INTEJAAR

                   INTEJAAR

   (kripya is rachna ko poora paden-thank you)
 

is duniaa mein intejaar bhala kaun nahin karta hai
darasal har koi har vaqt  intejaar mein hi rahta hai.

ration ki line mein ration ka intejaar,
neta ki sabha mein bhashan ka intejaar.

pratyashi ko chunav mein vote ka intejaar,
kai martaba vote ke liye note ka intejaar.

netaon ko chunav ke ticket ka intejaar,
baller ko girne vali wicket ka intejaar.

batsman ko chhakke aur chauke ka intejaar,
chor-uthaigire ko kisee mauke ka intejaar.

garib ko ek vaqt ki roti ka intejaar,
seth ko sada aasaami moti ka intejaar.

juaari ko hamesha acche patton ka intejaar,
pahalvan guru ko acche patthon ka intejaar.

dukaandaar ko hamesha grahak ka intejaar,
coach ko sada achhe dhaavak ka intejaar.

tailor ko pant aur kameej ka intejaar,
doctor ko hamesha mareej ka intejaar.

bus ki que mein aane vali bus ka intejaar,
bhanvara sad karta kali ke ras ka intejaar.

pote-potiyon ko dada-dadi ki kahani ka intejaar,
kishor/kishoriyon on ko aati jawzani ka intejaar.

ticket-ghar pe apni bari ka intejaar,
raahi ko achhi savaari ka intejaar.

mareej ko achhi dawaai ko intejaar,
patniyon ko kamvali bai ka intejaar.

saas ko har vaqt jamaai ka intejaar,
patni ko pati ki kamaai ka intejaar.

bahu ko apni saas ke jane ka intejaar,
ruth kar pati ke manaane ka intejaar.

sangeetkar ko nai angreji dhun ka intejaar
geetkaar ko kisi nai tunak tun ka intejaar.

diabites ke patient ko mithaai ka intejaar,
baigerat insan ko apni dithaai ka intejaar.

pyaar karne valon ko apni sagaai ka intejaar,
bina gauna mardon ko apni lugaai ka intejaar.

baag mein nayak ko nayikaa ka intejaar,
duet mein gayak ko gayikaa ka intejaar.

painter ko nai painting ke hit hone ka intejaar,
lekhak ko agli panktiyon ke fit hone ka intejaar.

matlab ye ki yahan har koi har vaqt intejaar mein rahta hai,
safalta mile ya na mile hamesha intejaar to karna padta hai.

       ( ab mujhe aap sab ke comments ka intejaar....)

ghansham das ahuja

Or ye intizar kabhi zanlewa or kabhi khusiyo bhara hota h.
Or sayad bina intizar k jo khusi mil jaye usme maza hi nahi aata to thora bahut intizar to jaroor hona chahiye...
...


Jis tarah se aapne es intizar ko hamare samne pesh kiya h wo kabile-ae-tareef h.
Hamari daad kabool kare....
Esi tarah likhte rahe...
Aate rahe....
Khush rahe...

bahut khoob ahuja jii.....truly said....:clapping:clapping:

Intezaar bahot khoob ....ek achi rachna par badhai!!!

sahi kaha aapne ,intezaar ka apna hi maja hota hai ,rachna aapko 
pasand aayee achha laga tareef ke liye shukriya

lekhak ko sacchi pratikriya ka intejaar,
pathak ko sada achhi patrika ka intejaar.
ghansham das ahuja