Hamaari simt wo aise nigaah karte haiN

YaqeeN hai ham ko khudaa ke raHeem hone par,
Isi binaa pe to yaaro! gunaah karte haiN.
ji nahin agar jaan boojh kar gunaah karte hain to ye hamaari shaitaani hai.insaaniyat ka taqaaza hai ki gunaah ghalti se surzad ho jaye to nadaamat ho aur tauba kare.n.haan khataaye.n hoti hain ki hum insaan hain per sochte hue jaante hue karte rahe,n to kahaan ki aqlmandi hai. janaab ye sher logical sahi nahin hai.bhale hi sher ke nazariye se ye her norm ko adaa karta ho.

Sheba ji mere liye khushi ki baat hai ke aap ne kalaam ko ba ghaur paRha. Apne khayaalaat ko mujh par Zaahir bhi kiya. Daad o sitaaish se bhi nawaazah aur jo baat na munaasib/ghair qaabil e qabool thi us par ia'tiraaz bhi kiya.
Meri aap se guzaarish hai ke jis she'r par aap ko ia'tiraaz hai us par aur jo aap ne us par tabSirah kiya hai donoN par aur ghaur kar leN. Shaayad ke she'r kisi pahlu se durust ho aur aap ko ye eHsaas ho jaaye ke She'r meN haqeeqat bayaani se kaam liya gaya hai. gunaah ki targheeb ya tashveeq ki Taraf koie isharah nahiN hai.
Mujhe aap ki raaye ka intizaar rahega. Is waqt maiN ne waZaahat se gurez kiya hai is ka marHala ba'd meN hai...

Sheeba ji agar aap apni raay se mutmainn haiN to mujhe zaroor aagaah kar deN taaki maiN us she'r ki wazaahat kar dooN jis par aap ko ia'tiraaz hai. Aap ki jo bhi raay ho mujhe zaroor ba khabar karN taaki baat waazeh ho jaye.