Kalaam-e-Saahir:Miscellaneous Shayri

Sayyid Randeri

Guest

Janab Saahir Ludhyanvi ki shaksiyat kisi t'arruf ki mohtaaj nahin... lihaza Kalam-e-saahir ka bas maza lijiye... (Saahir=Jaadugar)

Zindagi bhar gham judaai ka mujhe tadpaayega
Har naya mausam puraani yaad lekar aayega

He wahi raahen wahi gliyaan magar sunsaan hai
Tuu nahi to dil ki saari bastiyan veeran hai
Dil main hai jo gham tera wo jaan lekar jaayega
Har naya mausam puraani.....

Ho mubarak tujh ko khushiyan or mujhe ruswaaiyan
Tujh ko tera ghar mubarak or mujhe tanhaaiyan
Marte marte bhi teraa hi naam lab pe aayega
Har naya mausam puraani.....

Zindagi bhar gham judaai ka mujhe tadpaayega
Har naya mausam puraani yaad lekar aayega

(Saahir Ludhyanvi)


	Logged

Similar Poetry and Posts (Note: Find replies to above post after the related posts and poetry)
	~!~Zajbaat-e-Saahir~!~ by badnaam_shayar in Shayri-E-Dard
	Ek adna sa kalaam....................(Sanjay Karndhar) by karndhar in Shayri for Khumar -e- Ishq
	Dard pe ek Kalaam by Gumshuda in Shayri-E-Dard
	Kalaam-e-Murshad (Spiritual Master/Guru) by ismailpatel in Share:Devotional Poetry
	Adhura kalaam...Geet... by brokenbyluv in Shairi - E - Zindagi « 1 2 All »

Sayyid Randeri

Guest

Re: Kalaam-e-Saahir

«Reply #1 on: August 16, 2009, 09:09:43 PM »

Tang aa chuke hain kash-ma-kash-e-zindagi se ham
Thukaraa naa den jahaaN ko kahin bedili se ham

Maayuusi-e-ma'al-e-mohabbat naa puuchhiye
Apanon se pesh aaye hain begaanagi se ham

Lo aaj hamane tod diyaa rishtaa-e-ummeed
Lo ab kabhi gilaa naa karenge kisi se ham

Ubharenge ek baar abhi dil ke val-vale
Go dab gaye hain baar-e-Gam-e-zindagi se ham

Gar zindagi men mil-gaye phir ittafaaq se
Puuchhenge apanaa haal teri bebasi se ham

Ham Gam-zadaa hain laaye kahaaN se Khushi ke giit
Denge wahi jo paayenge is zindagi se ham

(Saahir Ludhyanvi)


	Logged

Sayyid Randeri

Guest

Re: Kalaam-e-Saahir

«Reply #2 on: August 16, 2009, 09:11:47 PM »

Bharam teri vafaaoN kaa mitaa dete to kyaa hotaa
Tere chehare se ham pardaa uthaa dete to kyaa hotaa

Muhabbat bhi tijaarat ho gayi hai is zamaane meN
Agar ye raaz duniyaa ko bataa dete to kyaa hotaa

Teri ummiid par jine se haasil kuch nahin lekin
Agar yun hi na dil ko aasaraa dete to kyaa hotaa

(Saahir Ludhyanvi)


	Logged

Sayyid Randeri

Guest

Re: Kalaam-e-Saahir

«Reply #3 on: August 16, 2009, 09:16:52 PM »

Bujhaa diye hai Khud apne haathon mohabbaton ke diye jalaake
Meri vafaa ne ujaarh di hai ummid ki bastiyaan basaa ke

Tujhe bhulaa deNge apne dil se ye faisalaa to kiyaa hai lekin
Na dil ko maaluum hai na hamko jiyeNge kaise tujhe bhulaa ke

Kabhi mileNge jo raaste meN to muhN phiraakar palat padeNge
KahiN suneNge jo naam teraa to chup raheNge nazar jhukaa ke

Na sochne par bhi sochati huuN ke zindagaani meN kyaa rahegaa
Teri tamannaa ko dafn karke tere KhayaaloN se duur jaake

Bujhaa diye haiN Khud apne haathon mohabbatoN ke diye jalaake
Meri vafaa ne ujaarh di hai ummid ki bastiyaaN basaa ke

(Saahir Ludhyanvi)


	Logged

Sayyid Randeri

Guest

Re: Kalaam-e-Saahir

«Reply #4 on: August 16, 2009, 09:22:17 PM »

hawas naseeb nazar ko kahin qaraar nahin
main muntazir houn, magar teraa intezaar nahin

hamin se rang-e-gulistaaN, hamin se rang-e-bahaar
hamin ko nazm-e-gulistaan pe ikhtiyaar nahin

abhi na chhedh muhabbat ke geet ey mutrib
abhi hayaat kaa maahaul Khushgavaar nahin

tumhaare ahd-e-vafaa ko main ahd kyaa samjhoun
mujhe Khud apnii muhabbat kaa aitbaar nahiIn

gurez kaa nahin qaail hayaat se, lekin
jo sach kahoun to mujhe maut naagavaar nahin

(Saahir Ludhyanvi)


	Logged

Sayyid Randeri

Guest

Re: Kalaam-e-Saahir

«Reply #5 on: August 16, 2009, 09:27:43 PM »

muhabbat tark ki main ne garebaan si liyaa main ne
zamaane ab to Khush ho zahar ye bhi pi liyaa main ne

abhi zindah hun lekin sochataa rahtaa huun Khalwat mein
ke ab tak kis tamannaa ke sahaare ji liyaa main ne

unhein apnaa nahin saktaa magar itnaa bhi kyaa kam hai
ke kuchh muddat haseen khwabon mein kho kar ji liyaa main ne

bas ab to daaman-e-dil chhorh do bekaar ummido
bahut dukh sah liyaa main ne bahut din ji liyaa main ne

(Saahir Ludhyanvi)


	Logged

Pooja

Guest

Re: Kalaam-e-Saahir

«Reply #6 on: August 16, 2009, 11:01:52 PM »

bahoot khoob Sayyid ji...


	Logged

thegrimreaper

Guest

Re: Kalaam-e-Saahir

«Reply #7 on: August 16, 2009, 11:05:25 PM »

kya likha hai Sayyid ji Applause


	Logged

Sayyid Randeri

Guest

Re: Kalaam-e-Saahir

«Reply #8 on: August 17, 2009, 11:37:47 AM »

Quote from: Pooja on August 16, 2009, 11:01:52 PM

bahoot khoob Sayyid ji...

Shukriya pooja ji meherbaani aapki.


	Logged

Sayyid Randeri

Guest

Re: Kalaam-e-Saahir

«Reply #9 on: August 17, 2009, 11:40:20 AM »

Quote from: thegrimreaper on August 16, 2009, 11:05:25 PM

kya likha hai Sayyid ji Applause

Bohot bohot shukriya grimreaper ji..


	Logged

Pages: [1]

Yoindia ShayariAdab > Shayri ( Poetry ) or Shayari > Miscellaneous Shayri > Topic: Kalaam-e-Saahir