gehri hoti jaa rahi thi siyaar aur bhi zyada kareeb hi ilaake mein ro rahe they, ek toh unki rone se manhusiyat aur upar se ranjana jaisi ladki ka azib vyavhar Siddharth ko aur bechain kar raha tha,

Kuch der khaamoshi ke baad ranjana ne Siddharth se kaha ki wo chahe to apne kamre mein jaake so sakta hai lekin siddharth ko kahan neend thi? Siddharth ne sawal kiya ki wo aisi kyu thi? Kyu wo rahasmayi bani huyi thi? Jiske jawab mein is baar ranjana na hasi na muskurayi aur ab wo khaamoshi se sar jhukaaye phadphadati mombatti ki lau ko teekhe nazaro se ghurre jaa rahi thi,

Kayi der baad bhi jab usne koi jawab nahi Diya toh Siddharth aaziz aakar oose mana karne hi wala tha ki tabhi dayi taraf ke kamre ki khidki achanak se khul gayi, usse Siddharth kaanp utha bahar ki ho ho karti hawaaye andar dakhil ho rahi thi, do mombattiya bhuj gayi thi aur baaki bhi bujhne ke kagaar par thi, Siddharth isse pehle hi uthkar khidki ke paas aaya aur usne khidkiya jhat se laga di shayad hawa se khidki ki dheeli lagaaye rakhne se khul gayi thi, khidki lagte hi hawaye aani band ho gayi Siddharth ne muskurakar jab ranjana ki taraf dekha to wo ghabra gaya,

Kyunki ranjana theek waise hi baithi jhuki huyi nazaro se mombatti ko ghurr rahi thi lekin uske gale se ek dohri si awaz aani shuru ho gayi thi,

"Ranjana ranjana are u okay? Hey listen, main nahi darrne wala ranjana hey listen main tumhe mana kar raha hoo ye sab harqat mat karo ranjana I said stop it bahut ho gaya mazak ki ek had hoti hai ye sab karke tum mujhe gussa dila Rahi ho, ranjana tumse keh raha hoo gardan akad jayegi tumhari aise mat jhuko ranjana arre yar what's wrong with this girl?"

Siddharth ranjana ke kareeb aakar khada ho gaya ab wo waqayi naraaz tha, usne zor zor se ranjana ko awaz di oose uthne kaha lekin ranjana waisi hi baithi aur sar jhukaaye mombatti ki lau ko ghurrte jaa rahi thi,

"Ranjana u are crossing ur limits mere ghar mein ye sab karna tumhe bhaari pad sakta hai main bahut bardasht kar liya okay fine now u have to get up and apologize"

Is baar Siddharth ranjana ko uthaane jhuka aur usne kasskar ranjana ke baazu se oose jab uthana chaha to jaise wo tharra gaya wo ghabrakar ranjana se kai faasle dur khada ho gaya ranjana ka pura shareer laash ki tarah thanda pad chuka tha aur wo is qadar bhari mehsus huyi jaise koi bhaari patthar ka bhoj jitna uska wajan ho, is baar Siddharth ko wo pagalo wali harqat karti ya mazak karti mehsus na huyi,

"Ranjana ye tumhe kya hua?"

Siddharth beech mein hi teher gaya kyunki ab ranjana khud pe khud khadi hone lagi thi uske baal uske chehre ke samne bikhare huye they aur ab wo aur bhi dohraati awaaz mein ghurra si rahi thi, Siddharth ne paaya ki uski chaal mein faraq aa gaya tha aur ab wo Siddharth ke paas aahiste aahiste aa rahi thi, apne mein himmat jutata Siddharth usse aur dur hone laga,

"Enough ranjana tum ye sab karke mujhe daraa rahi ho right?"

Koi faraq nahi agar wo waqayi acting kar rahi thi toh Siddharth oose pehchan sakta tha lekin usne saaf paaya ki wo chal nahi Rahi thi uske pao toh zameen ko chu hi nahi rahe they wo to jaise hawa mein uthe huye they kayi inch zameen se wo toh yun paas aa rahi thi jaise wo koi wo koi waqayi aatma ho,

"N..nahi nahi dur raho mujhse ran..jana what happened to u? What just happened to u? Kya hua hai t..tumhe nahi mere paas mat aana"

Siddharth bhaukhlaaye usse dur hote kamre mein idhar se udhar bhaage jaa raha tha lekin wo oosi taraf ka rukh karti jis taraf Siddharth hota,

"Huhhhhhhhh nahiii chodhungi tumhee nahii iii".....wo dohrati bhari awaz mein chillayi jaise kaan ke parde phatne ko ho pura kamra uski chillahat se gunz raha tha

