aap hi bata do mujhe kuch kehte nahi banta...charan..

kabhi chalte huye pedhon ko dekha hai tumne?
kabhi khilte huye chehron ko dekha hai tumne?
aaj tumhe dikhlati hun khilte chehre apno ke..
aur pedh ke sath chale,rang aise albele sapno ke..

aaj udhyaan ki sair pe chale the hum behane
gulaabon ke bageeche se khushbu ko tohne*..

tohne: to feel..

kehne lagi kyun rang inka gulaabi hai, bolo..
arey didi, inki khushbu ka ab raaz toh kholo..

maine kaha tumhe dekhkar sharma jate hain..
aur itra se sari baghiya ko mehka jate hain..

phir boli,na chhedho aise, sach batao humko ab..
nahi sharmate dekh hume,na behkaao humko ab..

main boli yeh rang tumhari aankhon mein hain..
aur khushbu dekho tumhari baaton mein hain..

tum khush ho toh rang sabhi yeh pyare lagte hain..
aur dukhi, toh khushbu se bhi kinaare lagte hain..

haan, woh khush huyi thodi, halke se mujhse boli..

didi, kya hum itne pyare hain sach mein??
kya hamari baaton mein ras hai sach mein??
kyun khush hain hum yeh bhi toh batla do..
kya tumhari baaton mein dam hai sach mein??

khair, haar maani thi maine, nahi karungi tareef..
ab jhuthe munh ek baar bhi nahi banungi shareef..
phir bhi jo sach hai mujhko batlana padhega..
meri behano ko pyaar se samjhaana padhega...

unke sawaalon ka jawaab ab dete nahi banta..
aap hi bata do mujhe kuch kehte nahi banta...  

thank you sir..

very very nice

 

bahut bahut khoob