Guaachi Risham (Lost Ray of Light) - ਗੁਆਚੀ ਰਿਸ਼ਮ:Love Poetry in Punjabi

ਗੁਆਚੀ ਰਿਸ਼ਮ
ਕਾਕਾ ਗਿੱਲ

ਰਾਤ ਦਾ ਸਫ਼ਰ, ਹਨੇਰੇ ਦਾ ਨਾਚ
ਮੁੱਖੋਂ ਖ਼ੁਸ਼ੀ ਦੀ ਗਈ ਰਿਸ਼ਮ ਗੁਆਚ

ਖ਼ੁਸ਼ੀ ਦੀ ਖ਼ੁਸ਼ਬੋ ਕਿੱਧਰੇ ਰੋ ਪਈ
ਮਿਠਾਸ ਮਿਸ਼ਰੀ ਦੀ ਬੇਮੌਤੇ ਮੋ ਗਈ
ਕਰੇਲੇ ਦੀ ਕੁੜੱਤਣ ਦਿਲੀਂ ਵਸੇਰਾ ਕੀਤਾ
ਭੁੱਲ ਗਏ ਅਚਾਨਕ ਚੁੰਮਣ ਦੇ ਸੁਆਦ

ਤੁਸੀਂ ਅਜਨਬੀ ਬਣੇ ਫਿਰ ਤੋਂ ਬਗਾਨੇ
ਅਣਡਿੱਠੇ, ਅਣਸੁਣੇ, ਮੱਧਮ ਦੂਰ ਗੂੰਜਦੇ ਤਰਾਨੇ
ਕੁਝ ਸਰਸਰੀ ਪੱਤਰ ਅਣਜਾਣਾਂ ਵਾਂਗੂੰ ਲਿਖ
ਕਰ ਲੈਨੇ ਮੈਨੂੰ ਬੱਧਾ ਰੁੱਧਾ ਯਾਦ

ਲਾਪ੍ਰਵਾਹੀ ਦੀ ਵਜ੍ਹਾ ਦੱਸੋ ਤਾਂ ਸਹੀ
ਤੁਹਾਡੀ ਚੁੱਪ ਖਮੋਸ਼ੀ ਸੁਣਾਉਂਦੀ ਗੱਲ ਅਣਕਹੀ
ਵਿਹੜੇ ਦੀ ਕੁਆਰੀ ਕਿਰਨ ਵਸਲ ਭੁਲਾ
ਮੇਲ਼ ਦੀ ਅਣਗੌਲ਼ਾ ਕਰ ਰਹੀ ਫਰਿਆਦ

ਅੱਖਾਂ ਬੰਦ ਕਰਕੇ ਤੁਹਾਨੂੰ ਮੈਂ ਸਿਰਜਦਾ
ਮੇਰੇ ਕੰਨਾਂ ਵਿੱਚ ਬੁਲੰਦ ਹਾਸਾ ਗੂੰਜਦਾ
ਕਲਪਨਾ ਵਿੱਚ ਸੁਣਦਾ ਰਹਾਂ ਤੁਹਾਡੀ ਹਾਕ
ਬੁੱਲ੍ਹੋਂ ਅਨੰਦ ਮਈ ਸੁਰ ਕੱਢਦਾ ਸਾਜ

ਹਾਰੀ ਬਾਜ਼ੀ ਦੋਸਤ ਅਸਾਂ ਅਪਣਾਵੇ ਦੀ
ਯਾਰੀ ਨਿੱਕਲ਼ੀ ਕੱਚੀ, ਖੋਖਲ਼ੀ, ਸੁਣਾਵੇ ਦੀ
ਮੱਠਾ ਪਿਆ ਚਾਅ ਕਲੋਲਾਂ ਕਰਨ ਦਾ
ਤੈਨੂੰ ਧਿਝਾਣ ਦੀ ਭੁੱਲ ਚੱਲਿਆਂ ਜਾਚ

ਹਾੜ੍ਹ ਨੇ ਖਿਲਾਰੀ ਗਰਮੀ ਦੀ ਭੜਾਸ
ਆਖਰੀ ਮੇਨਕਾ ਘੜ ਨਿਰਾਸ਼ ਬੁੱਤ ਤਰਾਸ਼
ਬੈਠਾ ਸ਼ਮਸ਼ਾਨਾਂ ਦਾ ਰਾਹ ਘੋਖੀ ਜਾਂਦਾ
ਜੀਵਤ ਪੱਥਰ ਫਿਰ ਤੋਂ ਬਣੇ ਲਾਸ਼

Guaachee Risham
Kaka Gill

raat daa safar, hanayray daa naach
mukhon khushee dee gaee risham guaach

khushee dee khushabo ki dharay ro paee
mitthaas misharee dee baymautay mo gaee
karaylay dee kurhatan dileen vasayraa keetaa
bhul gaay achaanak chummanh day suaad

tuseen ajanabee banay dhir ton bagaanay
anhditthay, anhsunhe, maddham door goonj day taraanay
kujh sarasaree patar anajaanaan vaangoon likh
kar lainay mainoon ba dhaa ru dhaa yaad

laapravaahee dee vajhaa dasso taan sahee
tuhaadee chupp khamoshee sunhaaun dee gall anhkahee
viharhay dee kuaaree kiran vasal bhulaa
mayll dee anhgaulaa kar rahee faryaad

akhaan ban d karakay tuhaanoon main siraja daa
mayray kannaan vich bulan d haasaa goonja daa
kalapanaa vich suna daa rahaan tuhaadee haaka
bulhon anand maee sur kaddha daa saaj

haaree baazee dosat asaan apanaavay dee
yaaree nikallee kachee, khokhallee, sunaavay dee
matthaa piaa chaaa kalolaan karan daa
tainoon dhijhaan dee bhull challyaan jaach

haarhh nay khilaaree garamee dee bharhaas
aakharee Menaka gharh niraash but taraash
baitthaa shamashaanaan daa raah ghokhee jaan daa
jeevat pathar fir ton banay laash