Khun ki Holi

Har janib
Kuhram bapa hai
Phir shaiad bum phata hai
Bikhri padi hain chaher janib
Laashain  be tarteebi se
Kuch hain be aaza
Kuch hain be sir ki
Har janib aik shor bapa hai
Qayamat ka hangaam bapa hai
Lashoon ka bazar saja hai
LoothaduN ka ambar laga hai
Kuch aankhun se ashk rawan hain
Kuch aankhain hayerat zada hain
Kuch zabanoon pe aahu-o-fugan hai
Kuch pade hain sakte main
Kuch ke hont silay hain
Kuch duniya ko kos rahe hain
Kuch shikwa karte Allah se
Palne wale
Tu dekh raha hai
Insaaf tera
Kahan chupa hai
Aik bahen
Apne maan jaiye ko
Na jane kab se
Dhund  rahi hai
Ajeeb si kash ma kash hai
Rote rote soch rahi hai
Kia woh zinda hai
Khudara
Sach ho khuwab yeh mera
Aik bewa maan
Bete ki laash per baithi
Duniya se yeh puch rahi hai
Kia jurm tha iska
Isko quin mara hai
Basin theen us main
Sansaian meri
Ab kaise main ji paungi
Jaho hasham ki lalach main
Insaniyat ka khoon bahate ho
Phir magar mach ke ansu bher kar
T V per tum aate ho
Be gunahun ko dekar ilzaam
Insaniyat ki guhaar lagate ho
Sharm bhi tum se sharmaee hai
Shaitan ne bhi aankh churaiee hai
Is hawis ka anjam hai kia
Kia yeh khooni daulat
Tum ko amar kar paiyee gi
Khuni holi kab raas aati hai
Ashkoon ke badle khoon rulati hai
Roote tum aaye they
Sisak sisak mar jao ge
Khuda ke ahkaam ko samjho
Shaitan ke anjaam ko dekho
Chudu
Ab lillah chudu
YEH KHOON KI HOLI