Hum kaha sher kehne wale hain, Yasir Inam

Hum kaha she'er kehne waley hain.
ek do harf mila daley hain.

Mere ek khas ki nishani hain.
Mere seeney pe ye jo chaley hain.

Tujhko apno se dur na kar dain.
Tere ahbab kuch niraley hain.

Apni banduqain ab uthalo tum.
Hum bhi patthar uthane waley hain.

Kar k tareek meri basti ko.
Apkey sheher main ujaley hain.

Naplo asman ki unchai.
Humne patthar kai uchaley hain.

Mulk main kuch gharib aise hain.
Teen bacchey hain do niwaley hain.

Ek bistar pe char soye hain.
Unchi kothi main motey taley hain.

Had se badh jaye to maza aye.
Dard k rang kuch niraley hain.

Ab ina'am unko zaban pe rakh lo
Aap kii aql pe jo taley hain

Bohor bohot shukriya janab,,

bohot shukriya janab nandbahu

Janab Bohot Shukriya zarra nawazi ka.

Thank you veryyyyyyyyyyyyyyyyyyyyyyyyyyyyyyyyyyyyyyyyyyyyyy yyyyyyyyyy muchhhhhhhhhh.. !!!!

Thanks

Janab Is qadar zarra nawazi ka tahe dil se Shukriya janab HRIDAY Sahab Bohot bohot shukriyaaaa,,