Ghazal - Kaka Gill

Ghazal
Kaka Gill

bahaare naa badal aje lathyaa naheen meraa chaa।
reejhaan adhooreeaan par thhandaa pai gyaa teraa taa।

aj naa toon jaaeen mere mehboob ne aaunhaa
phul naa je khirhe uhade dilon nikalanhee dhaa।

kal naa jaaeen main phulaan de haar paroke
mehboob noon milanh jaanhaa laggyaa je daa।

parson naa jaaeen main kaleeaan mul lainheeaan ne
lainheeaan jaroor ne chaahe vikanh jindagee de bhaa।

juaanee de vare naa jaaeen minnat karaan teree
je chalee gaeeon aashikaan dee lagg jaanhee haa।

is umare naa jaaeen ih pal hor baakee
hasadiaan mar jaanaan je naa toon laaven ddhaa।

ਗ਼ਜ਼ਲ
ਕਾਕਾ ਗਿੱਲ

ਬਹਾਰੇ ਨਾ ਬਦਲ ਅਜੇ ਲੱਥਿਆ ਨਹੀਂ ਮੇਰਾ ਚਾਅ।
ਰੀਝਾਂ ਅਧੂਰੀਆਂ ਪਰ ਠੰਡਾ ਪੈ ਗਿਆ ਤੇਰਾ ਤਾਅ।

ਅੱਜ ਨਾ ਤੂੰ ਜਾਈਂ ਮੇਰੇ ਮਹਿਬੂਬ ਨੇ ਆਉਣਾ
ਫੁੱਲ ਨਾ ਜੇ ਖਿੜੇ ਉਹਦੇ ਦਿਲੋਂ ਨਿੱਕਲਣੀ ਧਾਅ।

ਕੱਲ ਨਾ ਜਾਈਂ ਮੈਂ ਫੁੱਲਾਂ ਦੇ ਹਾਰ ਪਰੋਕੇ
ਮਹਿਬੂਬ ਨੂੰ ਮਿਲਣ ਜਾਣਾ ਲੱਗਿਆ ਜੇ ਦਾਅ।

ਪਰਸੋਂ ਨਾ ਜਾਈਂ ਮੈਂ ਕਲੀਆਂ ਮੁੱਲ ਲੈਣੀਆਂ ਨੇ
ਲੈਣੀਆਂ ਜਰੂਰ ਨੇ ਚਾਹੇ ਵਿਕਣ ਜਿੰਦਗੀ ਦੇ ਭਾਅ।

ਜੁਆਨੀ ਦੇ ਵਰ੍ਹੇ ਨਾ ਜਾਈਂ ਮਿੰਨਤ ਕਰਾਂ ਤੇਰੀ
ਜੇ ਚਲੀ ਗਈਓਂ ਆਸ਼ਿਕਾਂ ਦੀ ਲੱਗ ਜਾਣੀ ਹਾਅ।

ਇਸ ਉਮਰੇ ਨਾ ਜਾਈਂ ਇਹ ਪਲ ਹੋਰ ਬਾਕੀ
ਹੱਸਦਿਆਂ ਮਰ ਜਾਣਾਂ ਜੇ ਨਾ ਤੂੰ ਲਾਵੇਂ ਢਾਅ।