Aaj bhi uss ghatna se sihran hoti hai

Dosto mere sath ek hadasa hua
Na jane mujhe dara sa gaya

Amavas  ki rat mein sardi bari thhi
Mai akela aur sunsan sarak thhi

Achanak barish joro se aane lagi
Dur ek ghar pe najar meri paree

Barish se bachne ke liye ghar mein ghusa
Ghar mein madhhim prakash phaila thha

Ghar ka darvaja achanak khula
Ek kali billi ne rasta kata

Ghar mein ek ajeeb sannata thha
Koi vahan najar  aata na thha

Ek larki samne mere aayee
Safed saree mein vo thhi lipti
 
Mujhse boli aap baith jaeiye
Toliya leke apne ko sukha leejiye

Pata nahi kya aakarshan ussme thha
Mujhe usski aur kheench raha thha

Tabhi najdeek vo mere aaye
Usska roop dekh ke aah nikal gayee

Usske dono hath khoon se sane thhe
Mukh mein bhi khoon ki dhar tapake thhe

Daravani hassi mein thhahaka lagayee
Aaj na chhorungi tujhe vo boli

Kitne din se shikar ki talash thhi
Khoon tera peene ki pyas thhi

Mai dar ke mare kanp raha thha
Paseene se lathpath hal bura thha

Mai kissi terah vahan se bhaga
Peechhe vo aati thhi dekhta thha

Kissi terah bach ke dhabe mein pahucha
Jate hi behosh vahan ho gaya

Hosh aane par logo ko dekha
Haveli gaye thhe kya ek ne poochha

Shukra hai aap bach ke aa gaye
Kitne hi log vahan se laut ke na aaye

Aaj bhi uss ghatna se sihran hoti hai
Kapkapi badan mein ho jati hai

  

Aapne story ko poetry me kyoN likhaa.
Agar esko story ke jaise likhte to jayada maza aata. Just a suggestion.

Aapki bat sahi hai, amal jaroor karunga, lekin kavita ko gadhya roop mein bhi likha ja sakta hai, jo aajkal ka latest trend hai

badhiya..

bahut khoob, mai bhi prashad ji ki bat se sehmat hoon, kavita kahani kehne ka ek madhyam hoti hai. Bare bare mahakavyo mein kahani ko kavita ke dwra hi pesh kiya jata raha hai. Issliye apna apna bayan karne ka tarika hai. Kavi ko swachhand likhna chaiye.

 

thanx mkv ji

sahi pharmaya dost, par vo mombatti nahi mobile leke ghoom rahi hai, modern technique ka jamana hai janab, maine usse aapka number de diya hai. Sambhal kar rahiyega.