Betaab dil ki tamanna

Betaab dil ki tamanna yahi hai,
tumhe chaahenge, tum sang zindagi bitayenge,
.
Sune sune khwaabo me, jab tak tum na aye the,
khushiya thi sab auro ki, gham bhi saare paraye the,
apne se bhi chupayi thi, dhadkan apne seene ki,
hum ko jeena padta tha, khwaish kab thi jeene ki,
ab jo aa ke tum ne, hume jeena seekha diya hai,
chalo duniya nayi basayenge,
betaab dil ki tamanna yahi hai,
tumhe chaahenge, tum sang zindagi bitayenge,
.
Bheege bheege palko par, sapne kitne sajaye hai,
dil me jitna andhera tha, utne ujaale aaye hai,
tum bhi hum ko jagana naa, baaho me jo so jaye,
jaise khushboo phulo me, tum me yuhi kho jaye,
pal bhar kisi janam me, kabhi chhoote na saath apna,
tumhe aise gale lagayenge,
betaab dil ki tamanna yahi hai,
tumhe chaahenge, tum sang zindagi bitayenge,
.
Waade bhi hai, kasme bhi, beeta waqt ishaaro ka,
kaise kaise aramaan hai, melaa jaise bahaaro ka,
saara gulashan de daala, kaliyaa aur khilao na,
haste haste ro de hum itna bhi toh hasao na,
dil me tum hi base ho, saara aanchal wo bhar chukaa hai,
kaha itni khushi chhupayenge,
betaab dil ki tamanna yahi hai,
tumhe chaahenge, tum sang zindagi bitayenge....