Yoindia Shayariadab - Where emotions are expressed in words.

mujh se pahlii sii muhabbat merii mahbuub na maaNg - By Faiz Ahmad Faiz

by fernsk on March 29, 2011, 02:23:59 AM

Yoindia ShayariAdab > Shayri ( Poetry ) or Shayari > Miscellaneous Shayri > Topic: mujh se pahlii sii muhabbat merii mahbuub na maaNg - By Faiz Ahmad Faiz

Pages: [1]

Author

(Read 1093 times)

fernsk

Guest

mujh se pahlii sii muhabbat merii mahbuub na maaNg

maine samjhaa thaa ke tuu hai to daraKhshaaN hai hayaat
teraa Gham hai to Gham-e-dah’r kaa jhagRaa kyaa hai
terii suurat se hai aalam meN bahaaroN ko sabaat
terii aaNkhoN ke sivaa duniyaa meN rakhaa kyaa hai
tuu jo mil jaaye to taqdiir niguuN ho jaaye
yuuN na thaa maiN ne faqat chaahaa thaa yuuN ho jaaye
aur bhii dukh haiN zamaane meN muhabbat ke sivaa
raahateN aur bhii haiN vasl kii raahat ke sivaa

mujh se pahlii sii muhabbat merii mahbuub na maaNg

anginat sadiyoN ke taariik bahimaanaa talism
resham-o-atlas-o-kam-Khvaab meN bunvaaye hu’e
jaa-ba-jaa bikte hu’e kuuchaa-o-baazaar meN jism
Khaak meN lithaRe hu’e Khuun meN nahlaaye hu’e
lauT jaatii hai udhar ko bhii nazar kyaa kiijiye
ab bhii dil-kash hai teraa husn magar kyaa kiijiye
aur bhii dukh haiN zamaane meN muhabbat ke sivaa
raahateN aur bhii haiN vasl kii raahat ke sivaa

mujh se pahlii sii muhabbat merii mahbuub na maaNg


	Logged

Similar Poetry and Posts (Note: Find replies to above post after the related posts and poetry)
	Raushan kahi bahar ke.....(Faiz Ahmed Faiz) by sajid_ghayel in Shayri-E-Dard
	Ghazal: Ishq ko aazma ke dekh liya. " Faiz Ahmad Faiz" by R.M. Dixit in Other Languages
	Ghazal: Dil Main Aab Yuon tere bhoole hue gam " Faiz Ahmad Faiz" by R.M. Dixit in Urdu Poets
	Faiz Ahmad Faize ki rachana by rshmakeraqeeb in Share Poetry You Like
	mujh ko apna faiz...zarraa by zarraa in Shayari-e-Parastish « 1 2 All »

Pages: [1]

Yoindia ShayariAdab > Shayri ( Poetry ) or Shayari > Miscellaneous Shayri > Topic: mujh se pahlii sii muhabbat merii mahbuub na maaNg - By Faiz Ahmad Faiz