Baazicha-E-Atfaal Hai Duniya Mere Aage Hota Hai Shab-O-Roz Tamasha Mere Aage

Baazicha-E-Atfaal Hai Duniya Mere Aage
Hota Hai Shab-O-Roz Tamasha Mere Aage

Ik Khel Hai Aurang-E-Sulemaan Mere Nazdeek
Ik Baat Hai Ejaaz-E-Masiha Mere Aage

Juz Naam Nahin Surat-E-Aalam Mujhe Manzoor
Juz Vaham Nahin Hasti-E-Ashiya Mere Aage

Hota Hai Nihaan Gard Main Sehraa Mere Hote
Ghistaa Hai Jabin Khaak Pe Dariya Mere Aage

Mat Pooch Ke Kya Haal Hai Mera Tere Peeche
Tu Dekh Ke Kya Rang Hai Tera Mere Aage

Sach Kahte Ho Khudbin-O-Khudaara Hoon Na Kyun Hoon
Baitha Hai But-E-Aaina Seema Mere Aage

Phir Dekhiye Andaaz-E-Gulafshaani-E-Guftaar
Rakh De Koi Paimaana-E-Sahabaa Mere Aage

Nafrat Ka Gumaan Guzre Hai Main Rashk Se Guzra
Kyun Kar Kahoon Lo Naam Na Us Ka Mere Aage

Imaan Mujhe Roke Hai Jo Kheenche Hai Mujhe Kufr
Kaaba Mere Peeche Hai Kalisa Mere Aage

Aashiq Hoon Pe Mashooq Farebi Hai Mera Kaam
Majnu Ko Bura Kahti Hai Laila Mere Aage

Khush Hote Hain Par Vasl Main Yun Mar Nahin Jaate
Aai Shab-E-Hijraan Ki Tamanna Mere Aage

Hai Maujzan Ik Qulzum-E-Khoon Kaash! Yahi Ho
Aata Hai Abhi Dekhiye Kya-Kya Mere Aage

Go Haath Ko Jumbish Nahin Aankhon Main To Dam Hai
Rahne Do Abhi Saagar-O-Meena Mere Aage

Hampesha-O-Hammasharab-O-Hamraaz  Hai Mera
‘Ghalib’ Ko Bura Kyun Kaho Achcha Mere Aage

Be-Aitadaaliyon Se Subuk Sab Main Ham Hue
Jitne Ziyaada Ho Gaye Utne Hi Kam Hue

Pinhaan Tha Daam Sakht Qarib Aashiyaan Ke
Udne Na Paaye The Ki Giraftaar Ham Hue

Hasti Hamaari Apni Fanaa Par Daleel Hai
Yaan Tak Mite Ke Aap Ham Apni Qasam Hue

Sakhti Kashaan-E-Ishq Ki Pooche Hai Kya Khabar
Wo Log Rafta-Rafta Saraapa Alam Hue

Teri Wafa Se Kya Ho Talaafi Ki Dahar Main
Tere Sivaa Bhi Ham Pe Bahut Se Sitam Hue

Likhte Rahe Junoon Ki Hikaayat-E-Khoon Chakaan
Harchand Is Main Haath Hamaare Qalam Hue

Allah Re! Teri Tundi-E-Khu Jis Ke Beem Se
Azzaa-E-Naala Dil Main Mere Rizqe-Ham Hue

Ahal-E-Hawas Ki Fatah Hai Tark-E-Nabard-E-Ishq
Jo Paanv Uth Gaye Wo Hi Un Ke Alam Hue

Naal-E-Adam Main Chand Hamaare Supurd The
Jo Waan Na Khinch Sake So Wo Yaan Aake Dam Hue

Chodi ‘Asad’ Na Ham Ne Gadaai Main Dil Lagi
Saail Hue To Aashiq-E-Ahal-E-Karam Hue