Re: BEST WEBSITE FOR FREE SMS

Aa Ki Meri Jaan Main Qaraar Nahin Hai
Taaqat-E-Bedaad-E-Intazaar Nahin Hai

Dete Hain Jannat Hayaat-E-Dahar Ke Badle
Nashshaa Baandaaza-E-Khumaar Nahin Hai

Giriya Nikaale Hai Teri Bazm Se Mujh Ko
Haaye! Ki Rone Pe Ikhtiyaar Nahin Hai

Ham Se Abas Hai Gumaan-E-Ranjish-E-Khaatir
Khaak Main Ushshaq Ki Gubaar Nahin Hai

Dil Se Uthaa Lutf-E-Jalwa Haaye Maani
Gair-E-Gul Aaina-E-Bahaar Nahin Hai

Qatl Ka Mere Kiya Hai Ahad To Baare
Vaaye! Agar Ahad Ustavaar Nahin Hai

Tu Ne Qasam Maikashi Ki Khaai Hai ‘Ghalib’
Teri Qasam Ka Kuch Aitabaar Nahin Hai