Siddharth par wo jaise jhapati aur wo dahadhte huye sidha bistar aaundhe munh jaa giri Siddharth ne furati se kayi fasle se dur kudkar khud ko bacha liya tha , wo fhir hawa mein uthte huye ab panjo ke bal Siddharth ke piche bhaagi Siddharth ke paas mauka tha usne palak jhapakte khule darwaje ko thele bahar nikalte huye fauran darwaja laga diya lekin oose lock maarein hadbadahat mein kar na paaya kyunki ranjana theek uske piche thi, Siddharth girta padta sidiyo par bhaukhlaaye darre chadhta hua upari maale par pahucha, piche mudkar oose dekhne ki taqat nahi thi...

Bhaag 5

Tufaani wo kaali raat jab aisa lag raha tha jaise ye bigada mausam kabhi shaant hoga hi nahi aur wohi dusri taraf ghurrate aur rote wo tamaam jungli janwaro ki awazein jo aasman ki taraf na jaane kyu dekhte huye roye jaa rahe they? Unhone Siddharth ka pura bangla ghair rakha tha, Siddharth ne abhi koshish ki thi ki nakaam wo janta tha wo bhaagkar bhi agar nikal jaata to sheher pahuchte pahuchte uske pao dukh jaate aur shayad hi wo sheher pahuch paata kyunki wo bhooke siyaar oospar nikalte hi Tut padte, Siddharth zakhmi haalat aur dehshat ke badhawasi mein jab andar waapis pahucha, toh usne sidiyo se panjo ke bal ranjana ko dobara utarte dekha jo diwaaro par chipkliyo ki tarah chalte huye aise khadi hokar chalne lagi jaise wo zameen ho, ye manzar dekhte hi Siddharth aur bhi zyada Darr Gaya,

Isse pehle wo kuch kar paata ranjana uspar kud padi, aur oose apni Geraft mein thaam liya aur ab uske lambe nakhun waale haath Siddharth ke gardan par they aur dusra haath uske seene par jabki uske pao ke panje uski dono taangon par is qadar dabe huye they jaise ek janwar apne shikar ko thaame huye tha,

Siddharth jisne aankhe mundte huye nazare fhair Li thi wo ab apni maut ke ghadi ke intejar mein tha, achanak usne ranjana ko ghurrate huye mehsus kiya, tabhi usne ranjana ki roti awaz suni, subakti huyi ranjana Siddharth ne uske chehre ki taraf dekha jin nazaro se ab aansu ki jagah khoon nikal raha tha, Siddharth jaise ekdum nam padh Gaya tha jab insaan zyada dehshat mein aata hai to jaise oose uski aadat ho jati hai waisa hi Siddharth ka haalat us waqt ho gaya tha,

"Aa..ajse kareeb 15 saal pehle main aise hi tufaan bhari raat ko yaha aayi thi panaah ke liye".....ranjana jaise beete kal ki us ghatna ko yaad kar rahi thi,

Siddharth chupchaap Sihma uski baatein sun raha tha, aur jo jo usne bataya uspar yakeen kar paana namumkin tha, 15 saal pehle us waqt toh wo Dhaka mein tha ye property liye toh oose mehez kuch saal hi huye they, toh fhir?

Ranjana ne Siddharth ko bataya ki us raat is ghar mein do log they jo party kar rahe they, unhone bheegi ranjana ko sar se pao tak dekha aur usi waqt unke dil mein ranjana ko haasil karne ki naapak iccha paida ho gayi, ranjana kyunki bholi thi aur madad ki imdaad mein us sard bhari raat mein bheegi thand mein thithur rahi thi uske paas panaah paane ke siwaah koi chara nahi tha,

Un dono ne ranjana ko fauran andar aane kaha, ranjana ne aage bataya ki uski gaadi kharab ho gayi thi aur oose gaadi check karne ka itna tajurba nahi tha, aaspaas koi insaani aabadi nahi thi jis wajah se wo garage bhi dhundh na saki, un dono ne bataya ki us jagah par siwaay veeran ghaati aur jungle ke siwaah kuch nahi tha,

Ranjana ko unhone apne kapde diye lekin ranjana insecure feel karne lagi, kyunki wo kapde mardana they, unmein se ek ne kaha

"Tum bahut bheeg chuki ho c'mon we are not like strangers tum ek kaam karo ise pehen lo aur guest room waale kamre mein chali jao okay agar raat ko tumhe kuch bhi zarurat pade awaz de Dena"

