Tu Khataari hay!

Khataree!
by mazHur

aagay peechay say kis nay maari hay
kis nay soorat teri bigaari hay?

teray daman pay daagh tha na koi
kis nay tujh per bala utaari hay?


dent hee dent hien lagay aagay
kaisay pichkee hui peechaari hay!
   

dam nahi  baaqi  teray engine mien
timing kee kati garaari hay!

tujh say na kion mein piyaar karoon
tu meri jaan meri sawaari hay!

kon kambakht lay gaya tha tujhay
kis nay haalat teri bigaari hay?

ab tera moal kia milay ga mujhe
log kehtay hien too khataari hay!