KITNA KOOL HAI PYAAR ---------( Qais ):Miscellaneous Shayri

Qais

Guest

Pyaar kya hai ,
Sochta hoon !

Koi kahta hai Phool hai Pyaar ,
Jis mein Rang bhi hai , Khushbu bhi ,
Husn bhi aur jawani bhi ,
Titliyon ka bholapan bhi ,
Bhounron ki chedkhani bhi ,
Jinko mil jaata hai yeh phool ,
Saja lete hain ,
Apni zulfon mein ,
Coat ke Collar mein ,
Zindagi sugandh mai ho jaati hai !!

Koi kahta hai Shool hai Pyaar ,
Jis mein Khushbu hai na rang hai ,
Saleeqa hai na dhang hai ,
Ugta hai unchaahe hi ,
Chubh jata hai bin batlaaye hi ,
Man mein chubhta rahta hai tab tak ,
Nikaal na phenka jaaye jab tak

Koi kahta hai Bhool hai Pyaar ,
Jo bhoole se ho jaati hai ,
Jawaani ke toofanon mein ,
Aql jab kho jaati hai ,
Bhool kabhi yeh raas aa jaati hai ,
Aur kabhi bahut pachtaati hai

Main kahta hoon Kitna Cool hai Pyaar ,
Phoolon ki sundarta bhi hai ,
Shoolon ki chubhan bhi ,
Bhool ka bholapan bhi hai ,
Bhounron ki chanchalta bhi
Bus itna gar dhyaan rahe ...,
Har bhool sudhar sakti hai ,
Shoolon ke saath basar ho sakti hai ,
Phool , Shool , Bhool sabb ,
Rang hain jeewan ke ,
Jo nibha sake har Mausam ,
Wahi pyaar hai !!
Wahi Pyaar hai !!!

Kitna Kool hai Pyaar !!!!


	Logged

Similar Poetry and Posts (Note: Find replies to above post after the related posts and poetry)
	IT'S KOOL ONLY IF U R A HYDRABADI!!!!! by murali in Chit - Chat & General Discussion « 1 2 3 4 »
	My All Time Fav. Song ( Humein Tumse Pyaar Hai Kitna ) by Love is Life in Songs & Lyrics
	KITNA PYAAR DIYA by WAQAS AHMED in Shayeri for Dard -e- Bewafai
	Kitna Kartye hain Pyaar...Kash by Sanjeev kash in Miscellaneous Shayri « 1 2 All »
	kitna karta hun pyaar by saahill in Shayri for Khumar -e- Ishq

ParwaaZ

Guest

Re: KITNA KOOL HAI PYAAR ---------( Qais )

«Reply #1 on: November 29, 2011, 06:15:45 PM »

Qais Sahaab Aadaab!

Behad khoob janab behad khoob..
Kafi achche khayaal bayaaN kiye hai aapne pyaar ke
liye...

Humari dili daad O mubarakbad kabul kijiye..

Likhate rahiye.. Khush O aabaad rahiye..
Aate rahiye...
Khudaa hafez..