~*~*~* DHUWAN DHUWAN ~*~**~

Kaisa dhuwan dhuwan sa urra ja, raha hoon main
Dunya pe asman ki trah chaa,---- raha hoon main

Ik din balandiyon se main dekhoon ga ye zameen
Jeene ki arzoo main mara jaa, ---raha hoon main

Aati hey mout jis trah tu,----- roz-o-shab qareeb
Yoon rafta rafta tere qareeb aa, raha hoon main

Bethey raho ge,-- bazi-e-ishaq-e- tamam tak
Simtee hoee bisaat ko phela, raha hoon main

Nazuk laboon ko woh tera hoontoon se daabna
Bas is adaa pe teri mitta jaa,-- raha hoon main

Awaz dab gayee kaheen insaan ki cheekh main
Insaniyat ka lafz hi mitwa,----- raha hoon main

Pukara gaya hoon “BURQ” main loh-e-zameen se
Kuch dair ghan garaj le too aa,-- raha hoon main