Ranjana ne unhe bhala insaan samjha lekin wo kya janti thi? Ki us raat usne bungalow mein panaah lekar kitni badi bhul kar di thi, ranjana guest room mein jaakar darwaja laga baithi,

Idhar un dono ne khub sharaab pi aur dusre shaks ne pehle waale se sawal kiya,

"Yaar maine to socha ki aaj raat bas sharab aur kabab se hi kaam chalana padega lekin uparwale ne toh shavaab bhi bhej diya yaar kya haseen Bala hai? Upar se akeli tune pakka dekh liya tha wo akeli thi"

"Haan yaar ab chodh in baato ko chal saali ko apne rang mein dhaal lete hai"

"Pagal hai kya agar koi lafda ho gaya toh"

"Abey kutte yaha aas paas koi rehta hai jo yaha dekhne aayega ki kya ho raha hai? Dekh ladki madad ki imdaad mein thi modern bhi hai thoda insist karke pilaa dete hai aur jabtak kal Nasha utarega oose kuch yaad nahi karega aur humhe kya? Apna matlab to pura ho jayega"

"Lekin agar usne drink nahi kiya toh"

"Toh ghee tedhi ungli se nikaalna mujhe aata hai"

Dono shaitani hassi hassne lage, dono ne plan banaya ki pehle ranjana ko wo peene ke liye manayenge jab wo nahi maanegi toh fhir wo uske saath zabardasti karenge, kyunki nashe mein wo itne andhe ho gaye ki apne hawas ke liye wo kisi bhi had tak jaa sakte they,

Dono jhumte larkharaate nashe mein aur churr hokar ranjana ke kamre ka darwaja khatkhatane lage, ranjana hadbadaakar jo apne bistar par baithi huyi aage ke liye soch rahi thi wo ekdum se uth khadi huyi usne jab darwaja khola to saamne oose wo dono nashe mein dhut mile unse sharab ki mehek aa rahi thi,

"Can we have a drink together c'mon akele akele baithi bore ho jaogi"

"Even we have some beverages for u kuch khaa pee lo shayad bhooki hogi"

"N...nahi mujhe kuch nahi chaiye aap log yaha se jaiye dekhiye main drink nahi karti aur mujhe bhook nahi hai"

"C'mon baby I mean c'mon friend ek sip to banta hai aaj mera birthday hai so why don't u join us? Aaj raat ki hi to baat hai dekho hum tumhe company dena chahte hai"

Ranjana ko ab unke iraade samajh aane lage they, ranjana ne darwaja lagana chaha to unhone darwaja thel ke khol diya ranjana ki pakad hati aur wo sidha farsh pe gir padi,

"Aap log hosh mein nahi hai y..ye sab kya kar rahe hai aap log?"

"Hahaha abhi toh kuch kiya hi nahi hai baby"

Ranjana ne unke Geraft mein aane se pehle usne hathapayi shuru kar di, aur unhe dhakka dete huye kamre se nikalne mein kamyab ho gayi wo jab darwaje ke paas aayi to bahar jaane ke darwaje par usne mota taala latka dekha tha, yaani wo fass chuki thi, ranjana ulte pao bhaagi is baar usne sidiya tayy ki aur upar ke maale par pahuchi wo dono tahaka lagaate hasste dost uske piche they wo jante they waha se bhaag nikalna ranjana ke liye namumkin tha kyunki main darwaja ek hi tha jispar waqt rehte un dono ne taala laga diya tha,

Aadhi raat ke paar waqt tha, bahar hawaaye tej chal rahi thi, ranjana kisi tarah us kamre ka darwaja lagaaye khidki kholkar bahar jhaakne lagi bahar ka manzar kaafi bhayavah tha, aur uchaai kafi had lambi thi ranjana ko uchaai se darr lagta tha usne ek pao bahar nikaal kar fhir bhi koshish ki lekin koi zariya nahi tha niche pahuchne ka siwaay kudne ke, isse pehle wo koi faisla le paati kamre ke darwaje ko wo dono zor zor se peetne lage, ranjana badhawas bhauklaayi sihami apne anjaam se kuch samajh nahi paa rahi thi ki wo kya kare?

Wo ulte pao kamre mein pahuchi aur usne bathroom ka darwaja lagana chaha, lekin isse pehle wo darwaja lagaa paati kamre ka darwaja todte huye wo dono jhapat kar ustak pahuch chuke they, ranjana ab unke Geraft mein thi,

"Chodho mujhe jaane do I am begging u"

"Hahaha ye toh pehle sochna chahiye tha my love"

Ranjana ne bahut minnatein ki bahut fariyad lekin wo dono nashe aur hawas mein itna andhe ho chuke they ki wo ye nahi jante they ki unke haatho se kya ghatne wala tha?

