Sada haq.. Aithe rakh................soudagar

Kab tak chalegi inki manmani, kab tak hoga hamara shoshan
kab tak gunjegi virano me masoomo ki cheekh-pukar
kab tak honge yeh ghotale,kab tak khele jayenge khel nirale
kab tak desh mein faila rahega deemak jaisa bhrstachar
kab tak honge nashe ke aadi,kab tak hogi yuvao ki barbadi
kab band hoga mere desh mein nashe ka yeh karobar
kab tak hogi laparwahi, kab tak chalegi rishwatkhori
kab tak afsar rishwt lekar hi karega har kaam ko taiyar
kab tak aurat ghr mein rahegi. Kab tk ladki najro se dregi
kab band honge nari ke sath yeh atyachar durachar
kab tk yuva berojgari sahega,roji roti ke liye dusre desh rahega
kab milega berojgaro ko apne desh mein hi rojgar

bahut seh li taqleef, bahut ho gya hum par atyachar
ab apni aawaj buland karenge, warna hai hum par dhikkar
apne haq ke liye ladenge , yahi baat kahenge- sada haq... Aaithe rakh
har hindustani ke dil se niklegi haq ki yahi pukar

har jurm ka ab khatma hoga,har trf naam parmatma ka hoga
bharat ka nav nirman karne mein hai har hindustani taiyar