Sirf insaniyat hi Insaan ke vikaas ka paimana hai

Sirf insaniyat hi insaan ke vikaas ka paimana hai
lekin adhunikyug me insaan ne ise aur gawaya hai

Aaj sabhi desh apne nuclear mission me to lage hain
lekin miljulke insaniyat ke mission par swar nahi ubhra hai

Koi mazhab kabhi bhi zulm karne ki seekh nahi deta
lekin Talibaan,Sudaan ne mazhab ko badnaam kiya hai

Kabhi bhi kisi ko bhi kahin bhi maut ke ghaat utaar dena
aise gunaah ko Talibaan ne apni aadat bana liya hai

Aaj tak auraten kabhi pathhar kabhi kodon ki saza pa rahi
jabki har insaan ne aurat zaat se hi janm paya hai

Har mazhab ke log har tabke ke log shoshit ho rahe
aaj bhi kitni auraton ko dahej ke naam pe jalaya jata hai

Loktaantrik Bharat me nidar hoke balaatkaari ghoomte hain
Kya bachhe kya auraten sabpar bepanaah zulm hota hai


























Bahut zaruri hai ki hum jaat paat chhetra se uthke sochen
Bahut zaruri hai ki hum insaaniyat ko sabse upar raken
Bahut zaruri hai ki daya,karuna,prem,ahinsa ko failayen
Insaan rahenge to hi vishwa rahega ise samjhe ise samjhayen

khumarji.... kya kahun....

aankho main aansu aa gaye... aur dil main aag lag gai.... kya kahun...