Ranjana lekin unke changul chutne ki naakam koshish karne lagi aur usi pal usne puri taqat se dono ko dhakka diya aur unki pakad dheeli hote hi usne paas rakhkha botal pehle shaks ke sar pe de maara, khanaak ki awaz ke sath shesha tutke farsh pe bikhar Gaya aur wo apne sar ke khoon se tar zakhm ko pakada wohi karhaaye zameen pe tadapne laga,

"Teri ye majaal ruk saali"....dusra aadmi baagh ki furati se ranjana pe jhapta uska saara Nasha utar chuka tha ab wo aur zyada qeher banke ranjana pe tutne wala tha

Ranjana chillate huye bhaagi lekin uski pakad se bach na paayi us aadmi ne oose aundhe munh paani se bhare bathtub mein gira diya, jis wajah se ranjana ka sar hemam ke kaggar se jaa laga aur uska matha phat gaya aur jism paani mein dub gaya

Wo dusra aadmi paani ke rang ko laal mein tabdil hote dekh usne oose hadbada mein uthaaya toh paaya uske maathe se khoon beh raha tha par wo sirf behosh huyi thi, ranjana ko kandhe par uthaate huye usne oose bistar par le jaake faika aur fhir apne ghayal dost ko uthaane laga,

"Saali behosh hai marri nahi"

"Aahh sss bloody bi##h sar se khoon beh raha hai saali ko aisi saja denge ki zindagi bhar yaad rakhegi saara Nasha utaar diya kameeni ne"

"Ab niche Jaa ghunt maar nasha chadha aur mere liye bhi sharab ki botal laa aur sun niche drawer mein first aid hai jaake theek kar khoon beh raha hai"

Ranjana ko behosh haalat mein dekh wo dono uthe, ek ne uske behte sar phate zakhm ka muana kiya

"Chot gehri hai zyada khoon baha toh!"

"Abey jyada soch mat jaa niche aur jaldi waapis aa acha hai ab iske behoshi haalat ki wajah se ye haath pao nahi maaregi aur ab toh apni chot se kamzor bhi ho gayi hai agar zyada tamasha banaya toh gala ghotke yahi maar dunga isko"

"Abey gussa mat kar waise bhi itni raat gaye is tufaani raat mein kaun iski awaz in veerano mein sunne aayega"

"Haha himmat toh thi nahi iski yaha se niche chalang lagaane ki isliye toh dhar li gayi, aur agar gir bhi jaati to apna hi nuksaan karti kahan maari maari fhirti hahaha ab chal tu nikal"

Bijliya kadak uthi uska dost apne phate peshani ko rumaal se dabaye niche chala gaya tabtalak us aadmi ne bistar pe baithe baithe ek naya cigarette sulga liya usne paas rakhke kapde ko jaakar geela kiya aur usse behosh ranjana ke maathe ko ponchne laga zakhm gehra tha aur khoon ab bhi nikal raha tha ranjana kasmasane lagi

Wo dheere dheere hosh mein aane lagi toh oose apne sar pe khade us aadmi ka nazara hua, uski aankhe khauff se bhar uthi us aadmi ne dhair saara cigarette ka dhua uske chehre pe ugal diya, ranjana khass uthi usne rote huye apne haath pao maare lekin uske mazbut pakad se wo is baar kuch na kar paayi

"Mere dost ko chot pahuchayi tune ab dekh main tera kya hashr karta hai? Ache khaase mood ko aag laga di tune ab iska hisaab chuka"

Ranjana fariyad karti reh gayi lekin wo haivaan bankar uspar puri tarah savaar tha, bas pure kamre mein ranjana ke rone aur uski tahaka lagati hassi gunz rahi thi, niche apne maathe pe Patti baandhe ghumad ko tatole larkharaye gungunaate huye upar ke kamre se aati awaaze sun wo mannn hi mann khush hota sidiya chadhta upar aaya, usne darwaja khola to tabtak usne apne saamne apne dost ko khada paaya jo baddhi hassi hasta apne shirt ko pehen raha tha,

"Chal ja tu andar farig hoke mujhse niche milna hahaha botal laaya"

Botal thamaate huye uska dost andar aaya jaha bistar par oose ranjana bure haalat mein mili wo Haivaano ki tarah gulabi aankho se ooske badan ko ghurta uske paas aane laga ranjana oose manaa karne lagi, piche se uske dost ne muskurakar darwaja jor se bhaid diya

Bahar bijli ek paid par jaa giri kahi dur jungli kutto ki ek sath rone ki awaz aa rahi thi, sidiyo se larkharaye nashe mein dhut wo aadmi apne dost ka intejar karne laga jo upar ranjana ke sath apni hawas shaant kar raha tha,

Bahar tufaan thamne ka naam nahi le Raha tha, hawaaye zoro se chal rahi thi, tabhi uska dost hadbadaya uske kareeb pahucha usne apne nashe mein dhut dost ko jhinjhoda

"Abey kya hua? Itne jaldi kyu aa gaya?"

