Hasratein jo dil mein baki hain

Ek sham dekha jab apne aap ko darpan mein
Ek chandni najar ayee apne kale balo mein

Sochne laga kaise gujar gayee umar anjane mein
Kya khoya, kya paya, lag gaya hisab lagane mein

Abhi kal ki hi to bat thhi jab javan hum bhi huye
Umange javan hoti thhi kai arma nada dil mein liye

Kai prem patra likhe thhe, par na de paye kissi ko
Gulab roj kharede thhe, par na de paye thhe kabhi unko

Sahej ke sab rakhe hain, aaj tak unko almari mein
Bas dekh lete hain, kabhi kabhi un sabko bhoole se

Samay ka pher aisa hai, na jan paye, na samajh paye
Bas apnee jeevan ki uljhano mein har pal rahe khoye

Abhi bhi sochta hoon, jo na kar paya usse ab kar loon
Hasratein jo dil mein baki hain, puri unhe sab kar loon

Ye soch soch ke, dil mein purani hook uthane lagi hai
Soi soi tammanayein, aaj phir se yakayak jagne lagi hai
 

waah nand ji bohut khub

thanx Saahill ji

thanx hriday ji