main apna likha mita raha hoon (NM):Miscellaneous Shayri

Guest

Udaas aankhon say beh raha hay
Har ake lamha jo likh liya thaa
Gayay dinon ki musaafaton main
Jo tu ne, main ne kabhi kaha tha
Main ake ik, kar kay raftaa raftaa
Har ake naghmaa jalaa raha hoon
Main apna likha, mitaa raha hoon

Qasam khuda ki har ake naghma
Na jaanay kitnaa he ro kay likha
Kabhi sharaabon main gharq ho kar
Kabhi to galiyon main so kay likha
Jo teri chaahat kay reekhhtay hain
Ab un say nazren churaa rahaa hoon
Main apna likha, mitaa raha hoon

Tumhaari baanhon ko jeetnay ki
Qasam jo khaai thi tore doon ga
Banaavaton ki fareb duniya
Main ab ye duniya he chhore doon ga
Na jaanay kitnay fareb lay kar
Teri gali say main jaa rahaa hoon
Main apna likhaa mitaa rahaa hoon

Agar to mujh say bhe barh kay itnaa
Tu meray naghhmon ko chaahti hay
Meri fanaa par bhe gar tu chup hay
To ye mohabbat banaawati hay
Main khaamshi say bhe doob leta
Par haath apna barha rahaa hoon
Main apna likhaa mitaa rahaa hoon

*------------------------------*


	Logged

Similar Poetry and Posts (Note: Find replies to above post after the related posts and poetry)
	Ro raha hoon main by Nino in Shayri-E-Dard
	Main chal raha hoon aaj bhi by Alam Qazi in Shayri-E-Dard
	Soochta hoon tujhey apna kion nahin likha main ne by jianrangrej in Shayeri for Dard -e- Bewafai
	-----/// Main koshish kar raha hoon /// ----- by ~Hriday~ in Shayri for Khumar -e- Ishq
	likha muqaddar ka kahan mita paya koi by sunildehgawani in Shairi for Manzar -e- Kudrat

adil bechain

Umda Shayar

Rau: 161

Offline

Gender: Male

Waqt Bitaya:
31 days, 18 hours and 24 minutes.

Posts: 6552
Member Since: Mar 2009

Re: main apna likha mita raha hoon (NM)

«Reply #1 on: June 11, 2011, 12:14:02 PM »

Quote from: vb on June 11, 2011, 11:26:16 AM

bahut khoob vb ji Applause


	Logged

ParwaaZ

Guest

Re: main apna likha mita raha hoon (NM)

«Reply #2 on: June 11, 2011, 03:17:40 PM »

VB jee Aadaab

Janab badi mudat bad aapki kisi kalaam se ruberu huye haiN..... Hanab bada afsos ho raha hai ke aapne apni hi kalaam ke
liye NM istemaal kiya

Hum yekeen se kah sakte haiN ke yeH aapki khud ki likhi kalaam hai..

Aap YOINDIA ke rules ka sammaan kiye hume khushi hai...
Par gham is baat ka hai ke aapne apni hi kalaam ko kisi aur
ke naam par shahid kar diyaa

Likhate rahiye...
Aate rahiye .......
Khush O aabaad rahiye.....
Khuda Hafez


	Logged

SURESH SANGWAN

Guest

Re: main apna likha mita raha hoon (NM)

«Reply #3 on: June 12, 2011, 04:56:24 AM »

very nice sharing.

Clapping Smiley


	Logged

Guest

Re: main apna likha mita raha hoon (NM)

«Reply #4 on: June 15, 2011, 07:31:13 AM »

ParwaaZ sahab ! likha tu hamaara he hay... ab itni fazooliyaat aur kon likhta hay yahan... wo kya hay kay apna naam denay say faraq kuch parta tu baat bhe thee... tamaasha hona chahiyay, tamaashaai honay chahiyen... in joker chehron k peechay kon hain.. kisi ko kya... hum khoon ko paani kartay hain.. aur loug inhen apnay pyaaron kay naam kay saath parhtay hain...

hum na bhe likhen kuchh tu kya... yahan tu baazaar sajay hain...
..............
kya kisi aankh main nami ho ge...
hum na hon gay, tu kya kami ho ge

bheeg jaain wo nigaahen shaayad
saans apni mangar thammi ho ge

aas maayoos uffaq main doob gai
raat ab azzal tak, jammi ho ge...

khushk patton ko ab jalaa dena..
ab na vb say barhami ho ge......
............
(NM)


	Logged

Pages: [1]

Yoindia ShayariAdab > Shayri ( Poetry ) or Shayari > Miscellaneous Shayri > Topic: main apna likha mita raha hoon (NM)