RAAH

Dhundhali si RAAH hai
Fir bhi chalne ki chaah hai,
Manzil bhi nazar aayegi
Aur yahi raah pahunchayegi..

Abhi raah me har taraf
Kaante biche hai to kya,
Nazar nahi aa raha koi
Hum akele hai to kya,
Kuch samay ki baat hai
Phool bhi khil jayenge,
Bas kuch samay ki baat hai
Saathi bhi mil jayenge..

Abhi aansu bahri aankhon se
Kuch bhi dekh nahi pa raha hu,
Abhi apni chaah se
Kadam tak nahi utha pa raha hu,
Kuch sama ki baat hai
Haseen  duniya nazar aayegi,
Bas kuch samay ki baat hai
Ye RAAH kadamo tale aa jayegi..

Ye RAAH..
Ye Raah jo mujhe
Manzil tak le jayegi,
Aur manzil ek din
Meri ho jayegi..[/i]