sar say kam ho gaya balon ka wabaal acha hai:Mazahiya Shayri(Funny Shayari)

shafqatullah

Guest

sar say kam ho gaya balon ka wabaal acha hai
runuma honay laga rukh pay jalaal acha hai

jo hamain bakhsha hai qudrat nay kamaal acha hai
raas ayengay mujhay topi roomaal acha hai

ek muddat say rahay hain ye meray sar pay sawar
sar charhi cheez pay aaya hai zawaal acha hai

ab kinaron pay nazer aatay hain sarhad ki tarah
or kuch rooz rahengay ye bahaal acha hai

iis say pehlay k ye aasaar-e-qadeema hojayen
iis ujarti hui kheti ko sambhaal acha hai

hamnawa kehtay hain ab sar ko meray chikna ghada
baat achi nahin andaaz-e-misaal acha hai

hai Ghanimat k salamat hai hamari darhhi
iis Khabar say meray hajjam ka haal acha hai

ye burhhapay ka aqeeqa hai faqat farq ye hai
iis main kartay nahin bakray ko halaal acha hai

aaina dekhoon to hoti hai tabiyaat bhari
rukhsat-e-baal pay thora sa malaal acha hai

jab koi poochhta hai baal k jhrhnay ka ilaaj
sar khuja kar main ye kehta hoon sawaal acha hai


	Logged

Similar Poetry and Posts (Note: Find replies to above post after the related posts and poetry)
	Acha tha by muneeb in Shayri-E-Dard
	2004 , GUZAR GAYA ! KISI KA KIA GAYA , OR KISI KA KIA GAYA ? by SADIQA JAWED in Shairi - E - Zindagi
	Acha Hoa.... by Qutubuddin in Ghazals
	Banke Gajra Tere Balon May... by Iqtedar in Shayri for Khumar -e- Ishq « 1 2 3 All »
	BaloN ko tu sanwar --- Kumaar by kumaar in Shayri for Khumar -e- Ishq

shafqatullah

Guest

Re: sar say kam ho gaya balon ka wabaal acha hai

«Reply #1 on: November 16, 2008, 03:01:40 PM »

aashiq jo chahte they wohii kaam ho gaya
kil-kil se roz-roz ki, aaraam ho gaya
kahne lagii haiN jabse ghazal aourteiN janab
mardoN se guftagoo ka ghazal naam ho gaya

hamaari biiwii yah boliiN hamare bachchoN se
tumharey paapaa gham-e-alfiraq de deiN ge
woh jab bhi kahte haiN ghar ko banooNga jannat
maiN sochti hooN mujhe woh talaq de deiN ge

dhooNda bahot janab na wahdaaniyat milii
insaN mile hazaar, na insaniyat milii
har shaiy meiN ekhtelaaf mila aapki qasam
bas ''railway'' ki chaaye meiN yaksaniyat mili


	Logged

sajid_ghayel

Guest

Re: sar say kam ho gaya balon ka wabaal acha hai

«Reply #2 on: November 17, 2008, 11:46:02 AM »

dono hi pesh kash bohat achchi thi shafqatullah jis tarah kudrat ne tumhare baal nikal ke rakh diye usi tarah tumne apna dil nikal ke rakh diya waise muje yeh line bohat achchi lagi "Main sochti hu muje woh talak de dege" khushi aur hasi dene ka bohat shukriya

itne diye khuda ne baal hame ke ab yeh aalam hain
biwi ki zulfo me hum nahi hamari zulfo me biwi ulajh jati hain
aur kabhi kabhi peeche se bina mera muh dekhe
meri beti muje abba ki jagah ammi kehke bulati hain

-sg-


	Logged

Pooja

Guest

Re: sar say kam ho gaya balon ka wabaal acha hai

«Reply #3 on: November 17, 2008, 06:03:47 PM »

nice sharing shafqatullah
nice lines SG


	Logged

sajid_ghayel

Guest

Re: sar say kam ho gaya balon ka wabaal acha hai

«Reply #4 on: November 18, 2008, 01:06:43 PM »

thanks pooja


	Logged

bekarar

Poetic Patrol
Yoindian Shayar

Rau: 4

Offline

Gender: Male

Waqt Bitaya:
53 days, 9 hours and 51 minutes.

Posts: 3738
Member Since: Oct 2005

Re: sar say kam ho gaya balon ka wabaal acha hai

«Reply #5 on: April 29, 2009, 10:25:31 AM »

bahoot hi shandaar likha hai shafq ....funny me itni behtreen rachna...aur koi response nahi.....mai to khud kaafi der se aaya mafi chahta hun......par aapki rachna ne itna gudgudaya mujhe ki ki laga dere aaye durust aaye...bahoot achche janab....maza aa gaya..


	Logged

Pages: [1]

Yoindia ShayariAdab > Shayri ( Poetry ) or Shayari > Mazahiya Shayri(Funny Shayari) > Topic: sar say kam ho gaya balon ka wabaal acha hai