***dahez***

jis aangan mei thi pali
chod aaj wo dehliz thi chali
baba ka pyaar maa ka dular
sab saath yaadon mei le mein chali

bhai se jhagda wo behno ka pyaar
chut chala ab khushiyon ka sansaar
apne hi ghar se paryi ho chali
sab saath yaadon mei le mein chali

wo gudiya guddo k khel suhane
wo saheli sang khelne k kitne bahane
alhad sa bachpan kho k chali
sab saath yaadon mei le mein chali

kitne pyaar se tha maa baapu ne pala
kitni jaldi gujar gaya hasin wo jamana
ab aansuon ki dhar hai bas beh rahi
sab saath yaadon mei le mein chali

in naye rishton se anjaan thi
bas ek naye jeevan ki shuruat thi
bandh nayi dor piya ghar thi chali
sab saath yaadon mei le mein chali

fir ek aur dulhan thi mein saji
khushiyo ki dil mei jhadi thi lagi
par anjaam se mein anjaan thi
isliye pyaar se thi mein bhi bali fir chadhi

jala dalaa mujhe bhi dahez ki aag mein
in bhukhe bhediyon k sansaar mein
soch rahe the maa baapu ki khush hongi mei
par meri yaha khak ho thi chali

aaj ruh meri dekh rahi hai sansaar ko
beto-betiyon k is vyapaar ko
kyu beti hi har baar aag mei jali
sab saath yaadon mei le mein ab chali

Satiring and Very Touching...

Bahut bahut khoob Bhawna..
Bahut umda likha hai aapne..

  very nice bhawna...bahoot achcha likha