bekarar
Poetic Patrol
Yoindian Shayar
Rau: 4
 Offline
Gender: 
Waqt Bitaya:53 days, 9 hours and 51 minutes.
Posts: 3738 Member Since: Oct 2005
|
|
|
|
naamroop ke bhed pe kabhi kiya hai gour,
naam mila kuch aur to akl-shakl kuch aur,
shakl-akl kuch aur,"nayansukh" dekhe kaane,
"babu sundarlal" banaye ainchaktaane,
kahe kaka kavi "dayaram ji" maren machchar,
"vidyadhar" ko bhains barabar kala akshar,
"munshi chandalal" ka tarkol sa roop,
"shyamlal" ka roop hai jaise khilti dhoop,
jaise khilti dhoop, saje bush-shart pent me,
"gyanchand" chah baarfail ho gaye tenth me,
kah kaka"jwalaprasad ji" bilkul thande,
"pndit shantiswaroop" chalate dekhe dande,
"chatursen" budhdhu mile, "budhsen" nirbudh,
"shree anandilal ji" rahen sarvda kroodh,
rahen sarvda kroodh, master chakkar khate,
insaano ko "munshi totaram" padhate,
kahe kaka "balveer singh ji" latte hue hain,
"thansingh" ke saare kapde fate hue hain,
aakul-vyaakul dikhte sharma "parmanand"
kaam adhoora chod kar bhage "puran chand"
bhage puran chand, "amar ji" marte dekhe,
"mishri babu" kadvi baaten karte dakhe,
kah kaka "bhandaar singh ji" reete thothe,
beet gaya jeevan "vinod" ka rote rote,
"sheela jiji" lad rahi, "sarala" karti shor
'kusum' 'kamal' 'pushpa' 'suman' nikli badi kathor,
nikli badi kathor 'nirmla' man ki maili,
'sudha' saheli 'amritabai' milin vishaili,
kah kaka kavi 'lajjavati' dahad rahi hai,
'darshan devi' lamba ghunghat kaad rahi hai,
poonch na aai inch bhi kahlaate 'hanumaan'
mile na "arjun lal" ke ghar me teer-kaman,
ghar me teer-kaman, badi karta hai "neka"
"teerth-raj" ne kabhi elahabaad na dekha,
'satya-pal' kaka ki rakam dakar dhuke hain,
'vijay singh' dus baar election haar chuke hain,
naam dham se kaam ka kya hai samnjasy,
kisi party ke nahi 'jhanda ram' sadasy,
'jhndaram' sadasy, bhagy ki mite na rekha,
"swarnsingh" ke haath kada lohe ka dekha,
kah kaka kavi 'kharelal ji' nikle khote,
is kalyug me naam bade aur darshan chote
KAKA HATHRASI
|
on eTI community..