"Bhai re uski haalat behad kharab hai"

"Toh kya hospital le jaaye oose?"

"Yar mujhe to Darr lag raha hai agar usko kuch ho gaya aur uske gharwale oose dhundhte huye aa gaye"

"Kaun janta hai ki wo yaha aayi thi? Aur sun hum oose jaante nahi isliye sochna chodh wo yaha ki lagti bhi nahi tu ek kaam kar chal mere saath"

"Kya? Tu kahi oose thikaane?"

"Wo to aise bhi marr jayegi aur agar kahi uski laash police ko mil gayi to hum fassenge"

"Theek hai waise bhi yaha paas mein ek veeran jheel hai wohi chalte hai"

Dono ne wohi Kiya jo unka plan tha, upar aakar unhone ranjana ke nange jism ka muana kiya jagah jagah kharoch aur daanton ke kaatne ke nishaan they laash milate hi police ko samajh jaana tha aur agar subah tak unka naukar aaya to aur bhaari musibat, par us waqt bhi ranjana zinda thi lekin uski haalat kharab thi, un dono ne sharaab ki botal uthaayi aur ek ne ranjana ko sar se uthaaya

"N..nahii nahiii"....badhawas marri awaz mein ranjana unhe rok na paayi

Aur unhone oose zabran sharaab pilaa di is qadar ki sharaab uske munh se aadhe se zyada behkar gir gaya, uski nazare tehri hi reh gayi, ek dost ne uske nabz ko tatola toh dusre ne uske mare jism ko chodh diya, uske honth se ek qatraa khoon nikal gaya, uski pathrayi aankho ko wo dono kuch dair tak yu hi andhere mein ghurte rahe,

Kuch dair baad ranjana ki laash ko un dono ne carpet mein mod diya, fhir us carpet aage piche se uthaaye laash ke bhoj ke saath wo sard kohre ki us tufaani raat bahar nikle, unki nigah ranjana ke kharab gaadi par huyi sabse bada sabut wo bhul hi chuke they, unhone gaadi ka muana kiya usmein petrol nahi tha unhone apni gaadi se usmein petrol bhara fhir gaadi start ki aur laash piche backseat par laita di, aur fhir jheel tak wo dono pahuche, wo jheel ke paas ek daldal ko dhundhe jiska malumat unmein se ek ko tha, ab unka kaam aur aasan tha, carpet ko kholkar unhone laash ko front seat pe baitha diya, ignition mein chaabi daale rakhi aur accelerator pe pao dabakar unhone bare chaalaki se gaadi se khud ko nikaal liya, gaadi sidha daldal mein jaa dubi aur uske baad bulbule chodhti gaadi dhasti gayi, aur uske baad unhe gaadi nazar na aayi, aur is tarah ek haulnaak qatal ko anjaam dekar unhone ranjana ki laash ko thikaane laga di,

Jab khyalo se Siddharth bahar aaya to wo waqayi ranjana ke liye bahut bura mehsus karne laga lekin wo ab bhi siham raha tha oose yakeen nahi ho pa raha tha ki ranjana marrkar bhi zinda thi,

"I am sorry ranjana b..ut tum jinki baat kar rahi ho unmein se ek is ghar ka pichla maalik tha oosi se shayad mere dad ne ghar kharida tha aur yakeen maano wo zinda nahi hai ek plane crash mein uski maut ho chuki hai kuch saal pehle hi aur main nahi janta ki uska dost ab kahan hai?"

Ranjana ghurrane lagi uska pura chehra jo surkh safed tha laal hone laga aisa maano jaise uska khoon abhi phatke nikal jayega, Siddharth buri tarah darrkar khamosh ho gaya

Uski ankhe badi badi ho gayi kyunki ranjana ne jab apna munh khola toh jaise saanp ke nukile lambe daat ooske dikhne lage, ranjana ka chehra uske behad kareeb aane laga tha behad kareeb,

Tabhi Siddharth ki ek haulnaak cheekh pure fizaayo mein gunz uthi aur sangmarmar ke un farsho par khoon fawaare ki tarah charo taraf bikhar Gaya....