Kitabon mein padha tha maine,

Kitabon mein padha tha maine, purush ek chhavi hai
Naari ne khud mein bhawnaon ko samaya
Dono ko jodkar dekha to paya
Sunder chitvan jisne Rab ka roop darshaya

Purush teer to naari kamaan
Ik-duje bina na inki pehchaan
Ek agar talwaar bana to
Duje ne banke dhal saath nibhaya

Do sunder cheezon ka mail zaroori banta aise
Jaise Arjun akele ‘Geeta Ka Saar’ liye ranbhoomi mein na jeet paya
Naari bhi jeevan mein kimat rakhti aise
Jiske bina Ishwar iss sansaar ko nahin saja paya

Jeevan-maran ki dor to rachiyata ke haath
Rishton ki dor ka bhaar usne nar-naari ko hi sambhlaya
Maana vibhajan ki hai aaj ahmiyat kaafi
Rishton mein nahin, balki shrum mein isko batlaya

Gaate hain sab….’Satya hi Shiv hai, Shiv hi sunder hai’
Samajhte kyun nahi, iss sunder Shiv ko Gauri bin na koi pura kar paya
Purush ne agar naari ko suna aur samjha hai
Ye batlao kyun Ram fir ‘Hey Sitey! Hey Sitey!’ kah roya aur chillaya

Dono ko barabar zaroorat ek-duje ki
Kyun Bhagwan ne naari ko hi sehansheel bata apna bhed-bhaav chhupaya
Nar-naari khan gunon ki
Ek avgun ko dekh fir purush ne kyun naari ko thukraya

waah waah