Chaunkiye mat janab, mere naam bhrastachar hai...

Mera bhi dukh suniye, main bhi musibat ki maari hoon.
Main koi aur nahi, main bharat ki naari hoon.

Janam jab mera hota hai, ladki sun har koi rota hai.
Ladka paida ho to jashan khoob hota hai.
Aur mujhe kehte hain ki main vansh kaatne ki aari hoon.
Main bharat ki naari hoon.

Bete ko mile jee bhar kar pyar, bin maange ichha puri ho har baar.
Main maangu adna sa khilona, to koi na sune ek bhi baar.
Padhne-likhne bhai-behan sath me sachool jayein,
Aaye jab college ki baari, to beti ki kyun padhayi churwayein.
Kyun beti ko ghar ke kaam me lagayein.
Kya main intni kistat ki maari hoon.
Main bharat ki naari hoon.

Duniya ne samjha hai bojh beti ko, aur wo bojh samajh ke hi dhotte hain.
Kayi log katal karein beti ka kokh me hi, kayi paal kar majburi ka rona rote hain.
Jin beton ko maangte hain mannaton se, ve hi maa-baap ka naam dubote hain.
Duniya jin beton par naaj karein, wahi boodhe maa-baap ko ghar se bahar karein.
Betiyaan to maa-baap ki sewa karein, do vanshon badhane ka adhaar banein.
Fir kyun julm sehti main bechari hoon.
Main bharat ki naari hoon.

Bete baante jaydad, betiyaan maa-baap ka dukh baant ti hain.
Hajaron meel door bethi hon, fir bhi unke dil ka haal jaan jati hain.
Samjho to beti koi bojh nahi, wahi hamare jeewan ka sahara hai.
Inhi ke paawan kadmon se, mehakta jeewan hamara hai.
Betiyaan hi to maa-baap ke sar ka asli taaj hain.
Naari na hogi to tum kahan se aaoge, apne beton ke liye bahu kahan se laaoge.
Yahi vinti karta hai “RAAJ” sab se, aadar samman do naari ko ab se.
“RAAJ” main jata betiyon par balihari hoon,
Main bharat ki naari hoon.
 
Kyun mere naam par halla machate ho,
Kyun mere naam par dangey karte ho.
Main khud nahi aaya, mujhe laaya bharasht logon ka pyaar hai.
Chaunkiye mat janab, mere naam bhrastachar hai.

Mera janam kab-kahan hua, main nahi jaanta.
Mujhe laya kau yahan, main nahi jaanta.
Bas itna yaad hai ki mera bachpan beeta hai raaj-netaon  ki haweliyon me.
Ladakpan gujra mehangai ki maar jhelti garib galiyon me.
Mujhe bekhauf jeene ka haunsla sarkari afsaron se mila hai.
Jinhe apne desh ko lootne me na koi shikwa-gila hai.
Mere wajood ka kaaran aise mahan desh bhakton ke hi vichaar hain.
Chaunkiye mat janab, mere naam bhrastachar hai.

Pehle to main janam lene se bhi darta tha.
Mujhe yada karne se pehle insan bhi sau baar khud se darta tha.
Ab na wo samay raha, na wo insan rahe.
Ab samay hai dusron ko loot kar apni jeb hum bharte rahein.
Aur jo punya ke kaam na kare, wo insan bekar hai.
Chaunkiye mat janab, mere naam bhrastachar hai.

Ab mahima suniye mere rishtedaaron ki.
Jara guwatta dekhiye inke kirdaaron ki.
Hamari nikammi aur raajnetaon ke liye bani police ko main apni maa manta hoon.
Desh ko loot-2 kar apna ghar banane aur desh ka paisa pardes me jama karne wale gaddar netaaon-afsaron ko apna pita janta hoon.
Rishwat-khor, beiman, mauka parast, jonk ki  tarah garibon ka khoon choosne wale ye sab mere khaas rishtedaar hain.
Ye bharat desh hi nahi saari duniya me mera raaj hai.
Mujhe duniya ki nahi, duniya ko meri jarurat aaj hai.
Chaunkiye mat janab, mere naam bhrastachar hai.

waah waah waah bahur khoob

 
waaah sach ki badi achchi tasveer bahut khoob