Mere Dosto Ki Bhojai (Meri Ex Girlfriend)

by Ishq007 on July 27, 2013, 10:44:13 PM

Pages: [1]

Author

(Read 4021 times)

Poem Dedicated For All The Boys Who Fell in Love With The Girls..... And Girls Actually Tell them They Are Just Friends...... So Lets Start This Emotional Attyachaar Poem For All The Ex Girls Out There From All the Heart Broken Lovers....

Poem Name is "Meri Ex Girlfriend"
Shudh Hindi mein Bola Jaaye Toh "Mere Dosto Ki Bhojai"

College Ka Woh Doosra Din Tha, Fsana Meri Kismat Mein....
Uski Friend Aai Nahi thi College, Aa Ke Woh Baithi Mere hi Bagal Mein....

Main Bhi Ho Gaya Khush, Ab Jaise Hi Maine Baat Chalayi....
Baaton Se hi Pata Chala Woh Toh B.TECH Kerke hai aayi....

Maine Kaha I am An Engniyar, Sunke Uske Chehre Pe aai Jo Muskaan....
Bas Tabhi Maine Thaan Liya, Bete Yehi Banayegi Tere Dil Mein Pyaar ka Makaan....

Uski Baat Mere Saath, Hui Itni Speed Mein Interaction....
Ki Ek Hi Hafte Mein aa Gaye Airtel ke Do naye Connection....

Dosto Ne Bola Tu Hai Dude , Aate hi Ladki Kaise Pata Gaya....
Hume Toh lagta tha Tu Fishadi , Aisa Karishma Kaise Dikha Gaya...

Kuch hi Dino Mein Aayi Freshers Party, Nashe Mein maar dia Maine Use Propose....
Bas Wahi Ho Gayi Galti Mere Yaaro, Aaj Tak kerta hu Us propose ka afsoos....

Waise Toh Hoon main Chaalu Insaan, Par Woh mere Se badi Khiladi Thee....
Woh kehte hain na LOVE IS BLIND, Shayed Mujhe bhi wohi Bimari thee....

Uski Senti Baatein Sunke Main Toh Fisalta hi Jaa Raha Tha....
Woh Khati thee Mc Donald ka Burger Aur Main kasme Khaata Jaa Raha tha....

Bekaar Sadi Movies Bhi Do Do Baar Dikhaya Kerti Thee....
Jab Ticket Lene Ki Baari Aaye ..Toh Washroom mein Ghus Jaaya Kerti Thee....

Jaanu Yeh Khilao, Jaanu Yeh Dilao , Jaanu Ne Jaan Nikal Di Thee Meri....
Driver Woh Bhi Without Salary ki Naukri Lag Gayi Thee Meri....

Agar Jhoot Bolne Ka Milta Inaam , Toh Noble Prize Jeeta Tha Usne....
Aur Agar Pyaar Mein ugte Hote Jo Singh, Toh Baara Singha Ban Jaata Main....

Jald Hi Aaya Mere Lutne ka Din, Uska B-Day Jo aa Gaya Tha....
Apne Liye Kerta Tha Soch Ke Kharcha, Uske Liye Credit Card Chala Raha Tha....

Zyada DUDE Banne Ka Nuksaan Toh Mujhe Ab Samjh Aa Raha Tha....
Kyonki SHOPPING, MOVIE, PARTY Ka Kharcha 10 Hazaar Paar Jaa Raha Tha....

Maine Bhi Socha Chal koi Nahi, Pyaar Mein Yeh Sab Chalta hai....
Par Yeh Nahi Jaanta Tha, Aisa Pyaar Zyada Din nahi Chalta Hai.....

Ab Ek Din Pata Chala Uske Toh Chal Rahe Hain AUR TEEN AFFAIR....
Koi Le jaata hai Car Mein LONG DRIVE, Toh Koi Le Jaata hai BIKE PE TRADE FAIR....

Jaise Taise TOOTE DIL se maine DOSTO ko poora kissa Bataya....
Kuch Ne Toh Mere Saath GUM baanta Baakiyon Ne JAM ke Mazak BANAYA....

Yehi Soch Ke Chup Raha Ki FUTURE KE LIYE kuch lesson Mil Gaya....
Mere Saath Jo Hua So Hua .. Dosto Ko Toh ENTERTAINMENT mil Gaya....

Us do mahine ki LOVE STORY ka ho gaya tha TRAGIC END....
Pyaar ke naam pe Timepass Bas yehi hai aaj ka TREND.....

Us din Samjh Aaya Mujhe PYAAR mein insaan Kitna LAACHAAR hai....
Sarkaar Aur Desh hi Toh Chodo yahan Toh PYAAR mein bhi BHRASTACHAAR hai.....

Aakhir ki Chaar Lines Hain Zara Gaur Se Sunna Kaam Aayengi.......

Sach Kehta hu Mere Dosto MAA KASAM KHARCHA bahut kara Gayi....
Maine Lena Tha IPHONE Woh bhi Char Mahine Delay Kerwa Gayi....

Esi Liye Kehta Hu Jaldbaazi mein nahi Dekh Ke Soch ke Samjh ke Pyaar Karo.....
Aur Jiskaa Pyaar Samjh Na Aaye Use Door Se Namaskaar Karo..........

Jump to:

Quick Reply

With a Quick-Reply you can use bulletin board code and smileys as you would in a normal post, but much more conveniently.