Shayad uss khabar ka hi usse intejar hai

Subah baithe balcony mein chai pee raha thha
Akhbar hath mein liye padhne ki soch raha thha

Tabhi paros ke sharma ji daurte huye aaye
Humare hath se akhbar turant le jhapte

Humare bina bole hi kursi par baith gaye
Akhbar ko khol padhne mein vo lag gaye

Adha ghante tak vo akhbar chatate rahe
Page par page jane kyon palatate rahe

Phir akhbar mej par rakhte huye hansse
Maf karna shreeman kehte huye chal diye

Humne socha akhbar bad mein padhenge
Nahane ke bad nashta karte huye padhenge

Nashte ki mej par shrimati ko awaj dee
Akhbar lane ki pyar se pharmaish kee

Vo boli akhbar toh meri saheli le gayee
Thori der bad degi, keh kar bol gayee

Mai bola shrimati ji ussme vo khabar chhapee hai
Jis se phusphusahat har jegah phailti hai

Vo boli batao toh aisee kya bat hai
Phusphusahat hove, vo kya bat hai

Mai bola pehle tum sakhi ghar jao
Akhbar ghar lekar hi aaoo

Shrimati ji jake turant mayus aayee
Meri sakhi ki sakhi akhbar lekar hai gayee

Mai bola bhagvan tum kitni abhagi ho
Phusphusahat ki khabar se vanchit reh gayee ho

Yadi mai vo khabar pehle tumhe sunata
Tumhara rom rom romanchit ho jata

Patni gusse se pair patakte rasoighar dauree
Kitne bartan toote, janane ki himmat na huyee

Akhbar ab kissi ko nahi deti hai
Mai jab padhta hoon, pass hi baithi rehti hai

Shayad uss khabar ka hi usse intejar hai
Phusphusahat na hone ka ab tak malal hai

 

thanx siddiqui ji

thanx aqsh janab

thanx