BEGAANE VO HAIN NAHEE ---------Srishti Raj Chintak

Iss peshkash maiN do dostoN ke beech kee nokjhoNk dikhaai gayee hai jo ek kamare meN saath-saath rahate haiN. Inamai se ek dost ko ek ladakee se ek tarafaa pyaar ho gayaa hai, usakee jubaan par har waqt us ladakee kaa hee jikra rahata hai.usakee iss baat se doosaraa dost pareshaan hai. Dono kee nokjhoNk ka mulahija farmaayeN :--

Dost : Jaane kyuN begano se dil lagaya jata hai
       Unake peeche har samay chakkar lagaya jata hai
       Khud to aatee nahi hai neeNd tumhe raat bhar
       Jane kyoN fir neeNd se mujhko jagaya jata hai
Aashiq : Begane vo hai nahee unako bataya jata hai
        Kaam se jana mera chakkar bataya jata hai
        Arai ! neeNd ka karate bahana tum jagate ho raat bhar
        Yaar jage ek bhala dooje se soya jata hai
Dost :  Shakl aur akl ka door tak pata nahi
        Mauj mastee ke siwa kuch unhe dikhtaa nahee
        Jee rahe vo jindagee lootane ko tafriyaaN
        Fir bhee jane kyoN unhe sar par chadhaya jata hai
Aashiq : Mauj mastee hai nahee ye jeene ka ek dhaNg hai
        Hans ke aansoo jo piye vo hee sachcha akalmaNd hai
        Sar chadhana kahate maire dile - darbaar maiN
        Aise aklenoor ko har sar jhukaya jata hai.
Dost :  AashikoN kee laine hee laine hai dar-b-dar
        Ho jawan ya adhed ghoomate charoN taraf
        Chahata lena use har koi aagosh maiN
        Tere dwara kyoN use devee bataya jata hai
Aashiq :Ye aashikoN kee laaine haiN sabko yeh batala rahee
        (ki) sabhyata kee daur maiN ham kitane peeche haiN abhee
        (arai) devee bhee koi agar haNs ke kabhee bole yahaN
        Es jahaN waloN ko vo bhee ishq najar aataa hai
Dost :  Roop ke baazaar maiN kyoN saath laya bhaavnaayeN
       Shaql hee se taulee jaatee haiN yahaN to yogyataye
       Ban chukee hai vo khilona har kisee ke haath kaa
       Tere dwara kyoN use pooja saraaha jata hai
Aashiq : Hai roop ka bazaar par lakhoN hai khareeddar jo
        Vo khud khilona haiN bane poochate na "bhaav" ko
        Vah saadhvee hai poojya hai "haNsatee" hai unakee aql par
        Par hamako unameN dekh kar chehare pe gam chaa jata hai
        ( ladakee aasiq ko dekh kar muh chadha letee hai )
Dost : ( dost  apane aashiq dost ko sudhaarne ke liye us par aakhiree
       hathiyar ka istemal karta hai.Ladaki kee aadat dheele baal kadhne
       kee hai jisase usaka chehra dhaka rahata hai, isee ko lekar vo
       bolata hai )
       Yaar ! too kyuN bhool khud ko ho raha pagal yahaN
       Kalee badalee se dhaka ye chaaNd ka tukda nahee
       Hai putee kaalikh usee ko hee chipane ke liye
       Julf ke parade ko chehre par giraaya jataa hai
Aashiq : Too ! chaaNd se karata hai tulana, yaar ! khud pagal hua
        Patthar sa vo bedard ye har dard kee hai ek dawa
        Dekh isako sharm se kar na le vo khudkashee
        Usakee hee khatir julf maiN chehra chipaya jata hai.

        BEGAANE VO HAIN NAHEE UNAKO BATAYA JATA HAI

good conversation