Ummid-e-wafa

saba le ja payaam us be khabar tak
jo louta hi nahi ja ke idhar tak

shab-e-gham roshni hi roshni thi
diya jalta raha gham ka seher tak

hazaaron gham gusaar aye hien lekin
he mera dard bas mere jigar tak

mujhe janat dikhai de rahi thi
jab aaya hath maan ka mere sar tak


bas ek unki jhalak dekhi thi tasleem
rahi na phir mujhe apni khabar tak
 

  Aap sabhi hazraat ka behad shukr guzaar hun ke is nacheez ki ghazal par aapne nazr-e-saani daali allah se dua go hun aage bhi aap ki khidmat kar sakun jahan tak taaruff ki baat he to is bande ko Tasleem kehte hein.

shayri ke asatza mein awwal naam Tanveer khatolvi he jinki barkat se qalam ko pakadna sikha. hazrat aabpashi mehakma mein mulazim the aur behtreen shayer bhi

filwaqt Dr.mukarram adna ishqaabadi sahab darsgah se juda hun jo meerut mein mukeem hein.

apne baare mein bata raha hun ke nachees ek telecom company mein bator Warehouse Manager kaam karta hun wo bhi Ghalib sahab ki Dilli mein.

Shukraan
Tasleem Ahmad Tasleem