NARAYAN.JI KYUN SOTE HAIN

NARAYAN.JI sote hain unhen sonne do...
woh kuchh araam farmaatey hain, unhen sonne do!

muddat pehle ik kumhaar ne aik  faryaad kee thhee...
Khuda se baarish band karne kee baat kahii thhee!

Kehtaa thha woh agar band na huyee to bartan kaise banaaye gaa...
biwii bachhe bhook se mar jaayen gay agar kaam na kar paaye gaa!

Narayan.ji bole "Tathaa Asthu"; aur baarish band hogayee thhee...
barish band ho jaane se, kumhaar kee to chandii ho gayee thhee!

itne mein ik dhobi chilaayaa Oh God! insaaf yeh teraa kaisaa...
agar kapreh naa dhho paayaa to paas naa hogaa ik paisa!

Narayan bole, suntii ho Lakshmi, kuchh rooyee tel jaldii ley aayo...
tel daal diyaa mere kaanon mein aur rooyee kaa dhakan lagaayo!

isii liye to, Bhagvaan tabse sote hain, unhen sonne do...
woh Kumbhkaran kee neend sote hain, unhen sonne do!!

SurindarN.                              "MohanN"